moving from Insein prison

သံဃာ့လှုပ်ရှားမှုခေါင်းဆောင် အရှင်ဂမ္ဘီရကို ခန္တီးထောင်ပြောင်း
VOA, 01 December 2008

မြန်မာနိုင်ငံမှာ ၂၀၀၇ ခုနှစ် ရွှေဝါရောင် သံဃာ့လှုပ်ရှားမှုကို ဦးဆောင်ခဲ့သူ သံဃာတပါးဖြစ်တဲ့ အရှင်ဂမ္ဘီရကို ခန္တီးထောင်ကို အာဏာပိုင်တွေက ပို့လိုက်ပါတယ်။ နိုင်ငံရေးလှုပ်ရှားသူတွေကို နှစ်ရှည်ထောင်ဒဏ်တွေချပြီး မိသားစုနဲ့ဝေးတဲ့ထောင်တွေဆီ ပို့နေတဲ့ အပေါ်မှာ စစ်အစိုးရကို နိုင်ငံတကာက ဝေဖန်နေတဲ့ကြားကပဲ အခုလို အရှင်ဂမ္ဘီရကို ခန္တီးထောင်ကို ပို့လိုက်တာဖြစ်ပါတယ်။ တခြား နယ်စွန်နယ်ဖျားထောင်တွေဆီ ထပ်ပို့ခံရတဲ့ နိုင်ငံရေးအကျဉ်းသားတွေလည်း ရှိနေပါသေးတယ်။ အကြောင်းစုံကို စုံစမ်းမေးမြန်းပြီး ကိုအောင်လွင်ဦးက တင်ပြပေးထားပါတယ်။

မကြာသေးခင်ကပဲ ထောင်ဒဏ်ပြစ်ဒဏ်တွေ ချမှတ်ပြီး နောက်ဆက်တွဲ ဝေးလံခေါင်ဖျားတဲ့ အကျဉ်းထောင်တွေကို ရွှေ့ပြောင်းတာတွေ လုပ်နေတဲ့အထဲမှာ အခုနောက်ဆုံးမှာတော့ နှစ်ရှည်ထောင်ဒဏ်တွေ ချမှတ်ခံထားရသူ ထင်ရှားတဲ့ သံဃာတော်တပါးဖြစ်တဲ့ အရှင်ဂမ္ဘီရနဲ့ အစ်ကိုဖြစ်သူ ကိုအောင်ကျော်ကျော် အပါအ၀င် နိုင်ငံရေးအကျဉ်းသား အနည်းဆုံး ၆ ဦးလည်း ပါဝင်ခဲ့တာပါ။ နိုင်ငံတော်ငြိမ်ဝပ်ပိပြားရေးကို ထိခိုက်စေမှု၊ သာသနာတော် ညှိုးနွမ်းစေမှု အပါအ၀င် စွပ်စွဲချက်တွေ အများအပြားနဲ့ ထောင်ဒဏ်၆၈ နှစ်အထိ ချခံထားရတဲ့ အရှင်ဂမ္ဘီရ၊ အစ်ကိုဖြစ်သူ ကိုအောင်ကျော်ကျော် အပါအ၀င် နိုင်ငံရေးအကျဉ်းသားတချို့ အခုလို ထောင်တွေပြောင်းရွှေ့လိုက်တာနဲ့ ပတ်သက်လို့ နိုင်ငံရေးအကျဉ်းသား မိသားစုတွေနဲ့ နီးစပ်သူ မိတ်ဆွေတယောက် ပြောပြတာကတော့ …

"ဒီနေ့ ထောင်ပြောင်းတာ ဦးဂမ္ဘီရက ခန္တီးကိုပြောင်းတယ်၊ ကိုအောင်ကျော်ကျော်က တောင်ကြီး၊ ကိုဝဏ္ဏအောင်က ပဲခူး၊ ကိုသီဟသက်တင်က မြစ်ကြီးနား၊ ကိုသိန်းဇော်က ကျိုင်းတုံ၊ ကိုထွန်းဦးခေါ် ငါးကုလားက တောင်ငူကိုပြောင်းတယ်။ အားလုံး ၆ ယောက်ပေါ့။ ကိုဝဏ္ဏအောင်က မန္တလေးက၊ ကိုသီဟသက်တင်နဲ့ သိန်းဇော်က ဘိုကလေးက။"

ဒီလို ထောင်တွေ အပြောင်းအရွှေ့တွေ လုပ်တဲ့နေရာမှာ ပြီးခဲ့တဲ့နှစ် စက်တင်ဘာ သံဃာတော်တွေရဲ့ မေတ္တာပို့ကြွချီ ဆုတောင်းပွဲတွေ နောက်ဆက်တွဲ ဖမ်းဆီးခံခဲ့ရသူတွေထဲက တိုင်းရင်းသား နိုင်ငံရေးခေါင်းဆောင်တဦးဖြစ်တဲ့ ဦးကျင့်ရှင်းထန်ရဲ့ သားဖြစ်သူနဲ့ တူဖြစ်သူတို့လည်း ပါဝင်ခဲ့တာပါ။ ပြီးခဲ့တဲ့ စနေနေ့ကမှ အခုလို နယ်ထောင်တွေကို ပြောင်းရွှေ့ခံရတယ်ဆိုတာကို မိသားစုက နောက်ပိုင်းမှ သိရတာလို့ ဦးကျင့်ရှင်းထန်က ပြောပါတယ်။

"ကျနော့်သား မောင်ကပ်လန်ခုပ်ကို မြောင်းမြပြောင်းလိုက်တယ်။ တူဖြစ်သူကတော့ ပုသိမ်မှာ။ ကျနော် သူတို့နှစ်ယောက်တော့ သေချာသိတယ်။ တင်ထူးအောင်ကတော့ ခန္တီးပြောတယ်။ ၂၈ ရက်နေ့ညက ရွှေ့လိုက်တာ။ မြောင်းမြသင်္ဘောနဲ့ဆိုတော့ ရန်ကုန်
က ငါးနာရီလောက် ထွက်လိမ့်မယ်။"

နိုင်ငံရေးတက်ကြွလှုပ်ရှားသူတွေကို ထောင်ဒဏ်ပြစ်ဒဏ်တွေ ချမှတ်ခဲ့သလို နောက်ဆက်တွဲ ဒီလို မိသားစုနဲ့ အလှမ်းဝေးရာ နယ်ထောင်တွေကို ပို့ဆောင်နေလို့ မိသားစုဝင်တွေအနေနဲ့လည်း စိတ်သောကရောက်စရာ အခြေအနေတွေနဲ့ ကြုံနေကြရတာပါ။

"တကယ်ခံစားနေရတာက သူတို့သာမကဘူး၊ မိသားစုပါ ထောင်ချနေသလိုပဲ ခံစားရတယ်။ ပိုပြီးတော့ ခက်တာဗျာ။ သွားတာလာတာက အစ၊ စားဝတ်နေရေး တော်တော်လေး ခက်ခဲနေတဲ့အချိန်။ ပြီးတော့ ကြိုတင်သိတာလည်း မဟုတ်ဘူး။ ပြောင်းပြီဆို
တော့မှ ဟာ ဆိုပြီး၊ မိုးကအေးတဲ့ရာသီဆိုတော့ အဲဒါတွေစိတ်ပူပြီး ရှာရတာတမျိုး၊ ပြီးတော့ မသွားဘူး၊ မရောက်ဘူးတဲ့နေရာကို ဘယ်လိုသွားရတယ်ဆိုတာ စုံစမ်းတာလည်း တဖုံ၊ အဲလိုပဲ အမျိုးမျိုး အဖုံဖုံ ဒုက္ခဖြစ်နေတာ။ ငွေရေးကြေးရေးဆိုတာလည်း သိပ်ပြီး အဆင်ပြေလှတာမဟုတ်တော့။ အဲဒါတွေအများကြီး တအိမ်ထောင်လုံးက ပူပင်သောက ဖြစ်ကြတာပေါ့။"

မကြာသေးခင်ကပဲ နယ်ထောင်တွေကို ပြောင်းရွှေ့ခံခဲ့ရတဲ့ သားနဲ့ တူဖြစ်သူအတွက် ရတက်မအေးဖြစ်နေတဲ့ ရန်ကုန်မြို့က တိုင်းရင်းသား နိုင်ငံရေးခေါင်းဆောင်တဦးဖြစ်တဲ့ ဦးကျင့်ရှင်းထန် ပြောပြသွားတာ ဖြစ်ပါတယ်။
အခုလို ပြောင်းတဲ့ရွှေ့တဲ့ကိစ္စတွေ လုပ်နေတယ်ဆိုပေမယ့်လည်း မိသားစုတွေအနေနဲ့ သိခွင့်လည်းမရ၊ ပြောင်းလိုက်တဲ့ထောင်တွေကို ရောက်မရောက်ဆိုတာတွေကလည်း မသေချာဖြစ်နေတဲ့ အခြေအနေမျိုးတွေနဲ့ ကြုံနေကြရတယ်လို့လည်း မိသားစုဝင်တွေက
ပြောကြပါတယ်။

Read More...

Summary only...

imprisonment of Zargana and U Gambira

လူရွှင်တော် ဇာဂနာ နှင့် အရှင်ဂမ္ဘီရတို့ကို နှစ်ရှည်ထောင်ဒဏ်များ ချမှတ်
Friday, 21 November 2008 20:13 ကိုစိုး ဧရာဝတီ သတင်းဌာန

ထင်ရှားသည့် လူရွှင်တော် ဇာဂနာအား ထောင်ဒဏ် ၄၅ နှစ်၊ အားကစား အယ်ဒီတာ ကိုဇော်သက်ထွေးအား ထောင်ဒဏ် ၁၅ နှစ်၊ အရှင်ဂမ္ဘီရနှင့် ရန်ကုန်မြို့ ခြောက်ထပ်ကြီး သာသနာ့ သိပ္ပံ ကျောင်းတိုက်မှ သံဃာတော် ၅ ပါး အပါအ၀င် နိုင်ငံရေးလှုပ်ရှားသူ အနည်းဆုံး ၂၉ ဦးခန့်ကို စစ်အာဏာပိုင်များက ယနေ့ ထောင်ဒဏ်များ ဆက်လက် ချမှတ်ကြောင်း မိသားစုဝင်များနှင့် အကျဉ်းထောင် ၀န်ထမ်း အသိုင်းအ၀န်းက ပြောသည်။



အဆိုပါ ကိုဇာဂနာနှင့် ကိုဇော်သက်ထွေးတို့သည် ဆိုင်ကလုန်း လေဘေး ကူညီကယ်ဆယ်ရေးလုပ်ငန်းများကို အတူ လုပ်ကိုင်ခဲ့ကြသူများဖြစ်ပြီး ၎င်းတို့ကို ပုဒ် ၅၀၅(ခ)၊ ၁၇/၁၊ စသည့် ပုဒ်မများ အပါအ၀င် ပုဒ်မ ၇ ခုဖြင့် အာဏာပိုင်များက စွဲဆိုထားကာ ယနေ့တွင် အင်းစိန်ထောင် အထူးတရားရုံးက ပြစ်ဒဏ် ချမှတ်ခြင်းဖြစ်သည်ဟု ကိုဇာဂနာ၏ မိသားစုဝင် တဦးကပြောသည်။

ကိုဇာဂနာအား အီလက်ထရွန်နစ် အမှု ၃ မှု အပါအ၀င် ပုဒ်မ ၅၀၅(ခ) ၊ ၃၃(က)၊ ၃၂(ခ)၊ ပုဒ်မ ၃၈ တို့ ဖြင့် ထောင်ဒဏ် ၄၅ နှစ် ချမှတ်လိုက်ခြင်းဖြစ်ပြီး ကိုဇော်သက်ထွေးကို ထောင် ၁၅ နှစ် ချလိုက်ခြင်းဖြစ်ကြောင်း သိရသည်။

ကိုဇာဂနာကို လွန်ခဲ့သည့် ဇွန်လဆန်းပိုင်းက ရန်ကုန်မြို့ စမ်းချောင်းမြို့နယ်ရှိ နေအိမ်တွင် အာဏာပိုင်များက ဖမ်းဆီးခဲ့ပြီး လေဘေးကယ်ဆယ်ရေးလုပ်ငန်းများ မှတ်တမ်းတင် စီဒီ ဓာတ်ပြား တချပ်၊ ရမ်ဘိုအပိုင်း ၄ ရုပ်ရှင် စီဒီ၊ စိန်စီသော ည စီဒီ၊ ကွန်ပျူတာ ဟတ်ဒစ် တလုံး၊ အမေရိကန်ဒေါ်လာ ၁၀၀၀ နှင့် အက်ဖ်အီးစီ ၃၀ တို့ကို သိမ်းယူသွားခဲ့သည်။

ကိုဇော်သက်ထွေးကို မူ ဇွန်လ ၁၃ ရက်နေ့က မြန်မာနိုင်ငံ အလယ်ပိုင်း မကွေးမြို့တွင် ဖမ်းဆီးခဲ့ခြင်းဖြစ်သည်။

ကိုဇာဂနာ၊ ကိုဇော်သက်တို့နှင့် အမှုတွဲဖြစ်သော ကိုတင်မောင်အေးကို ထောင်ဒဏ် ၂၉ နှစ် ၊ ကိုသန့်ဇင်အောင် အား ထောင်ဒဏ် ၁၅ ချမှတ်ခံရသည်ဟုလည်း ဆိုသည်။

လွန်ခဲ့သည့် ၂၀၀၇ ခုနှစ် စက်တင်ဘာ ရွှေဝါရောင်တော်လှန်ရေးတွင် ဦးဆောင်သံဃာ တပါးလည်းဖြစ်ပြီး မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့ ဦးဆောင်သံဃာတပါးဖြစ်သော အရှင်ဂမ္ဘီရ အသက် ၂၉ နှစ် ကို ယနေ့ ချမှတ်သည့် ထောင်ဒဏ် ၁၂ နှစ် အပါအ၀င် စုစုပေါင်း ထောင်ဒဏ် ၆၈ နှစ် ချမှတ်ကြောင်း သိရသည်။

အရှင်ဂမ္ဘီရအား ပုဒ်မ ၅၀၅(က) ၊ ၅၀၅ (ခ) ၊ လ၀က ပုဒ်မ ၁၃/၁ ၊ ပုဒ်မ ၁၇/၁ ၊ အီလက်ထရွန်နစ် ပုဒ်မ ၃၀၃(က) ၊ အသင်းအဖွဲ့ပုဒ်မ ၆/၈၈ စသည်တို့ဖြင့် စွဲဆိုထားခြင်းဖြစ်သည်။

အရှင်ဂမ္ဘီရကို လွန်ခဲ့သည့်နှစ် ရွှေဝါရောင် တော်လှန်ရေးနှင့် ပတ်သက်ပြီး ၂၀၀၇ ခု နိုဝင်ဘာ ၄ ရက်နေ့၌ မန္တလေးတိုင်း စဥ့်ကိုင်မြို့တွင် စစ်အာဏာပိုင်များက ဖမ်းဆီးခဲ့ခြင်း ဖြစ်သည်။

တခြားသော ရွှေဝါရောင်တော်လှန်ရေးတွင် ပါဝင်ခဲ့သည့် ခြောက်ထပ်ကြီး သာသနာ့သိပ္ပံကျောင်းမှ ဦးပညာ
သီဟ ၊ ဦးပညာဒီပ၊ ဦးနရပတေ့ ၊ ဦးဥက္ကံသမာလ ၊ ဦးဇာဏေယျ စသည့် သံဃာ ၅ ပါးနှင့် နိုင်ငံရေးလှုပ်ရှားသူ ၆ ဦး၊ စုစုပေါင်း ၁၁ ဦး ကိုလည်း ယနေ့တွင် ထောင်ဒဏ်များ ချမှတ်လိုက်ကြောင်း အင်းစိန်ထောင် ၀န်ထမ်း အသိုင်း အ၀န်းက ပြောပြသည်။

၎င်းနိုင်ငံရေးလှုပ်ရှားသူ ၆ ဦးမှာ အမျိုးသားဒီမိုကရေစီအဖွဲ့ချုပ်(အန်အယ်လ်ဒီ)မှ ကိုသန်းဌေး အပါအ၀င် ကိုထွန်း ထွန်းနိုင် ၊ ကိုစိုးရွှေ ၊ ကိုငွေစိုး ၊ ကိုခင်ထွန်း ၊ ကိုကျော်ဆန်းလင်း တို့ဖြစ်ပြီး ကိုထွန်းထွန်းနိုင် ၊ ကိုသန်းဌေး ၊ ကိုငွေစိုး ၊ ကိုကျော်ဆန်းလင်း တို့ကို ပုဒ်မ ၁၄၅ ၊ ၅၀၅(ခ) အရ ထောင်ဒဏ် ၄ နှစ် စီ ချမှတ်၍ ကိုခင်ထွန်း ကိုမူ ပုဒ်မ ၁၄၃ ၊ ၁၄၅ ၊ ၅၀၅(ခ) ဖြင့် ထောင်ဒဏ် ၄ နှစ် ခွဲ ချမှတ် ခဲ့ကြောင်း သိရသည်။

စစ်အစိုးရက ယခုလဆန်းပိုင်းမှ စတင်၍ နိုင်ငံရေးအမှုလိုက် ရှေ့နေ ၃ ဦး အပါအ၀င် ထင်ရှားသည့် ကျောင်းသား ခေါင်းဆောင်များ၊ သံဃာတော်များနှင့် နိုင်ငံရေးလှုပ်ရှားသူ ၁၀၀ ကျော် ကို အနည်းဆုံး ထောင်ဒဏ် ၄ လ မှ ၆၅ နှစ် ခွဲ အထိ အသီးသီး ချမှတ်ခဲ့ရာ ယနေ့ ချမှတ်သော ထောင်ဒဏ်အပါအ၀င် အရှင်ဂမ္ဘီရ၏ ထောင်ဒဏ် စုစုပေါင်း ၆၈ နှစ်သည် အများဆုံးချမှတ်ခံရခြင်း ဖြစ်သည်။

Read More...

Summary only...

12 years imprisonment for U Gambira

အရှင် ဂမ္ဘီရနှင့် တိုင်းရင်းသားလူငယ်များအား နှစ်ရှည်ထောင်ဒဏ်များ ချမှတ်
Tuesday, 18 November 2008 19:40 ဧရာဝတီ

ရွှေဝါရောင် သံဃာ့လှုပ်ရှားမှု၏ ဦးဆောင်သံဃာ တပါးဖြစ်သည့် အရှင်ဂမ္ဘီရကို ရန်ကုန် အင်းစိန်ထောင်ရှိ အထူးတရားရုံးက ထောင်ဒဏ် ၁၂ နှစ် ချမှတ် လိုက်ကြောင်း သိရသည် ။

အရှင်ဂမ္ဘီရ မိသားစုနှင့် နီးစပ်သူတဦးက “လောလောဆယ် ၁၂ နှစ်ချထားတယ်၊ အခုချထားတဲ့ ပုဒ်မတွေက ၅၀၅ (ခ)၊ ၂၉၅ (က) ၂နှစ်စီ သုံးနေရာကစွဲတယ်၊ အားလုံးပေါင်း ၁၂နှစ်ချထားတယ်။ အရှင်ဂမ္ဘီရ အပါအဝင် ၁၁ ဦးကိုဖမ်းဆီးထားပြီး စွဲထားတဲ့အမှုပေါင်းကတော့ မနည်းဘူး။ နောက်ရက်တွေ ဆက်ပြီး အမိန့်ချဖို့ ရှိတယ်” ဟု ပြောသည်။

အသက်၂၉ နှစ်ရှိ မြန်မာနိုင်ငံလုံးဆိုင်ရာ သံဃာ့တပ်ပေါင်းစု၏ ဦးဆောင်ကိုယ်တော်တပါးဖြစ်သည့် အရှင်ဂမ္ဘီရအား စစ်အစိုးရက ဖမ်းဆီးထားပြီးတနှစ်အကြာတွင် ထောင်ဒဏ်ချမှတ်လိုက်ခြင်း ဖြစ်သည်။

အရှင်ဂမ္ဘီရကိုလွန်ခဲ့သည့်နှစ် စက်တင်ဘာလကပေါ်ပေါက်ခဲ့သော ရွှေဝါရောင်တော်လှန်ရေးနှင့်ပတ်သက်ပြီး ၂၀၀၇ ခုနှစ် နိုဝင်ဘာလ ၄ ရက်နေ့တွင် မန္တလေးတိုင်း စဥ့်ကိုင်မြို့၌ စစ်အာဏာပိုင်များက ဖမ်းဆီးခဲ့ခြင်း ဖြစ်သည်။

ထို့အတူ မန္တလေးတိုင်း သံဃာ့တပ်ပေါင်းစုမှ အရှင်ဦးကေလာသ ကိုလည်း ပုဒ်မ ၁၇ (၂၀) ၊ ၁၇ (၁) ၊ မတရားအသင်းပုဒ်မ တို့ဖြင့် ထောင်ဒဏ် ၃၅ နှစ် ယနေ့ချမှတ်လိုက်ကြောင်း သိရသည်။

အရှင်ဂမ္ဘီရကို တရားမဝင်အဖွဲ့အစည်းနှင့်ဆက်သွယ်မှု၊ အီလက်ထရွန်းနစ်ပုဒ်မ၊ အများပြည်သူ အထိတ်တလန့်ဖြစ်စေမှု၊ သာသာနာညှိုးနွမ်းစေမှု ၊ အရေးပေါ် စီမံချက်အက်ဥပဒေပုဒ်မ ၅ (ည)၊ မတရားအသင်းပုဒ်မ ၊ တရားမဝင်နယ်စပ်ဖြတ်ကျော်သည့်ပုဒ်မ၊ နိုင်ငံတော်ငြိမ်ဝပ်ပိပြားမှုကို ထိခိုက်ပျက်ပြားစေမှု၊ လူငါးဦးထက်ပိုမိုစုဝေးမှု၊ တရားမဝင်ပုံနှိပ်ထုတ်ဝေမှုစသည့် ဥပဒေပုဒ်မများဖြင့် တရားစွဲဆိုထားကြောင်း ၎င်းအမှုလိုက်ရှေ့ နေကပြောသည်။

အလားတူ လှုပ်ရှားတက်ကြွသူ တိုင်းရင်းသားလူငယ်သုံးဦးကိုလည်း ရန်ကုန်အင်းစိန်ထောင် အထူးတရားရုံးက နှစ်ရှည်ထောင်ဒဏ် ချမှတ်လိုက်ကြောင်း အင်းစိန်ထောင် ဝန်ထမ်းအသိုင်းအဝန်းနှင့် နီးစပ်သူတဦးက ပြောသည်။

ချင်းတိုင်းရင်းသား ကပ်လှမ်ခုတ် (ခ) ကိုကျော်စိုးနှင့် ရခိုင်တိုင်းရင်းသား ကိုတင်ထူးအောင်တို့ကို တိုင်းရင်းသားလူငယ်များအား စည်းရုံးလှုပ်ရှားမှုဖြင့် ထောင်ဒဏ် ၃၃ နှစ်စီ ချမှတ်လိုက်ကြောင်း အဆိုပ်နီးစပ်သူက ပြောသည်။

ချင်းတိုင်းရင်းသား အန်ထော်နီ (ခ) ကက်ခွမ်ကွာကိုလည်း ထောင်ဒဏ် ၈ နှစ်ချမှတ်လိုက်သည်ဟု အဆိုပါ နီးစပ်သူကဆက်ပြောသည်။

ကပ်လှမ်ခုတ်သည့် တိုင်းရင်သားခေါင်းဆောင်တဦးဖြစ်သည့် ဦးကျင်ရှင်းထန်၏ သားဖြစ်ပြီး အန်ထော်နီမှာ တူုဖြစ်သည်။
“သူတို့ဟာ အမှုတွေဒီလောက်ကျူးလွန်ထားတာမဟုတ်ဘဲနဲ့ အခုလို နှစ်ရှည်အမိန့်ချမှတ်တာဟာ တရားမျှတမှုမရှိပါဘူး” ဟု ဦးကျင်ရှင်းထန်က ဧရာဝတီကို ပြောသည်။

အဆိုပါတိုင်းရင်းသားလူငယ် ၃ ဦးကို လွန်ခဲ့သည့်နှစ် စက်တင်ဘာလ သံဃာ့လှုပ်ရှားမှုနှင့်ပတ်သက်၍ ၂၀၀၇ ခုနှစ် အောက်တိုဘာလကုန်ပိုင်းကတည်းက အာဏာပိုင်များက ဖမ်းဆီးခဲ့သည်။

Read More...

Summary only...

RFA 2008-11-16

ဦးဂမ္ဘီရရဲ့အမှု မနေ့က ရုံးထုတ်စစ်ဆေးတဲ့ အခြေနေ

အင်းစိန်ထောင်မှာ ဖမ်းဆီးချုပ်နှောင်ခံထားရတဲ့ သံဃာ့အရေးအခင်း ဦးဆောင်ဆရာတော် တပါးဖြစ်တဲ့ အရှင်ဂမ္ဘီရရဲ့ အမှုကို မနေ့က စနေနေ့က ရုံးထုတ်စစ်ဆေးခဲ့ပါတယ်။ ဒီလို စစ်ဆေးရာမှာ တရားဥပဒေအရ ရှေ့နေ ကိုယ်စားလှယ်လွှဲစာ ရထားတဲ့ရှေ့နေကို အာဏာပိုင်တွေက တရားခွင်ကို ဝင်ရောက်ခွင့်မပေးခဲ့ဘူးလို့ သိရပါတယ်။ ဦးဂမ္ဘီရအမှု ရုံးထုတ်တာနဲ့ ပတ်သက်လို့ အင်းစိန်ထောင်တွင်း တရားခွင်နဲ့ နီးစပ်တဲ့ ရန်ကုန်မြို့ခံတဦးက ပြောပြပါတယ်။

ရန်ကုန်မြို့ခံတဦး။ ။ "ဂိတ်ကတော့ ဝင်ခွင့်ပေးခဲ့တယ်၊ အထဲရောက်တော့မှ SB တွေက ဆွဲထုတ်သွားတယ်။ တရားသူကြီးကိုယ်တိုင်က သူ့မှာ ပါဝါပါတယ်၊ ဦးဂမ္ဘီရရဲ့ ပါဝါပေးထားတဲ့ လက်မှတ်တွေလည်း ပါတယ်၊ သူ့ရှေ့နေ ဒါကြောင့် ကျမတို့က အမှုစစ်တာကို ခွင့်ပြုရမှာ လို့ ပြောပေမယ့် လုံခြုံရေးအရဆို အော်ဟစ်ပြီး တရားခွင်မှာ မဆဲရုံတမယ်လောက်ပဲ၊ အဲလိုဖြစ်နေတယ်။"

ဦးဂမ္ဘီရကို အာဏာပိုင်တွေက ဖမ်းဆီး အကျဉ်းချပြီး စွဲချက်အမျိုးမျိုးနဲ့ ရုံးတင်စစ်ဆေးနေပါတယ်။ အင်းစိန်ထောင်မှာ ချုပ်နှောင်ထားပေမယ့် ကျန်းမာရေးစောင့်ရှောက်မှု နည်းတဲ့အတွက် ဆရာတော်ဟာ ကျန်းမာရေး အထူးချို့ယွင်းနေတယ်လို့လည်း အာအက်ဖ်အေက စုံစမ်းသိရပါတယ်။

လောလောဆယ် ပြစ်မှု မစီရင်ရသေးတဲ့ အမှုတွေမှာ ဦးဂမ္ဘီရရဲ့ အမှုတွေပါဝင်ပြီး အပြစ်ရှိတယ်လို့ စီရင်ချက်ချရင် ထောင်ဒဏ် အနည်းဆုံး နှစ် ၅ဝကျော်ကျမယ်လို့ ရန်ကုန်ရှေ့နေအသိုင်းဝိုင်းက ခန့်မှန်းထားပါတယ်။

Read More...

Summary only...

U Gambira has a serious headache

အရှင်ဂမ္ဘီရ ထောက်လှမ်းရေးတွေရဲ့ ဖိအားပေး စစ်ဆေးခံရတဲ့အတွက် ဆေးရုံတက်နေရ
RFA 2008-10-25

ပြီးခဲ့တဲ့ ရွှေဝါရောင်တော်လှန်ရေးနဲ့ ပတ်သက်ပြီး အင်းစိန်ထောင်မှာ ဖမ်းဆီးရုံးတင် စစ်ဆေး ခံနေရတဲ့ သံဃာ့ တပ်ပေါင်းစု ဦးဆောင်ဆရာတော် ဦးဂမ္ဘီရဟာ တခုခုစဉ်းစား လိုက်ရင် အပြင်းအထန် ခေါင်းကိုက်လာတဲ့ ဝေဒနာကို ခံစားနေရတဲ့အတွက် အင်းစိန်ထောင် ဆေးရုံမှာ တက်ရောက် ကုသနေတာဟာ ၃ ပတ် နီးပါး ရှိသွားပြီ ဖြစ်ပါတယ်။


ထောက်လှမ်းရေးတွေရဲ့ ဖိအားပေး စစ်ဆေးခံရတဲ့အတွက် စိတ်ထိခိုက်ပြီး ဆေးရုံတက်နေရတာ ဖြစ်တယ်လို့ အရှင်ဂမ္ဘီရရဲ့ အမတဦးဖြစ်သူ မလွင်လွင်မြင့်က အာအက်ဖ်အေကို ပြောပါတယ်။
အရှင်ဂမ္ဘီရရဲ့ အမတဦး။ ။ "ကျမတော့ပြောထားတာက ဦးနောက်နဲ့ အာရုံကြော ဆရာဝန်ကို ပြဖို့ညှိနေတယ် ထောင်ဆရာဝန်နဲ့ ညှိနေတယ်ပေါ့၊ ဒါပေမဲ့ မရသေးဘူး ကျန်းမာရေးက တအားစိုးရိမ်ရတာကို စာတင်ထားတယ် မပြန်သေးဘူး။"

ဆရာတော်ကို စစ်ဆေးတဲ့အခါမှာ အမဖြစ်သူတွေကို ဖမ်းမယ်ဆိုပြီး ခြိမ်းခြောက်ခဲ့တဲ့ အတွက် ဆရာတော်ဟာ စိတ်ဖိစီးမှုဒဏ်ကို ခံနေရတယ်လို့ပြောပါတယ်။ ဒီနေ့မနက် ထောင်ဝင်စာသွားတွေ့တဲ့ တခြား အမတဦးဖြစ်သူ မခင်သူဌေးကို အက်အက်ဖ်အေက ဆက်သွယ် မေးမြန်းကြည့်တဲ့အခါ သူတို့ကို ရဲချုပ် ဗိုလ်မှူးချုပ်ခင်ရီရဲ့ စေခိုင်းချက်အရ ရန်ကုန်တိုင်းရဲမှူး ဦးမြင့်မောင်က လာရောက်ကာ သူတို့နဲ့ ပူးပေါင်းဆောင်ရွက်ဖို့ စည်းရုံးခဲ့ပုံကိုလည်း ဆက်ပြောပြပါတယ်။ အဲဒီလိုပူးပေါင်း ဆောင်ရွက်မယ်ဆိုရင် ဆရာတော်နဲ့အတူ ဖမ်းဆီးခံနေရတဲ့ မခင်သူဌေးရဲ့ ခင်ပွန်းဖြစ်သူ ကိုမိုးထက်လျှမ်းကို လွတ်ပေးမယ်လို့ ပြောဆိုခဲ့ကြောင်းသိရပါတယ်။ မခင်သူဌေးက ဘယ်လိုနည်းနဲ့မှ ပူးပေါင်းဆောင်ရွက်မှာ မဟုတ်ကြောင်း အာအက်ဖ်အေကို ပြောပါတယ်။

မခင်သူဌေး။ ။ "သူတို့က ဒီလိုမျိုး ပူးပေါင်းဆောင်ရွက်မယ်ဆိုရင် အမျိုးသားကို ချက်ခြင်းလွတ်ပေးမယ်ပေါ့၊ ရတယ်လို့ ကြိုက်သလောက် ချချင်သလောက်သာ ချတော့ဆိုပြီး ပြောလိုက်တယ်။"

အရှင်ဂမ္ဘီရရဲ့ အမဖြစ်သူ မခင်သူဌေး ပြောပြခဲ့တာပါ။ အရှင်ဂမ္ဘီရနဲ့ပတ်သက်ပြီး သူရဲ့မိသားစုဝင်တွေနဲ့ မိတ်ဆွေ ၁၁ဦးကိုလည်း ဖမ်းဆီးထားပါတယ် ။ အဲဒီထဲမှာ အကိုဖြစ်သူ ကိုအောင်ကျော်ကျော်၊ ညီဖြစ်သူ ကိုအောင်ကိုကိုလွင် မခင်သူဌေးရဲ့ ခင်ပွန်းဖြစ်သူ ကိုမိုးထက်လျှမ်း တို့ပါဝင်ပါတယ်။ အရှင်ဂမ္ဘီရနဲ့အတူ ပါဝင်ပတ်သက်တဲ့ သူတွေရဲ့ အမှုတွဲတွေကို အပတ်စဉ် တနင်္လာ၊ ဗုဒ္ဓဟူးနဲ့ ကြာသပတေးနေ့တိုင်း ရုံးထုတ် စစ်ဆေးပေးနေပေမယ့် မိသားစုကတော့ ကြားနာခွင့်မရဘူးလို့ သိရပါတယ်။

Read More...

Summary only...

Ashin Gambira has a headache

ဦးဂမ္ဘီရနှင့် ကျောင်းသားခေါင်းဆောင်များ၏ အမှုများကို ရုံးထုတ်စစ်ဆေး
RFA 2008-10-13

အင်းစိန်အကျဉ်းထောင်ထဲမှာ ထိန်းသိမ်းခံထားရတဲ့ အရှင်ဂမ္ဘီရအပါအဝင်၊ ၈၈မျိူးဆက် ကျောင်းသားခေါင်းဆောင်တွေနဲ့ ပြီးခဲ့တဲ့နှစ် စက်တင်ဘာ ဆန္ဒပြပွဲတွေအပြီး အဖမ်းခံရတဲ့ နိုင်ငံရေးလှုပ်ရှားသူ အချို့ရဲ့ အမှုတွေကို ထောင်တွင်း သီးသန့်တရားရုံးတွေမှာ ဒီကနေ့ အောက်တိုဘာ ၁၃ရက် တနင်္လာ နေ့မှာ ဆက်လက် စစ်ဆေးခဲ့ပါတယ်။

အရှင်ဂမ္ဘီရမှာ အမှုတွဲတွေရှိပေမဲ့ ဒီကနေ့မှာ တပါးတည်း ရုံးထုတ်စစ်ဆေးခဲ့တယ်လို့ အရှင်ဂမ္ဘီရရဲ့ အမှုလိုက်ရှေ့နေ ဦးခင်မောင်ရှိန်က ပြောပါတယ်။

ဆရာတော်ရဲ့ ကျန်းမာရေး အခြေအနေမှာလည်း အတော်လေး အားနည်းနေပြီး ခေါင်းကိုက်တဲ့ ဝေဒနာကို အပြင်းအထန် ခံစားနေရတယ်လို့ ဦးခင်မောင်ရှိန်က ပြောပါတယ်။

ကိုမင်းကိုနိုင်၊ ကိုကိုကြီး၊ ကိုဌေးကြွယ်အပါအဝင် ၈၈မျိူးဆက်ကျောင်းသား ၃၅ ဦးရဲ့ အမှုတွဲ ၂၁ မှုထဲက ၇ မှုကို ဒီကနေ့ စစ်ဆေးဖို့ ဆောင်ရွက်ရာမှာ မနီလာသိန်းနဲ့ မမာမာဦးရဲ့ အမှုတွေကို ပေါင်းထည့်လိုက်တဲ့အပြင် အမှုစစ်ဆေးတဲ့ တရားသူကြီးတွေကိုပါ ပြောင်းလဲလိုက်တယ်လို့ ရှေ့နေ ဦးခင်မောင်ရှိန်က ပြောပါတယ်။

ရှေ့နေဦးခင်မောင်ရှိန်။ ။ 'ကိုမင်းကိုနိုင်ပါ ၃၅ဦးအတွက်ကို အင်းစိန်မြို့နယ်တရားရုံး၊ လှိုင်သာယာမြို့နယ် တရားရုံး၊ ဒီရုံးတွေရှိတယ်။ အဲဒီဟာက ဒီနေ့ကျတဲ့အခါကျတော့ ကိုမင်းကိုနိုင်တို့ကို ၁နာရီကျော်မှ ထုတ်တယ်။ နောက်ပြီးတော့ အဲဒီက အမှုတွေကို အရှေ့ပိုင်းခရိုင် တရားရုံးကနေပြီးတော့ လွှဲပြောင်းယူလိုက်တယ်။ '

'လွှဲပြောင်းယူလိုက်တော့ အဲဒီ အင်းစိန်မြို့နယ် တရားရုံးမှာရှိတဲ့ ၅မှုရယ်၊ နောက်တခါ လှိုင်သာယာမြို့နယ်ရုံးမှာရှိတဲ့ ၂မှုရယ်၊ အားလုံး ၇မှုကို အဲဒီအရှေ့ပိုင်းခရိုင်တရားရုံးက တရားသူကြီး နှစ်ပါးထိုင်ပြီးတော့ အမှုကို လွှဲပြောင်းလိုက်တယ်။ အမှုနံပါတ်တွေ ပြောင်းသွားတယ်။ တရားလိုပြောင်းသွားတယ်။ အဲဒီဟာတွေက ဒီနေ့ မစစ်ဖြစ်ဖူး။'

'ဒီနေ့မှာ မနီလာသိန်းနဲ့ မမာမာဦးနဲ့ကို တရားခံပြေးမှုကနေပြီးတော့ အဲဒီအမှု ၇မှုမှာ ၇မှုဆိုတာ သူတို့ ပါတဲ့အမှုတွေပေါ့။ ပါတဲ့အမှုတွေမှာ သူတို့ကို ဒီမူလမှုမှာ လွှဲလိုက်တယ်။ လွှဲပြီးတော့ ဒီဟာတွေကို အသစ်ပြန်စစ်မယ်။'

ရှေ့နေဦးခင်မောင်ရှိန်ဟာ ကျောင်းသားတွေရဲ့အမှုတွေကို လိုက်ပါဆောင်ရွက်ပေးနေသူပါ။ ရုံးထုတ် စစ်ဆေးစဉ်အချိန်မှာလည်း အားလုံးကို လက်ထိပ်တွေ ခတ်ထားတဲ့အပြင် တနေကုန် အစားအစာ မစားရပဲ တရားရုံးထဲမှာ အမှုစစ်ဖို့အတွက် ထိုင်စောင့်ကြရတယ်လို့ သူက ပြောပါတယ်။

စက်တင်ဘာဆန္ဒပြပွဲတွေအပြီး အဖမ်းခံရတဲ့ ကိုထွန်းထွန်းဦး၊ ကိုမောင်မောင်လတ်နဲ့ မထားထားသက်တို့ကလည်း ဒီကနေ့ ရုံးထုတ်စစ်ဆေးတဲ့အချိန်တုန်းက ထောင်တွင်း တရားစီရင်မှုကို အယုံအကြည်မရှိတာကို ပြသတဲ့အနေနဲ့ သူတို့ရဲ့ရှေနေအဖြစ် လိုက်ပါဆောင်ရွက်နေတာတွေကို ရုပ်သိမ်းခဲ့တယ်လို့ ရှေ့နေဦးခင်မောင်ရှိန်က ပြောပါတယ်။

Read More...

Summary only...

U Gambira in poor health

အကျဉ်းစံ အရှင်ဂမ္ဘီရ ကျန်းမာရေး ဆိုးဝါးနေ
irrawaddy ကိုစိုး အောက်တိုဘာ ၇၊ ၂၀၀၈

စစ်အစိုးရကဖမ်းဆီးထားသည့် မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့မှ ဦးဆောင်သံဃာတော်တပါးဖြစ်သော အရှင်ဂမ္ဘီရသည် အင်းစိန်ထောင်တွင်း၌ ကျန်းမာရေး အခြေအနေ ဆိုးဝါးနေကြောင်းသိရသည်။

အဆိုပါ အရှင်ဂမ္ဘီရသည် ကျန်းမာရေးဆိုးဝါးနေပြီး အားနည်းနေသည့်အတွက် ထောင်ဆေးရုံ၌ ဆေးဝါး ကုသမှု ခံယူနေရ သောကြောင့် ယမန်နေ့က အင်းစိန်ထောင် ကမာရွတ်မြို့နယ် သီးသန့်တရားရုံးတွင်ရုံးထုတ် ရှိသော်လည်း မထွက်ရောက် နိုင်ကြောင်း အကျိုးဆောင်ရှေ့နေ ဦးခင်မောင်ရှိန်ကပြောသည်။


“အရှင်ဂမ္ဘီရ ကျန်းမာရေးခြေအနေက ထောင်ဆေးရုံမှာ အားဆေးသွင်းနေရတယ်လို့ ကျနော်တို့သိရတယ်၊ ဆေးရုံကို ဘယ်နေ့က ရောက်တယ်လို့တော့ မသိရသေးဘူး၊ မနေ့ကတော့ ရုံးချိန်း ထွက်မလာနိုင်ဘူး”ဟု ဦးခင်မောင်ရှိန်က ဧရာဝတီသို့ ပြောပြသည်။

လွန်ခဲ့သည့် စက်တင်ဘာလ လ၀က်ခန့်ကလည်း အရှင်ဂမ္ဘီရသည် ရုံးချိန်းတခုတွင် ခေါင်းမူးပြီး အန်ကြောင်း သိရသည်။ အစာမှား၍ဟု ယူဆရကြောင်း၊ သို့သော် ခြေလက်များအေးနေကြောင်း၊ အသားအရေမှာ ၀ါဖန့်ဖန့် ဖြစ်နေပြီး အားအင် နည်းပါးနေသော လက္ခဏာကို တွေ့ရှိရကြောင်းလည်း ၎င်းက ပြောဆိုသည်။

ယင်းကမာရွတ်မြို့နယ် တရားရုံးတွင် အရှင်ဂမ္ဘီရ တပါးတည်း အမှု ၉ မှုကို ရင်ဆိုင်နေရကြောင်း၊ ၎င်းအမှုများမှာ သင်းဖွဲ့ (၆) ပုဒ်မ တမှု၊ ပုံနှိပ် ၁၇ (၂၀) ပုဒ်မ ၂ မှု၊ မတရားသင်း ၁၇ (၂) ပုဒ်မ ၃ မှု၊ လ၀က ၁၃ (၁) ပုဒ်မ ၃ မှု တို့ဖြစ်ကြောင်း သိရသည်။

အရှင်ဂမ္ဘီရကို လွန်ခဲ့သည့်နှစ် စက်တင်ဘာ ရွှေဝါရောင်တော်လှန်ရေးနှင့်ပတ်သက်ပြီး ၂၀၀၇ ခု နိုဝင်ဘာလ ၄ ရက်နေ့ ၌ မန္တလေးတိုင်း စဥ့်ကိုင်မြို့တွင် စစ်အာဏာပိုင်များက ဖမ်းဆီးခဲ့ခြင်းဖြစ်သည်။

ပြီးခဲ့သော သောကြာနေ့ ရုံးချိန်းတွင် အာဏာပိုင်များက ထုတ်ပြန်လိုက်သည့် အရှင်ဂမ္ဘီရအပါအ၀င် နိုင်ငံရေး အကျဉ်းသား များ ရုံးထုတ်ရာသို့ မိသားစုဝင်များကို လာရောက် ကြားနာခွင့်မပြုတော့ကြောင်းနှင့် ပုံမှန် တနင်္လာ၊ အင်္ဂါ၊ ဗုဒ္ဓဟူး တရက် တွင် ထောင်ဝင်စာတွေ့ခွင့်ပေးနေခြင်းကို စနေ၊ တနင်္ဂနွေသို့ပြောင်းလိုက်ကြောင်း ညွှန်ကြားချက်အား နိုင်ငံရေးအကျဉ်း သားများ၏ မိသားစုဝင်များက ယခင်အတိုင်း ခွင့်ပြုရန် ယမန်နေ့က တောင်းဆိုကြသည် ဟုလည်း ဦးခင်မောင်ရှိန်က ပြောသည်။

၈၈ မျိုးဆက်ကျောင်းသားများအဖွဲ့မှ ကိုပြုံးချို၏ဖခင်ဖြစ်သူ ဦးဝင်းမောင်ကလည်း “မနေ့က သွားလို့မရဘူး၊ တနင်္ဂနွေနေ့က ပါဆယ်ပေးတော့လည်း တွေ့ခွင့်မရဘူး၊ လုံးလုံး မိသားစုကို တွေ့ခွင့်မပေးဘူး၊ ကျောင်းသားတွေကတော့ လျှောက်လွှာတင် ထားတယ်၊ မိသားစုတွေနဲ့ တွေ့ခွင့် ပေးဖို့၊ စာတင်ထားတယ်၊ မိသားစုတွေစုပြီး စာတင်ဖို့လည်း စီစဉ်ထားတယ်၊ အဲဒါဖြစ် လိမ့်မယ်လို့ထင်တယ်၊ ထောင်အာဏာပိုင်တွေကို နှုတ်နဲ့တော့ ပြောထားတယ်”ဟု ပြောပြသည်။

စစ်အစိုးရက ဖမ်းဆီးထားသည့် ၈၈ မျိုးဆက်ကျောင်းသားများက ၎င်းတို့အား အင်းစိန်ထောင်တွင်း သီးသန့် တရားရုံးတွင် ရုံးထုတ်စစ်ဆေးရာသို့ မိသားစုဝင်များကို လာရောက်ကြားနာခွင့်မပေးပါက တရားရုံးနှင့် ဆက်လက် ပူးပေါင်းဆောင်ရွက် ခြင်းမပြုနိုင်ဟု ပြောကြားထားသည်။

ရုံးထုတ်ရာတွင် လက်ထိပ်မခတ်ရန်၊ တရားခွင် ၌ မိသားစုဝင်များနှင့် သတင်း မီဒီယာများကို ကြားနာခွင့် ပြုရန် တို့ကို ၈၈ မျိုးဆက်ကျောင်းသားများက ၎င်းတို့၏ အကျိုးဆောင်ရှေ့နေများမှ တဆင့် တောင်းဆိုထားသည်။

ပြီးခဲ့သည့် ၂၀၀၇ ခု သြဂုတ်လအတွင်းက ရွှေဝါရောင်တော်လှန်ရေးဖြစ်ပေါ်ရန် အစပြုခဲ့သော လောင်စာဆီနှင့် ကုန်ဈေးနှုန်း ကျဆင်းရေး လမ်းလျှောက်ဆန္ဒပြခဲ့သည့်အတွက် မင်းကိုနိုင်၊ ကိုကိုကြီး၊ ကိုမြအေး၊ ကိုကျော်မင်းယု ခေါ် ကိုဂျင်မီ၊ ကိုပြုံးချို၊ ကိုမင်းဇေယျတို့ အပါအ၀င် ၈၈ မျိုးဆက်ကျောင်းသားအဖွဲ့ဝင်များကို စစ်အစိုးရက ဖမ်းဆီးခဲ့ခြင်း ဖြစ်သည်။ ၎င်းတို့အထဲမှ အများစုမှာ ထောင်ဒဏ် ၁၅ နှစ်ကျော် ကျခံပြီးသူများဖြစ်သည်။

အမေရိကန်နိုင်ငံအခြေစိုက် မြန်မာ့အရေးလှုပ်ရှားသူများအဖွဲ့(USCB)နှင့် ထိုင်းနိုင်ငံအခြေစိုက် နိုင်ငံရေးအကျဉ်း သားများ ကူညီစောင့်ရှောက်ရေးအသင်း(AAPP)တို့ကလည်း လွန်ခဲ့သည့် တနှစ်အတွင်း နိုင်ငံရေး အကျဉ်းသား ၇၈ ရာခိုင်နှုန်းခန့် တိုးလာကြောင်းနှင့် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် ဖမ်းဆီးထားသည့် နိုင်ငံရေး အကျဉ်းသားအားလုံး ပြန်လွှတ်ပေးရန် ယမန်နေ့က ပူးတွဲကြေညာချက်ထုတ်ပြန်၍ တောင်းဆိုထားသည်။

လွန်ခဲ့သည့် ၂၀၀၃ ခုနှစ်တွင် နိုင်ငံရေးအကျဉ်းသား ၁၃၀၀ ခန့်ရှိခဲ့ပြီး ၂၀၀၇ ခုနှစ် သြဂုတ်လ၌ ၁၁၉၂ ဦးရှိကာ ယခု ၂၀၀၈ ခုနှစ် စက်တင်ဘာလတွင် ၂၁၂၃ ဦး ရှိကြောင်း အထက်ပါ ပူးတွဲကြေညာချက်အရ သိရှိရသည်။

Read More...

Summary only...

Mizzima's interview with a monk escaped from hell

ရဲဘက်စခန်းမှ လွတ်မြောက်လာသော ရွှေဝါရောင် သံဃာတော်တပါး၏ ရင်ဖွင့်ချက်
မြင့်မောင်၊ ဝိုင်းပီး
သောကြာနေ့၊ အောက်တိုဘာလ 03 2008 23:59 - မြန်မာစံတော်ချိန်

" - - ရောက်တဲ့အချိန်ကစပြီး သံခြေကျင်းတွေ ခတ်ပြီးတော့ ဦးဇင်းတို့ကို အလုပ်ကြမ်းခိုင်းပါတယ်။ ထင်းတုံးကြီးတွေ ထမ်းရတယ်။ ချင်းပြည်နယ်ဆိုတာ သိတဲ့အတိုင်းပဲ၊ တောင်တန်းကြီးတွေ။ ချောက်ထဲကနေ တောင်ကုန်းပေါ်ထိ ထမ်းတင်ရတယ်။ အဲဒီတိုင်တွေကို တနင်္ဂနွေနေ့ရက်တွေမှာလည်း ထမ်းတင်ရတယ်။ နားရက်မရှိဘူး။ ထမ်းတင်ရတဲ့ အခါမှာလည်း ရှေ့ကလူကို နောက်ကလူက မှီအောင် လိုက်ရတယ်။ မမှီတဲ့ လူတွေကို တပ်ခွဲမှူး၊ တပ်စုမှူးတွေက နောက်ကနေ တအုံးအုံး တဘုံးဘုံးနဲ့ ရိုက်တယ်။ ထင်းတုံးကို မနိုင်လို့ လဲသွားတဲ့သူတွေကို ခြေတောက်နဲ့ ပိတ်ကန်တယ်။ ရင်ဝကို ဆောင့်ကန်တယ်။ နှိပ်စက်တာတွေ ခံခဲ့ရပါတယ်။ - - "


ချင်းပြည်နယ် တီးတိန်မြို့နယ်ရှိ ဆိုးရွားလှသည့် လင်တန် ရဲဘက် အကျဉ်းစခန်းတွင် ၃ လခွဲနီးပါး အလုပ်ကြမ်းနှင့် နှိပ်စက် ညှဉ်းပမ်းမှုများ ခံရပြီးနောက် ပြီးခဲ့သည့်လ ၁၈ ရက်နေ့တွင် အိန္ဒိယနိုင်ငံ မီဇိုရမ်ပြည်နယ် မြို့တော် အိုက်ဇောသို့ ဦးဇင်း ဦးပညာသီရိ (ရန်ကုန်ကျောင်းတိုက်၊ မန္တလေးတိုင်း ပြည်ကြီးတံခွန်မြို့နယ်) ထွက်ပြေး လွတ်မြောက်လာခဲ့သည်။

ဦးဇင်းသည် ပြီးခဲ့သည့်နှစ် စက်တင်ဘာလအတွင်းက သံဃာတော်များ ရှေ့ဆောင်ဦးရွက်ပြုသည့် ရွှေဝါရောင် လှုပ်ရှားမှုကြီးတွင် ဦးဆောင်ပါဝင်ခဲ့ပြီး အောက်တိုဘာလ ၁၈ ရက်နေ့တွင် အာဏာပိုင်များက မုံရွာမြို့တွင် ဖမ်းဆီးနှိပ်စက်ကာ ထောင်ဒဏ် ၃ နှစ် ချမှတ်လိုက်သည်။ မုံရွာထောင်တွင် ၇ လခန့် အကျဉ်းချထားပြီးနောက် ၂ဝဝ၈ ခုနှစ် မေလနှောင်းပိုင်းတွင် ကလေးထောင်မှတဆင့် ချင်းပြည်နယ်ရှိ ရဲဘက် အလုပ်ကြမ်း စခန်းသို့ ပို့ဆောင်ခံခဲ့ရသည်။

ရဲဘက်စခန်းအတွင်း လူမဆန်စွာ ညှဉ်းပမ်း နှိပ်စက်မှုများနှင့် ထွက်ပြေး လွတ်မြောက်လာပုံကို သိရှိနိုင်ရန်အတွက် မဇ္ဈိမသတင်းဌာနက တွေ့ဆုံလျှောက်ထား မေးမြန်းချက်များကို တင်ပြလိုက်ပါသည်။

မေး။ ရွှေဝါရောင်တော်လှန်ရေးမှာ ဦးဇင်းက ဘယ်လို အခန်းကဏ္ဍကနေ ပါဝင်ခဲ့ပါသလဲ ဘုရား။

ဖြေ။ ဦးဇင်းအနေနဲ့ ရွှေဝါရောင် တော်လှန်ရေးမှာ သံဃာ့တပ်ပေါင်းစု ဦးဆောင်ဆရာတော် ဦးသြဘာသနဲ့ လက်တွဲပြီးတော့ လုပ်ခဲ့တယ်။

မေး။ ဘယ်လို အဖမ်းခံခဲ့ရလဲ ဘုရား။

ဖြေ။ ရွှေဝါရောင် တော်လှန်ရေးအပြီးမှာ၊ သံဃာ့တပ်ပေါင်းစုက ကိုယ်တော်တွေကို စစ်အစိုးရက ဖမ်းဝရမ်းထုတ်တဲ့ အချိန်မှာ ဦးဆောင် ဆရာတော်တွေဟာ ရှောင်တိမ်းနေရတယ်။ ဦးဇင်းလည်း အပါအဝင်ပေါ့။ အဲဒီလို ရှောင်တိမ်းချိန်မှာ ဦးဇင်းကျောင်းကို စရဖ (စစ်ဘက်လုံခြုံရေးတပ်)၊ ကြံ့ခိုင်ရေး၊ ရဲတို့က ၃ ကြိမ်လောက် လာရောက် စီးနှင်း ရှာဖွေခဲ့တယ်။ ကံကောင်း ထောက်မစွာဖြင့် ဦးဇင်းက အပြင်ကို ရောက်နေခဲ့တယ်။ ဒီသတင်းတွေကြားတော့ ဦးဇင်းလည်း မုံရွာမြို့ကို ရှောင်တိမ်းခဲ့ပါတယ်။

ဖမ်းတဲ့ အချိန်က အောက်တိုဘာက ၁၈ ရက်နေ့၊ ည ၇ နာရီလောက် ရှိမယ် ထင်ပါတယ်။ အဲဒီအချိန်မှာ မုံရွာမြို့က soft link internet café မှာ အင်တာနက် အသုံးပြုနေတုန်း အဲဒီမှာ ဆိုင်ပိုင်ရှင်က ဖုန်းဆက်ပြောပုံ ရတယ်။ ခဏနေတော့ ပြန်အထွက်မှာ ရဲတွေရောက်လာပြီး ဖမ်းဆီးခံလိုက်ရတာ။

မေး။ ဖမ်းတုန်းက ဘယ်သူတွေ ပါသလဲ ဘုရား။ ပြီးတော့ ဘယ်ကို ခေါ်ဆောင်သွားလဲ။

ဖြေ။ လုံထိန်းရဲတွေ ပါတယ်၊ စစ်သားတွေ ပါတယ်။ အစိတ် (၂၅ ယောက်) - ၃ဝ လောက်ရှိမယ် ထင်တယ်။ သူတို့က ဦးဇင်းကို မေးစရာရှိလို့ ဆိုပြီးတော့ စခန်းကို ခဏလောက် လိုက်ခဲ့ပါလို့ ပြောတယ်။ ဦးဇင်းက ‘မေးစရာရှိရင် ဒီနားမှာ မေးပါ၊ ဘာမေးစရာ ရှိလို့လဲ’ ဆိုတော့ ‘စခန်းရောက်မှ ဖြေပါ။ စခန်းကျမှ မေးပါလိမ့်မယ်’ ဆိုပြီးတော့ မုံရွာမြို့ အမှတ် ၁ ရဲစခန်းကို ခေါ်သွားတယ်။

မေး။ စစ်ဆေးတာကရော ဘယ်လိုလဲ ဘုရား။

ဖြေ။ ဦးဇင်းဖြေတဲ့ အဖြေက သူတို့ စိတ်တိုင်းကျ မဟုတ်ဘူး။ သူတို့ လိုချင်တဲ့ အဖြေမဟုတ်ဘူးဆိုတော့ အဆိုးဆုံးက စရဖ အရာရှိ ကိုကိုအောင်ရယ်၊ ဦးစန်းဝင်းရယ်က ဦးဇင်း ရင်ဘတ်ကို စစ်ဖိနပ်နဲ့ ဆောင့်ကန်တယ်။ မျက်နှာကို စစ်ဖိနပ်နဲ့ ပေါက်တယ်။ နောက်ပြန် လက်ထိပ် ခတ်ထားတယ်။ မေးခွန်းတခု မေးတိုင်း ဦးဇင်းကို နားရင်းပါးရင်း ရိုက်တယ်၊ လက်သီးနဲ့ ထိုးတယ်။ ဦးဇင်းလည်း မေ့မြောသွားအောင် ခံစားရတယ်။ နောက်က ပြစ်ရိုက်တာ ရှေ့စားပွဲပေါ် မှောက်သွားတာပဲ။ နောက်ဆုံးတော့ ဦးဇင်းလည်း လုံးဝ မခံနိုင်တော့ဘူး။ ဦးဇင်းရဲ့ လက်အကြောတွေ၊ လက်တွေကို ချိုးတာပေါ့။ ကျဉ်ကြောတွေ နှိပ်တယ်။

နံကြားတွေကို ထောက်ပြီးတော့ မ’တာတွေ ရှိတယ်။ နားရင်းတွေကို ရိုက်တယ်။ နားရွက်တွေကို ဆောင့်ဆွဲတယ်။ နည်းမျိုးစုံနဲ့ စစ်ဆေးတယ်။ ခြေထောက်တွေကို တက်ကျိတ်တာက ဦးဇင်း ထောင်ကျတဲ့ အချိန်ထိ လမ်းကို ကောင်းကောင်း မလျှောက်နိုင်ဘူး။ ခြေသန်းတွေမှာ သွေးခြေဥနေတယ်။ ဦးဇင်း လုံးဝ မခံနိုင်တော့တဲ့အတွက် ဘာလုပ်လဲဆိုတော့ ဒီဝေဒနာတွေ မေ့သွားတာ ကောင်းတယ်ဆိုပြီးတော့ ဦးဇင်းရှေ့က ရှေ့မှာ ရှိတဲ့ စားပွဲကို ခေါင်းနဲ့ ပစ်ဆောင့်လိုက်တယ်။ ဘေးမှာရှိတဲ့ ရဲစခန်းမှူး ဦးအောင်ဝင်းက အတင်း ဦးဇင်းကို ဖက်ပြီးတော့ ‘ဦးဇင်း ... အဲဒီလို မလုပ်ပါနဲ့။ တပည့်တော်တို့က တာဝန်အရ လုပ်ရတာပါ။ အထက်က ညွှန်ကြားချက်အရ လုပ်ရတာပါ’ လို့ ပြောတယ်။

ဦးဇင်းက အဲဒီဟာမျိုး လုပ်လိုက်တော့ တဖြေးဖြေးနဲ့ လက်လျှော့ သွားတယ်။ ဒါပေမဲ့ အောက်တိုဘာလ ၁၈ ရက်ကနေ ၂၄ ရက်နေ့အထိက နေ့ရော၊ ညပါ စစ်ဆေးတယ်။ ရေတောင် သောက်ခွင့်မပေးဘူး။ သူတို့အထက်က လူကြီးတွေ လာတဲ့အခါမှာ ခေါ်ပြီးတော့ စစ်ဆေးတယ်။ လူကြီးတယောက် လာလို့ရှိရင် တခြားအခန်းကို ပြောင်းပြီး စစ်ဆေးတယ်။ ‘လုံးဝ အဖြေမှန်မပေါ်ရင် အဖြေမှန်ပေါ်အောင်သာ စစ်ကွာ’ ဆိုပြီးတော့ အမိန့်ပေးတယ်။ နောက်ပိုင်းကျတော့ ဦးဇင်းကို ဘယ်လောက်ထိ ခြိမ်းခြောက်လဲဆိုတော့ ‘ဦးဇင်းရဲ့ ခန္ဓာကိုယ်တွေပေါ်မှာ ဖယောင်းတိုင် ထွန်းပြီးတော့ စစ်ဆေးမယ်’ ဆိုတာမျိုးထိ ပြောလာတယ်။

သူတို့ ဘာတွေ ထပ်မေးလဲဆိုတော့ ‘၈၈ ကျောင်းသားအုပ်စုကို သိလား၊ သူတို့နဲ့ အဆက်အသွယ်ရလား၊ NLD ပါတီက ဘယ်သူတွေနဲ့ အဆက်အသွယ်ရှိလဲ၊ ဘယ်သူတွေ သိလဲ’ ဆိုတော့ ဦးဇင်းက ‘ဘယ်သူတွေနဲ့မှ မသိပါဘူး။ အဆက်အသွယ်လည်း မရှိပါဘူး’ ဆိုပြီး ဖြေလိုက်တယ်။ ‘ငါတို့က အချက်အလက်တွေ ရပြီးသား။ မင်း ဗကသ လား။ ဗကပ လား’ ဆိုပြီးတော့ မေးတယ်၊ စွပ်စွဲတယ်။

ပိုဆိုးတာက ဦးဇင်းရဲ့ ပိုက်ဆံအိတ်ထဲမှာ အမေရိကန် စင်တာမှာ စာကြည့်တိုက် ကပ်ပြားလေး ပါတော့ သူတို့က ဘာမေးလဲဆိုတော့ ‘အမေရိကန် စင်တာမှာ နိုင်ငံရေးသင်တန်းတွေ တက်တာ မဟုတ်ဘူးလား။ အဲဒီမှာ နိုင်ငံရေး သင်တန်းတွေ ပို့ချနေတယ်၊ ဘာတွေ ပို့ချနေလဲ။ မပြောလို့ရှိရင် ဒီထက် ကြမ်းတမ်းတဲ့ စစ်ဆေးနည်းတွေနဲ့ စစ်ဆေးမယ်’ တဲ့။

‘အခုချိန်မှာ မင်းဟာ ငါတို့ လက်ခုပ်ထဲမှာ ရောက်နေတယ်။ ငါတို့ လုပ်ချင်သလို လုပ်လို့ရတယ်။ အဖြေမှန်ပေါ်အောင် မပြောလို့ရှိရင်၊ အဖြစ်မှန်ကို မပြောဘူးဆိုရင် ငါတို့ ရာထူးပြုတ်ရင် ပြုတ်သွား ပလေ့စေ၊ ဒဏ်ရာ အနာတရ မရှိဘဲနဲ့ သတ်တဲ့ နည်းတွေ အများကြီး ရှိတယ်’ လို့ ခြိမ်းခြောက် စစ်ဆေးတယ်။

‘နိုင်ငံတော် အကြည်ညိုပျက်စေမှု၊ တရားမဝင် အသင်းအဖွဲ့ ဖွဲ့စည်းမှု၊ အစိုးရကို အကြည်အညို ပျက်စေတဲ့ ရေးသားမှု၊ တရားမဝင် ငွေကြေးကိုင်ဆောင်မှု - ပုဒ်မတွေ အများကြီး တပ်တယ်။ နောက်ဆုံးမှာ ဒီကောင်တွေက မြန်မာနိုင်ငံမှာ နိုင်ငံရေးအကျဉ်းသား မရှိဘူးဆိုတာ ပြချင်တာနဲ့ နိုင်ငံခြားငွေ ကိုင်ဆောင်မှု ပုဒ်မနဲ့ ထောင်ဒဏ် ၃ နှစ် ချလိုက်တယ်။ ပြီးတော့ အောက်တိုဘာလ ၂၄ ရက်နေ့မှာ ဦးဇင်းကို မုံရွာထောင်ကို ပို့လိုက်တယ်။

မေး။ မုံရွာထောင်တွင်း အခြေအနေကို ပြောပြပေးပါလား ဘုရား။

ဖြေ။ မုံရွာ ထောင်ထဲတုန်းက ဦးဇင်း နောက်ကို အင်ဖော်မာ (သတင်းပေး) တွေ ထည့်ပေးထားတယ်။ ဦးဇင်းက လူတယောက်ကို စကားပြောမယ်ဆိုရင် နောက်ကနေ နားထောင်တာတို့၊ စောင့်ကြည့်တာတို့၊ အဲဒါတွေ လုပ်တယ်။ လူတယောက်နဲ့ စကားပြောပြီးတိုင်း ဦးဇင်းကို ရုံးကို ခေါ်ပြီးတော့မှ ‘သူ့ကို ဘာတွေ ပြောသလဲ၊ ဦးဇင်းနောက်မှာ တပည့်တော်လူတွေ ရှိတယ်၊ မဟုတ်တာတွေ မလုပ်ပါနဲ့၊ ဦးဇင်းကို သိက္ခာချမယ်’ လို့ ပြောတယ်။

မုံရွာထောင်ထဲ ရောက်တော့ စရဖ အရာရှိ ဦးစန်းဝင်းနဲ့ အက်စ်ဘီ ၂ ယောက်ရယ် မုံရွာမြို့ ရွှေကူကျောင်းတိုက်က သံဃနာယကဆရာတော် ဦးဇောတိကတို့ လာပြီးတော့မှ သိက္ခာ ချခိုင်းပါတယ်။ ဦးဇင်းကို သိက္ခာချခိုင်းတာ အနည်းဆုံး ၃-၄ ကြိမ်လောက် ရှိတယ်။

“မင်းရဲ့ သာသနာဝင် ကဒ်ပြားကို သိမ်းလိုက်ပြီ ဖြစ်တဲ့အတွက် ထောင်ကနေ လွတ်လာလို့ရှိရင်လည်း ဘုန်းကြီးဝတ်လို့ မရဘူး။ အခုလိုအချိန်မှာ သိက္ခာချမယ်ဆိုရင် နောက်ပြန်ဝတ်ချင်ရင် ဝတ်ခွင့်ပေးမယ်” လို့ ဦးဇောတိက က ပြောသေးတယ်။

ဒုထောင်မှူးကလည်း မကြာခဏ ခေါ်ခေါ်ပြီးတော့မှ သိက္ခာချခိုင်းတာတွေ ရှိတယ်။ ဝိနည်းနဲ့ ပတ်သက်တဲ့ မေးခွန်းတွေ၊ နောက် သံဃတပ်ပေါင်းစုနဲ့ ဆက်နွယ်တဲ့ မေးခွန်းတွေ၊ ရွှေဝါရောင် သံဃတော်လှန်ရေးမှာ ပါဝင်ခဲ့တဲ့ ပုဂ္ဂိုလ်တွေအကြောင်း မေးပါတယ်။ နောက်ပိုင်းမှ မေးတဲ့ ဒုထောင်မှူးဆိုသူဟာ စရဖ အရာရှိ ဦးစန်းဝင်းရဲ့ လူဆိုတာ သိလာတယ်။

မေး။ မုံရွာထောင်မှာ နိုင်ငံရေး အကျဉ်းသားတွေ၊ သံဃာတော်တွေ ဘယ်လောက်ရှိလဲ ဘုရား။

ဖြေ။ မုံရွာထောင်ထဲမှာ အများကြီးပဲ ဒကာကြီး။ အရပ်ဘက် အကျဉ်းသားတွေ ရှိတယ်။ ဘုန်းကြီးတွေ ၆ ပါးလောက် ရှိတယ်။ နိုင်ငံရေး အကျဉ်းသား ၁ဝ ယောက်လောက် ရှိမယ်။ သတိထားမိတာက မြစ်ကြီးနားဘက်က ဦးစောထွန်း ဆိုတဲ့ နိုင်ငံရေးသမားကြီး ရှိတယ်။ သူက တိုက်ပိတ် ခံထားရတယ်။

မေး။ ထောင်ထဲမှာရော ဦးဇင်းကို နှိပ်စက်ညှဉ်းပမ်းတာတွေ ရှိလား။

ဖြေ။ ဦးဇင်းကို နှိပ်စက်ညှဉ်းပမ်းတာတော့ ရှိတာပေါ့။ ရောက်သွားပြီး မကြာမီ ဆရာတော် ဦးဂမ္ဘီရတို့ အဖမ်းခံရတဲ့အတွက် ဦးဇင်းကို လာစစ်ဆေးတယ်။ ‘သံဃတပ်ပေါင်းစုက ဆရာတော်တွေ ဘယ်မှာ ရှိသလဲ။ ဦးသြဘာသတို့ ဘယ်မှာ နေသလဲ၊ ရွှေဝါရောင်မှာ ပါဝင်ခဲ့တဲ့ ဆရာတော်တွေထဲက ဘယ်ဘုန်းကြီးတွေ သိသလဲ’ ဆိုတာတွေ မေးတယ်။ ‘မသိပါဘူး။ ပါလည်း မပါခဲ့ပါဘူး’ လို့ ဖြေလိုက်တယ်။ ဖြေပေမယ့် သူတို့က လုံးဝ လက်မခံဘူး။

မေး။ ဇန်နဝါရီလ ၁၈ ရက်နေ့မှာ ပြစ်ဒဏ်ချပြီးနောက် ဘယ်တွေကို ထောင်ပြောင်းရွှေ့တာတွေ ရှိသေးလဲ ဘုရား။

ဖြေ။ ဦးဇင်းကို ၂၁ ရက်၊ မေလမှာ ကလေးထောင်ကို ပို့တယ်။ ကလေးထောင်မှာ တပတ်လောက်နေပြီး မေလကုန်ပိုင်းလောက်မှာ ချင်းပြည်နယ် တီးတိန်မြို့နယ် လင်တန် ရဲဘက်စခန်းကို ပို့လိုက်ပါတယ်။

မေး။ ကလေးမြို့ ထောင်မှာရော စစ်ဆေး မေးမြန်းတာတွေ ရှိသေးလား။

ဖြေ။ ကလေးထောင်ထဲမှာတော့ စစ်ဆေး မေးမြန်းတာတွေတော့ မရှိဘူး။ ဘာဖြစ်လို့လဲဆိုတော့ အဲဒီအချိန်မှာ ရဲဘက်ပို့ဖို့ သံခြေကျင်းတွေ ခတ်ထားပြီလေ။ မုံရွာကနေ ပို့လိုက်တဲ့ အကျဉ်းသား ၁ဝဝ ရှိတယ်။ အားလုံးကို သံခြေကျင်းတွေ ခတ်ထားတယ်။ တချို့ ရဲဘက်ပြေးတွေ ပါတယ်။ စစ်ပေါ်တာတွေ ပါတယ်။ အသက်လုပြီး ပြေးခဲ့တဲ့ သူတွေကို သံခြေကျင်း နှစ်ခု ခတ်ထားတယ်။ မုံရွာထောင်ကနေ ကလေးထောင်ထိ သွားရတဲ့ဟာက သံခြေကျင်းတွေနဲ့ နှစ်ယောက် တတွဲ သွားရတယ်။

မေး။ ရဲဘက်စခန်းကို ဘယ်လိုပို့လဲ ဘုရား။ ဘာအလုပ်တွေ လုပ်ရလဲ။

ဖြေ။ မေလကုန်လောက် ရောက်တဲ့အချိန်ကစပြီး သံခြေကျင်းတွေ ခတ်ပြီးတော့ ဦးဇင်းတို့ကို အလုပ်ကြမ်းခိုင်းပါတယ်။ ထင်းတုံးကြီးတွေ ထမ်းရတယ်။ ချင်းပြည်နယ်ဆိုတာ သိတဲ့အတိုင်းပဲ၊ တောင်တန်းကြီးတွေ။ ချောက်ထဲကနေ တောင်ကုန်းပေါ်ထိ ထမ်းတင်ရတယ်။ အဲဒီတိုင်တွေကို တနင်္ဂနွေနေ့ရက်တွေမှာလည်း ထမ်းတင်ရတယ်။ နားရက်မရှိဘူး။ ထမ်းတင်ရတဲ့ အခါမှာလည်း ရှေ့ကလူကို နောက်ကလူက မှီအောင် လိုက်ရတယ်။ မမှီတဲ့ လူတွေကို တပ်ခွဲမှူး၊ တပ်စုမှူးတွေက နောက်ကနေ တအုံးအုံး တဘုံးဘုံးနဲ့ ရိုက်တယ်။ ထင်းတုံးကို မနိုင်လို့ လဲသွားတဲ့သူတွေကို ခြေတောက်နဲ့ ပိတ်ကန်တယ်။ ရင်ဝကို ဆောင့်ကန်တယ်။ နှိပ်စက်တာတွေ ခံခဲ့ရပါတယ်။

မေး။ ရဲဘက်စခန်းမှာ အလုပ်ကြမ်းတွေ လုပ်နေရင်း ဦးဇင်းရဲ့ ကျန်းမာရေး အခြေအနေက ဘယ်လိုရှိခဲ့လဲဘုရား။

ဖြေ။ စားရတဲ့ အစားအစာကလည်း ပုံစံနဲ့ စားရပါတယ်။ ရဲဘက်စခန်းမှာ နာမည်ကြီးတဲ့ ဒံပေါက်ထမင်းပေါ့။ ထမင်းတွေထဲမှာ ကျောက်ခဲတွေ ပါတယ်၊ စပါးလုံးတွေ ပါတယ်။ တခါတရံမှာ ကြွက်ချေးတွေကလည်း ပါတယ်။ အဲဒီလို နီရဲနေတဲ့ ထမင်းတောင်မှ အဝ မစားရဘူး။ အကျဉ်းသားတွေက ဒီလောက် ပင်ပင်ပန်းပန်း လုပ်ရပြီး ထမင်းကို ဝအောင်မစားရဘူး ဆိုတော့၊ အဲဒီ ရဲဘက်စခန်းကို ရောက်ပြီး နှစ်ပတ် သုံးပတ်လောက်လည်းကျရော လူတွေက မျက်တွင်းတွေ ချောင်ကျသွားတယ်။ ဖြူဖတ်ဖြူရော် ဖြစ်သွားတယ်။ တချို့ဆိုရင် ဖျားတယ်။ တချို့ဆိုရင် သံခြေကျင်းရဲ့ ဒဏ်ကြောင့် ခြေထောက်တွေမှာ အနာတွေ ပေါက်လာတယ်။ သွေးစုနာတွေ ပေါက်လာတယ်။ ဦးဇင်းကိုယ်တိုင်လည်း သွေးစုနာ ၃-၄ ကြိမ်လောက် ပေါက်ဖူးပါတယ်။ အဲလို အစားဆင်းရဲတဲ့ဒဏ် အလုပ်ကြမ်းလုပ်ရတဲ့ ဒဏ်တွေကြောင့် မြစ်ကြီးနားက ကိုယ်တော်တပါးဆို ဒဏ်မခံနိုင်လို့ ဝါဆိုလပြည့်နေ့က ပျံလွန်တော်မူသွားရှာတယ်။

မေး။ ရဲဘက်စခန်းမှာ အလုပ်လုပ်လို့ လုပ်အားခရော ရတာမျိုးရှိလား ဘုရား။

ဖြေ။ ရဲဘက်စခန်းမှာ အကျဉ်းသားတဦးက အနည်းဆုံး တနေ့ကို အာဏာပိုင်တွေအတွက် တရက်ကို ၂ဝဝဝ သွင်းရတယ်။ ထောင်အလုပ်မရှိရင် အပြင်က ဝင်ငွေရတဲ့ အလုပ်တွေကို လိုက်လုပ်ရတယ်။ ၂ဝဝဝ ထက်ကျော်ရင်တော့ ထောင်သားတွေအတွက် စားစရာတွေ ဝယ်လို့ရတာပေါ့။

မေး။ ဘာကြောင့်မို့ အိန္ဒိယဘက်ကို ထွက်ပြေးခဲ့တာလဲဘုရား။

ဖြေ။ ဦးဇင်း ရောက်နေတဲ့ လင်တန် ရဲဘက်စခန်းကို အက်စ်ဘီ ၂ ယောက် ရောက်လာပြီး စစ်ဆေးပြန်တယ်။ ‘သံဃတပ်ပေါင်းစုမှာ ဦးဆောင်တဲ့သူတွေ သိလား’ ဆိုပြီး စက်တင်ဘာလ ၁၅ ရက်နေ့ မနက် ၉ နာရီကနေ ညနေ ၆ နာရီအထိ ဆက်တိုက်မေးတယ်။ အဲဒီနေ့မှာ ဆွမ်းမစားရဘူး။ မဖြေနိုင်ရင် ထိုးတာကြိတ်တာ လုပ်တယ်။ ဦးဇင်းကို ‘သံဃတပ်ပေါင်းစုမှာ ပါတယ် မဟုတ်လား။ သံဃတပ်ပေါင်းစုက ဆရာတော်တွေ ဘယ်မှာ ရောက်နေလဲ’ ဆိုတာတွေ မေးတယ်။ ဒီလူတွေက ကလေးထောင်ကို ပြန်ပို့ပြီး ပုဒ်မ အသစ်တိုးပြီးတော့ ထောင်ကိုထပ်ပို့မှာ သိလိုက်ရတဲ့အတွက် ဒီည ထွက်မပြေးလို့ မဖြစ်တော့ဘူးလို့ တွေးပြီး ထွက်ပြေးခဲ့တယ်။

မေး။ တီးတိန်မြို့ လင်တန် ရဲဘက်စခန်းကနေ ဘယ်လိုမျိုး ထွက်ပြေးလာခဲ့လဲ ဘုရား။

ဖြေ။ အဲဒီ အလုပ်ကြမ်းစခန်းကို ပထမ တထပ်က ၁ဝ ပေလောက်ရှိတဲ့ သစ်တုံးကြီးတွေကို သံဆူးကြိုးတွေပတ်ပြီး ကာထားတယ်။ အဲဒီသစ်တိုင်ကြီးတွေကို ဖက်ပြီးတော့ ကျော်တက်ခဲ့ရတယ်။ ဟာ ... သံဆူးကြိုးတွေက လက်တွေခြေထောက်တွေကို စူးလိုက်တာလည်း မပြောပါနဲ့တော့။ ဒါပေမဲ့ ဒီဒဏ်ရာတွေကို ဂရုမစိုက်အားဘဲ အမြင့်ပေ ၁၅ ပေလောက်ရှိတဲ့ ဒုတိယသံဆူးကြိုးကို ကျော်ဖို့ ကြိုးစားရပြန်တယ်။ လက်တွေမှာလည်း သွေးအလိမ်းလိမ်းပေါ့။ ဟား ည အသက်အန္တရာယ် လွတ်ပြီဆိုတာနဲ့ ရင်ထဲမှာ နည်းနည်း ပေါ့သွားတာပေါ့။ အနာတရကို ဂရုမစိုက်အားဘဲ ကိုယ့်အသက်အန္တရာယ်ကို စိုးရိမ်ပြီး ဂက်စ်မီးခြစ်က အလင်းရောင်လေးကို အားပြုပြီး တွေ့တဲ့လမ်းအတိုင်း စွတ်ပြီး ထွက်ပြေးလာခဲ့တယ်။

တချို့ ချောက်ကမ်းပါးတွေဆို ၄-၅ နာရီကြာအောင် ဂရုစိုက်ဆင်းရတယ်။ ရှင်းလို့မရတဲ့ ခြုံတွေဆို လှိမ့်ချလိုက်ရတာရှိတယ်။ တိုးလို့မရတဲ့ ဆူးခြုံတွေဆိုရင် တောကောင်သွားတဲ့ လမ်းလေးတွေကို အားပြုပြီး လေးဘက်ထောက် သွားခဲ့ရတာတွေလည်း ရှိတယ်။ သားရဲတိရစ္ဆာန် အန္တရာယ်ကို စိုးရိမ်မိပေမယ့် ရှေ့ခရီးတွင်ဖို့ပဲ အာရုံထား ပြေးရတာပေါ့။ အဲဒီအချိန် ဗိုက်ကလည်းဆာ၊ စားစရာလည်းမရှိ၊ ရေကလည်း ငတ်တော့ တွေ့တဲ့ ဆီးဖြူသီးလေးတွေ ခူးစားပြီး ၂ ရက်၊ ၂ ည တိတိ မနားမနေ ပြေးခဲ့ရပါတယ်။

တခါတရံ ချောက်ကမ်းပါးတွေကို မတက်နိုင်လောက်အောင် မောပန်းနေတော့၊ ချောင်းတွေအတိုင်း စုံဆင်းနေတော့ ခရီးတွေက မဝေးသင့်ဘဲ ဝေးခဲ့တဲ့ ခရီးတွေကလည်း အများကြီးပဲ။ ရွာတွေကို တွေ့ရပေမယ့် အဖမ်းခံရမှာ၊ ခွေးဟောင်မှာ စိုးတဲ့အတွက် မဝင်ရဲဘူး။ ပတ်ရှောင်သွားရတယ်။ လမ်းတွေကလည်း မသိတော့ မှန်းဆသွားရတဲ့အတွက် အဝေးကြီး ရောက်သွားတာတွေ ရှိတယ်။ ပရိတ်၊ ပဋ္ဌာန်းနဲ့ ဘုရားဂုဏ်တော်တွေကို အဖော်ပြုပြီး မေတ္တာပို့ရင်း ပြေးလွှားနေရတာပေါ့။ နောက်ပိုင်း မရွတ်နိုင်တော့တဲ့အဆုံး အာရုံပဲ ပြုနိုင်တော့တယ်။

ကံကောင်းထောက်မစွာနဲ့ အသက် ၂ဝ ပတ်ဝန်းကျင်ရှိတဲ့ ချင်းတိုင်းရင်းသားလေး တယောက်က ထမင်းထုပ်နဲ့ ရေဗူးလေး ပါလာတာကို ပေးတော့ အငမ်းမရ မြိန်ရည်ယှက်ရည် စားလိုက်တယ်။ သခွားသီး ၃ လုံး ရောပေးတော့ စားလိုက်တာနဲ့ ရေဆာလည်း ပြေသွားတယ်။ ဒါနဲ့နောက်ဆုံး လမ်းပြပေးဖို့ အကူအညီ တောင်းလိုက်တော့ သူက လမ်းကြောင်းမှန်ကို ပြပေးတယ်။ ဦးဇင်းလဲ ကျေးဇူးတင်လွန်းလို့ ကျေးဇူးဆပ်တဲ့အနေနဲ့ ပါတဲ့ငွေ ၂ဝဝဝ ပေးလိုက်တယ်။

အဲဒီနောက် မီဇိုရမ်ပြည်နယ် အိုက်ဇောမြို့ကို ရောက်လာခဲ့တယ်။

မေး။ ထွက်ပြေးတုန်းက သံခြေကျင်းနဲ့ပဲလား ဘုရား။

ဖြေ။ အကျဉ်းစခန်းက တာဝန်ရှိသူတွေကို သြဂုတ်လလယ်လောက်မှာ ပိုက်ဆံ ၅ဝဝဝဝ ပေးလိုက်တော့ သံချေကျင်း ဖြုတ်ပေးပါတယ်။ ဒါနဲ့ ပြေးဖို့ လွယ်ကူသွားတာပေါ့။

မေး။ စစ်အစိုးရက သံဃာတော်တွေကို မတရား ဖမ်းဆီးမှုတွေအပေါ် ဘယ်လို ပြောလိုပါသလဲဘုရား။

ဖြေ။ ရက်စက်ယုတ်မာလှပါတယ်ဆိုတဲ့ အင်္ဂလိပ်ခေတ်၊ ဂျပန်ခေတ်တုန်းကတောင်မှ သံဃာထုအပေါ်မှာ ဒီလောက် ရက်ရက်စက်စက် မနှိပ်စက်ခဲ့ပါဘူး။ အခု ကိုယ့်ကိုယ်ကို ဗုဒ္ဓဘာသာ သာသနာ့ ဒါယကာလို့ ခေါ်နေတဲ့ စစ်အစိုးရရဲ့ ရက်စက်ယုတ်မာမှုကတော့ ကိုယ်တွေ့ကြုံလိုက်မှပဲ ပြောစရာစကားလုံး ရှာမရလောက်အောင် ရက်စက်ပါ့ပေ့လို့ သိလိုက်ရတယ်။

ဒီလိုမျိုး ရက်စက် ယုတ်မာမှုတွေကို ရပ်တန်းက ရပ်ပါ။ အဲလိုမှမဟုတ်ရင် သမိုင်းမှာ ဂျာမဏီက နာဇီဟစ်တလာတို့လို သမိုင်းဆိုး တင်ကျန်ခဲ့မှာ မလွဲပါဘူး။ အခုဆိုရင် ကမ္ဘာတဝှမ်းမှာ ရှိတဲ့ အာဏာရှင်တွေဟာ တယောက်ပြီးတယောက် ပြုတ်ကုန်ပြီ။ ကမ္ဘာမှာ ရှားရှားပါးပါး နအဖ စစ်အုပ်စုပဲ ကျန်ပါတော့တယ်။ နအဖ စစ်အုပ်စုသာ အမြင်မှန်ရမယ်ဆိုရင် အချိန်တွေ ကျန်ပါသေးတယ်။ သူတို့ရဲ့ နှလုံးသားမှာ စူးဝင်နေတဲ့ အမုန်းတရား၊ အာဃာတ တရားတွေဟာ သူတို့ကိုယ် သူတို့လည်း ဆင်းရဲဒုက္ခရောက်စေပြီး လူသားထု တရပ်လုံးကိုလည်း စိတ်မချမ်းမြေ့စရာတွေနဲ့ ရင်ဆိုင်နေရစေပါတယ်။ ဒီ အမုန်းတရား၊ အာဃာတ တရားတွေဟာ အမြင်မှန်ရတာနဲ့ ချက်ချင်း ပြောင်းပစ်လို့ ရပါတယ်။ ဒါမှမဟုတ်ရင် မြန်မာလူမျိုးတွေရဲ့ ဆင်းရဲတွင်းက နက်သည်ထက် နက်ပါလိမ့်မယ်။ အချိန်မီ ပြုပြင်ကြပါလို့ ဦးဇင်းအနေနဲ့ တိုက်တွန်းချင်ပါတယ်။

မေး။ ဦးဇင်းအနေနဲ့ ဘယ်လိုမျိုး ဆက်လက်လုပ်ဆောင်သွားမယ်လို့ စိတ်ကူးပါသလဲ ဘုရား။

ဖြေ။ ရွှေဝါရောင် အကြမ်းမဖက် တော်လှန်ရေးကြီးဟာ နအဖ စစ်အစိုးရအနေနဲ့ မတရား ဖမ်းဆီး ညှဉ်းပမ်းနှိပ်စက်၊ ဖိနှိပ်ဖြိုခွင်းမှုတွေနဲ့ ရင်ဆိုင်ခဲ့ရပေမယ့် သံဃတပ်ပေါင်းစု ဦးဆောင်ဆရာတော် ဦးသြဘာသနဲ့အတူ သံဃာ ၃ သိန်းကျော်၊ ၄ သိန်းနီးပါး ကျန်ပါသေးတယ်။ ဦးဇင်းအနေနဲ့ ရှေ့ဆက်ပြီးတော့ နအဖ ဆိုတဲ့ အဓမ္မဝါဒီတွေကို အသက်ထက်ဆုံး ဓမ္မလမ်းကြောင်းပေါ်ကနေ အကြမ်းမဖက်တဲ့ နည်းတွေနဲ့ သံဃာထု၊ လူထုနဲ့အတူ ဆက်လက် လုပ်ဆောင်သွားမှာပါ။

အခု အနေအထားက အစွယ်နဲ့ ထိုးမယ့်ဆင်ဟာ နောက်တလှမ်းဆုတ် ဆိုတဲ့ အနေအထားပါ။ စက်တင်ဘာ လှုပ်ရှားမှုကြောင့် အာဇာနည် လူစွမ်းကောင်း ရဲရဲတောက် သတ္တိရှင်တွေ အများကြီး မွေးထုတ်ပေးခဲပါ့တယ်။ ဒီလူစွမ်းကောင်းတွေဟာ ဥပမာနဲ့ ပြောရမယ်ဆိုရင် ခြေစွမ်းထက်တဲ့ ဘောလုံးသမားကောင်းတွေ လိုပါပဲ။ ဒါကို အသင်းစုစည်းမှု တယောက်နဲ့တယောက် အပေးအယူ၊ အချိပ်အဆက်ရှိမှု၊ အောင်ကိုအောင်ရမယ်ဆိုတဲ့ စိတ်ဓာတ်ကြံ့ခိုင်မှုတွေကို ဦးဇင်းတို့ ပြန်လည် တည်ဆောက်နေပါတယ်။

အရေးကြီးဆုံးအချက်က ဘောလုံးပွဲတွေမှာ ကိုယ့်ခြေထောက်ထဲ ဘောလုံးရောက်ပြီဆိုရင် တကိုယ်ကောင်းဆန်ပြီး တယောက်ထဲ ဆွဲမပြေးဖို့ အဲဒါ အရေးကြီးဆုံးပဲ။ နောက်ပြီး ဒီမိုကရေစီရေး လှုပ်ရှားနေတဲ့ မည်သူမဆို၊ မည်သည့်အဖွဲ့အစည်းမဆို ဒီမိုကရေစီသဘောတရား၊ ဒီမိုကရေစီကျင့်စဉ်တွေကို စတင်ကျင့်သုံးဖို့ လိုနေပါပြီ။

ဒီမိုကရေစီဆိုတာ သူတပါးက လာပေးတာမဟုတ်ဘဲ ကိုယ်တိုင်ကျင့်သုံးရတာပါ။ အဲဒီတော့ နအဖ လက်ထဲမှာ ဒီမိုကရေစီမ ရှိဘူး၊ အဲဒါကို သွားတောင်းမနေနဲ့၊ အချိန်ကုန်တယ်။ ပြည်သူတွေအနေနဲ့ ညီညီညွတ်ညွတ် ရှိပြီးတော့ ငါတို့ဟာ တနေ့ မုချ အောင်ရမယ်ဆိုတဲ့ စိတ်ဓာတ်ကို မွေးပြီး သံဃာထု၊ ကျောင်းသားထုနဲ့ လက်တွဲကြပါ။ ဦးဇင်းလည်း စိတ်"ာတ် ခိုင်ခိုင်မာမာနဲ့ လက်တွဲဆောင်ရွက်ပါ့မယ်လို့ အခိုင်အမာ ဆုံးဖြတ်ထားပါတယ်။

Read More...

Summary only...

U Gambira's close relatives receive torture

အရှင်ဂမ္ဘီရ၏ညီအစ်ကိုတော်များ စစ်ကြောရေးတွင် ပြင်းပြင်းထန်ထန် နှိပ်စက်ခံနေရ

ဖြိုးကြီး။ အောက်တိုဘာ ၄၊ ၂၀၀၈

စစ်အစိုးရအာဏာပိုင်များက အရှင်ဂမ္ဘီရ၏ ညီဖြစ်သူနှင့် ယောက်ဖတို့နှစ်ဦးအား စစ်ကြောရေး စခန်းတွင် ပြင်းပြင်းထန်ထန် ညှဉ်းပန်းနှိပ်စက်မှုများပြုလုပ်ပြီး ဖောက်ခွဲ (၃) နှင့် ရုံးတင်ရန် လုပ်ဆောင်နေသည်။

ကိုမိုးထက်လျှမ်းနှင့် ကိုအောင်ကိုကိုလွင်တို့နှစ်ဦးအား ဘားလမ်းအချုပ်တွင် အာဏာပိုင်များက ရိုင်းစိုင်းစွာ ပြောဆိုရိုက်နှက်ခဲ့ကြပြီး ပြီးခဲ့သည့်လ (၂၉) ရက်နေ့က မြောက်ဒဂုံတရားရုံးတွင် ပထမဆုံး ရုံးထုတ်ခဲ့သည်။

“ထောက်လှမ်းရေးနဲ့ SB အယောက်နှစ်ဆယ်က ကိုမိုးထက်လျှမ်းကို ခုနှစ်ရက်၊ ခုနှစ်ညလုံးလုံး ကြမ်းကြမ်းတမ်းတမ်း ပါးရိုက်တယ်၊ အလှည့်ကျ တယောက်ပြီးတယောက် စစ်နေတာ၊ နံပါတ် တုတ်နဲ့လည်း ရိုက်တယ်၊ ခြေသလုံးပေါ်ကို မျဉ်းလုံးတင်ပြီး အပေါ်ကတက်လှိမ့်တာ အဲလိုတွေ ကို လုပ်တာ”ဟု မိသားစုဝင်တဦးက ပြောသည်။

အာဏာပိုင်များက ကိုမိုးထက်လျှမ်းအား ရွှေဝါရောင်တော်လှန်ရေးကို ဦးဆောင်ခဲ့သည့် အရှင် ဂမ္ဘီရ၏ ယောက်ဖတော်စပ်သည့်အတွက် အငြိုးအတေးများဖြင့် ပြောဆိုပြမှုဆက်ဆံခြင်းဖြစ် ကြောင်း ၎င်းက ဆက်လက်ပြောသည်။

“အောင်ကိုကိုလွင်ကိုတော့ အာဏာပိုင်တွေက အခုပြန်စည်းရုံးနေတယ်၊ သတင်းစာရှင်းလင်းပွဲ လုပ်မှာ၊ အဲဒါ မင်းက အစိုးရသက်သေလုပ်ရင် လွှတ်ပေးမယ်ဆိုပြီး အတင်းဖြောင့်ချက်ပေးခိုင်း နေတာ”ဟု မိသားစုဝင်က ပြောသည်။

အာဏာပိုင်များက ကိုအောင်ကိုကိုလွင်အား တရားသူကြီးရှေ့တွင် ကြိုတင် အစစ်ဆေးခံချက် ဆိုပြီး အရင်ထွက်ချက်တွေကို ပေးခိုင်းကာ စည်းရုံးမှုများပြန်လုပ်နေတယ်ဟု ဆက်ပြောသည်။

“အောင်ကိုကိုလွင်ကို (၁၁) ရက်နေ့က မိတ္ထိလာကနေဖမ်းတာ၊ စိုးလွင်နဲ့ ရဲညွန့်တို့လည်း ပါတယ်၊ (၁၂) ရက်နေ့မှာ ညောင်ဦးလေဆိပ်ကနေ လေယဉ်နဲ့ခေါ်လာတာ၊ မိုးထက်လျှမ်းကို (၇) ရက်နေ့ကနေ(၂၆)ရက်နေ့ထိ စစ်တယ်၊ အောင်ကိုကိုလွင်ကို (၁၂) ရက်နေ့ကနေ (၂၆)နေ့ထိ စစ်တာ”ဟု မိသားစုဝင်က ဆက်ပြောသည်။

လှိုင်မျိုး၊ ကျော်မျိုးထက်၊ စိုးလွင်နှင့် ရဲညွန့်တို့ လေးဦးအား (၁၂) ရက်နေ့တွင် မြောက်ဒဂုံရဲစခန်း သို့ ပြောင်းရွှေ့ချုပ်နှောင်ထားပြီး (၂၆) ရက်နေ့တွင် အင်းစိန်အကျဉ်းထောင်သို့ ပို့ဆောင်ကာ (၃၀) ရက်နေ့မှ စတင်၍ စစ်ဆေးမှုများပြုလုပ်နေလျှက်ရှိသည်။

ကိုမိုးထက်လျှမ်းနှင့် ကိုအောင်ကိုကိုလွင်တို့အား မြောက်ဒဂုံတရားရုံးမှ လာမည့် (၁၀) ရက်နေ့ တွင် ထပ်မံစစ်ဆေးရန် ရုံးချိန်း ချိန်းဆိုလိုက်သည်။

Read More...

Summary only...

Ashin Gambira under attack in the court

အရှင်ဂမ္ဘီရနှင့် တရားရုံးဝန်ထမ်းများ အချေအတင်ဖြစ်ပွား

ရိုးမ ၃။ အောက်တိုဘာ ၄၊ ၂၀၀၈

ပြီးခဲ့သည့် တနင်္လာနေ့ ရုံးချိန်းတွင် အရှင်ဂမ္ဘီရနှင့် တရားရုံးဝန်ထမ်းများ စကားအချေအတင် ဖြစ်ပွားခဲ့သည်။

အရှင်ဂမ္ဘီရ၏ ရှေ့နေဖြစ်သူ ဦးခင်မောင်ရှိန်အား လျှောက်လဲချက်ပေးမရအောင် တရားသူကြီး၊ ဥပဒေဆွဲချနှင့် စာရေးမ ၂ ဦးက ဝိုင်းနှောင့်ယှက်သဖြင့် အရှင်ဂမ္ဘီရနှင့် စကားအချေအတင်များ ခဲ့ကြသည်။

“ဦးဇင်းက အဲဒီမှာ ထပြောတာ၊ ငါ့ရှေ့နေကို ဘာမှ အတင်းအကြပ်ပြောနေစရာမလိုဘူး၊ ငါ (FDB)နဲ့လည်း အဆက်အသွယ် လုံးဝမရှိဘူး၊ တရားခွင်မှာ ဒီလိုအနိုင်မကျင့်နဲ့၊ မကျေနပ်ရင် ကြိုးပေးလိုက်ကွ ဆိုပြီးပြောတာ” ဟု မိသားစုဝင်တဦးက ပြောသည်။

အာဏာပိုင်များက အရှင်ဂမ္ဘီနှင့် ရွှေဝါရောင်တော်လှန်ရေးအား နာမည်ဖျက်ရန်အတွက် အမျိုးမျိုး လုပ်ဆောင်နေလျှက်ရှိသည်ဟု ၎င်းက ဆက်ပြောသည်။

“အာဏာပိုင်တွေက ဦးဇင်းရဲ့ညီအရင်း အောင်ကိုကိုလွင်ကို စည်းရုံးနေတာ၊ သူတို့ သတင်းစာ ရှင်းလင်းပွဲလုပ်ပြီး ဦးဇင်းတို့ကို နာမည်ဖျက်မယ်၊ ဖေါက်ခွဲရေးပုဒ်မတွေနဲ့ တပ်ပြီး လုပ်ချင်နေ တာ”ဟု မိသားစုဝင်က ပြောသည်။

အာဏာပိုင်များက အရှင်ဂမ္ဘီရ၏နှမဖြစ်သူအား ပြည်ပမီဒီယာများနှင့် ပြောဆိုခြင်းများ မပြုလုပ် ရန် လက်မှတ်ထိုးခိုင်းသည့်အတွက် လက်မှတ်ထိုးပေးခဲ့ကြောင်း မိသားစုဝင်က ဆက်လက် ပြောဆိုခဲ့သည်။

အရှင်ဂမ္ဘီရ၏ ကျန်းမာရေးအခြေအနေနှင့်ပတ်သက်၍ “ဦးဇင်းနေမကောင်းဖြစ်တယ်၊ အခုတော့ သက်သာသွားပါပြီ၊ စိတ်ညစ်စရာတွေများတော့ ပင်ပန်းသွားပြီးဖြစ်တာ”ဟု ဆက်လက်ပြောသည်။

Read More...

Summary only...

no justic in the court: U Gambira's lawyer

အရှင်ဂမ္ဘီရ တရားရုံး မျှတမှုမရှိဟု ရှေ့နေပြောကြား
Thursday, 02 October 2008 07:00 ကိုစိုး irrawaddy

မြန်မာနိုင်ငံလုံးဆိုင်ရာ သံဃာ့တပ်ပေါင်းစု ဦးဆောင် သံဃာတော်တပါးဖြစ်သည့် အရှင်ဂမ္ဘီရ အပါအ၀င် ၁၁ ဦး အမှုကို ယမန်နေ့က အင်းစိန်ထောင် သီးသန့်ရုံး၌ ရုံးထုတ်ရာတွင် ယင်းတရားရုံး၏ လုပ်ထုံးလုပ်နည်းမှာ တရား မျှတမှု မရှိသော ကြောင့် ၎င်း၏ ရှေ့နေပါဝါကို ပြန်လည်ရုပ်သိမ်းလိုက်ကြောင်း ရှေ့နေကြီး ဦးအောင်သိန်းက ပြောသည်။


အင်းစိန်ထောင်အတွင်းရှိ အလုံမြို့နယ် သီးသန့် တရားရုံး၌ ယမန် နေ့က အဆိုပါအမှုအား ရုံးထုတ်ရာတွင် တရားလိုများဘက်မှ ရုံးချိန်း ၂ ချိန်းအထိ စတင်ယူခဲ့ပြီး စာမျက်နှာ ၁၃ မျက်နှာခန့်အမှုတွဲအား တင်သွင်းစွဲဆိုခဲ့ကြောင်း၊ ရှေ့နေကြီး ဦးအောင်သိန်းက တရားခံများ ဘက်မှ ခုခံချေပရန်အတွက် ယင်းအမှုတွဲကူးယူရန်နှင့် ဖတ်ရှုညှိနှိုင်းရန် အချိန် မလုံလောက် သဖြင့် တရားရုံးသို့ ရုံးချိန်းထပ်မံရွှေ့ဆိုင်းပေးရန် တောင်းဆိုသည်ကို တရားရုံးက ခွင့်မပြုခဲ့ ကြောင်း၊ ထို့ကြောင့် ယခု အမှုကို လိုက်ပါ အကျိုးဆောင်နေခြင်းမှ ရပ်ဆိုင်းလိုက်ခြင်းဖြစ် ကြောင်း သိရသည်။

“အဓိကကတော့ Fair Trial မဖြစ်တာ၊ တရားမမျှတတာ၊ တရားလို ကိုယ်တိုင်က ရုံးချိန်း၂ ချိန်းယူတယ်၊ တရားလိုက သူ ထွက်ချက်တွေ ပေးရတာ၊ ၁၃ မျက်နှာလောက်ရှိတယ်ဗျာ၊ ကွန်ပျူတာနဲ့ စီထားတာ၊ နောက် သူတို့ စပြီး ထွက်တာ၊ ကျုပ်တို့ ကျတော့ မိတ္တူကူးဖို့ ကျတော့ အချိန်မရွေး ထုတ်မပေးဘူး၊ အဲဒီတော့ ဘာမှကြို မသိရဘူး၊ နောက် အမှုသည်နဲ့ ကြိုပြီး ညှိနှိုင်းမှုတွေ ဘာမှရတာမဟုတ်ဘူး၊ အမှုတွဲ ကူးလို့မရရင် အမှုသည်နဲ့ ကြိုတင် ညှိနှိုင်းလို့ မရနိုင်ဘူး၊ ဒီလို အခြေအနေ မျိုးမှာ အဲဒီ ပြဿနာတွေပေါ်ပေါက်ရင် ကျနော်တို့က ဘယ်လိုလုပ်မလဲ၊ ကျနော်က ထွက်ရတော့မှာပေါ့၊ အဲဒီ သဘောပဲ”ဟု ဦးအောင်သိန်းက ဧရာဝတီသို့ ပြောဆိုသည်။

ယင်းအမှုအတွက် ပြီးခဲ့သည့်အပတ် ဗုဒ္ဓဟူးနေ့က အင်းစိန်ထောင် အလုံမြို့နယ် သီးသန့် တရားရုံး၌ တရားလိုများ ကို စတင် စစ်ဆေးခြင်းဖြစ်ပြီး ယမန်နေ့ကပါ ဆိုလျင် ရုံးချိန်း၂ ချိန်းရှိပြီဖြစ်သည်ဟုလည်း ၎င်းက ဆိုသည်။

ယမန်နေ့က အရှင်ဂမ္ဘီရအပါအ၀င် ကိုအောင်ကျော်၊ ဦးအိန္ဒက၊ ဦးအိန္ဒြိယ၊ ဦးသုမန၊ ကိုအောင်ကျော်ကျော်၊ ကိုကျော်ကျော်နိုင်၊ ဦးသန်းနိုင်၊ ဦးရွှေမောင်း၊ ကိုဝဏ္ဏအောင်၊ ဦးဇော်ဝင်း စသည့် ၁၁ ဦးကို ၁၂၄(က)၊ ၅၀၅(ခ) ပုဒ်မအရ အစိုးရကိုအကြည်ညိုပျက်စေမှု သို့မဟုတ် လုံခြုံရေးကို ထိခိုက်ပျက်ပြားစေမှု ၊၂၉၅ (က) ပုဒ်မအရ သာသနာတော် ညှိုးနွမ်းစေမှု တို့အတွက်ရုံးထုတ်ခြင်း ဖြစ်ကြောင်း သိရသည်။

ဦးအောင်သိန်းက ဆက်လက်ပြီး“သူတို့က ဦးတိုက်လျှောက် တရားစွဲဆိုတာ၊ အဲဒါ အမှုတွဲကို ရုံးရှေ့မှာဖတ်တယ်၊ ပြီးသွားတဲ့ အခါကျတော့ ကျနော်ကတရားရုံးကိုတောင်းတယ်၊ နောက်တချိန်း ပေးပါ၊ ဒီမှာပါတဲ့ အကြောင်း အရာတွေမေးရမြန်းရဦး မယ်၊ မေးပြီးတော့မှ ကျနော်တို့ကလုပ်ရမှာ၊ ဘုန်းကြီးကလည်း ၅ ပါးလောက်ပါနေတယ်၊ ကျနော်က အဲဒါတွေ ရှင်းပြပြီး ရုံးချိန်း ထပ်တောင်းတာကို ခွင့်မပြုဘူး၊ အခုစစ်ခိုင်းတယ်၊ ဒါကြောင့် ကျနော့်ပါဝါ ပြန်ရုပ်သိမ်း လိုက်တာ၊ ဘယ်သူ့ကိုမှ မလွှဲဘူး၊ ကျနော်ဆက်ပြီးတော့ လိုက်စရာအကြောင်း မပေါ်ပေါက်တော့ ဘူး၊ ရှေ့နေနဲ့ အမှုသည်ရဲ့ကျင့်စဉ်အရ အမှုသည် ကရပ်ပါဆို လိုက်နေရင်းက ထွက်ပေးလိုက်ရတယ်၊ ရှေ့နေက လည်း သူမလိုက် တော့ဘူးဆို အမှုသည်ကို သဘောပေါက် အောင်ရှင်းပြပြီးတော့ သဘောတူတယ် ဆိုရင် ပါဝါ ရုပ်သိမ်းတယ် ဒါပဲ”ဟု ပြောဆိုသည်။

ထိုသို့ တရားခွင်၌ တရားမျှတမှု မရှိသည့်အတွက် ရှေ့နေကြီးဦးအောင်သိန်းက ၎င်း၏ ရှေ့နေပါဝါ ပြန်လည် ရုပ်သိမ်းလိုက် ရာ လတ်တလောတွင် ယင်းအမှုအား မည်သည့် ရှေ့နေက ဆက်လက်အကျိုးဆောင်ပေးမည်ကို မသိရှိရသေးပေ။

အရှင်ဂမ္ဘီရကို တရားမဝင်အဖွဲ့အစည်းနှင့် ဆက်သွယ်မှု ၊ အီလက်ထရွန်းနစ် ဥပဒေ၊ လူထုကို အထိတ် တလန့်ဖြစ်စေမှု၊ ဘာသာသာသနာ ညှိုးနွမ်းစေသည့် ပုဒ်မ၂၉၅(က)၊ အရေးပေါ် စီမံချက်အက်ဥပဒေ ၅(ည)၊ အသင်းအဖွဲ့ ပုဒ်မ (၆)၊ လဝက ဥပဒေ ၁၃/၁၊ နိုင်ငံတော် ငြိမ်ဝပ်ပိပြားမှုကို ထိခိုက်ပျက်ပြားစေမှု၊ လူ ၅ ဦး ထက်ပိုစုစည်းမှု၊ တရားမ၀င် ပုံနှိပ်ထုတ်ဝေမှု ၁၇/၂၀ စသည့် ပုဒ်မ များဖြင့် စွဲဆိုထားကြောင်းလည်း သိရသည်။

လွန်ခဲ့သည့်သြဂုတ်လ ၂၀ ရက်နေ့ကလည်း အရှင်ဂမ္ဘီရအား အီလက်ထရွန်းနစ် ဆက်သွယ်ရေးဆိုင်ရာ အမှုနှင့် ပတ်သက်ပြီး အင်းစိန်ထောင် အနောက်ပိုင်းခရိုင်တရားရုံးတွင် ရုံးထုတ်ခဲ့သေးသည်။

အရှင်ဂမ္ဘီရအား သြဂုတ်လ ၁၈ ရက်နေ့ က ပထမဆုံးအကြိမ် ရုံးထုတ်ရာတွင် မဂ္ဂင်ဆရာတော် ဦးအိန္ဒက၊ ဦးကေသလ (မန္တလေး)၊ ဦးသုမန (စာရေးဆရာ မင်းဆက်) အရှင်ဂမ္ဘီရ၏ အစ်ကိုဖြစ်သူ ကိုအောင်ကျော်ကျော်နှင့် အမျိုးသားဒီမိုကရေစီ အဖွဲ့ချုပ်ဝင်များဖြစ်သော ကိုရွှေမောင်း(မန္တလေး)၊ ကိုဝဏ္ဏအောင် (မန္တလေး)၊ ကိုသန်းနိုင် (တောင်တွင်းကြီး)၊ ကိုကျော်ကျော်နိုင် စသည် တို့ကိုလည်း ရုံးအတူ ထုတ်ခဲ့သည်။


အရှင်ဂမ္ဘီရကို လွန်ခဲ့သည့်နှစ် စက်တင်ဘာ ရွှေဝါရောင်တော်လှန်ရေးနှင့်ပတ်သက်ပြီး ၂၀၀၇ ခု နိုဝင်ဘာလ ၄ ရက်နေ့ ၌ မန္တလေးတိုင်း စဥ့်ကိုင်မြို့တွင် စစ်အာဏာပိုင်များက ဖမ်းဆီးခဲ့ခြင်းဖြစ်သည်။

Read More...

Summary only...

U Gambira is sick in priosn

ရုံးထုတ်စဉ် အရှင် ဂမ္ဘီရ နေမကောင်းဖြစ်
ဇာနည်/ mizzima dot com
အင်္ဂါနေ့၊ စက်တင်ဘာလ 23 2008 14:58 - မြန်မာစံတော်ချိန်

တရားရုံးထုတ် စစ်ဆေးခြင်း ခံနေရသော အရှင်ဂမ္ဘီရသည် မလန်းမဆန်း ဖြစ်နေသည်ဟု သူ၏ အကျိုးဆောင် ရှေ့နေတဦးဖြစ်သူ ဦးခင်မောင်ရှိန် အပြောအရ သိရသည်။

စက်တင်ဘာ သံဃာ လှုပ်ရှားမှုတွင် ဦးဆောင် ပါဝင်ခဲ့သော အရှင်ဂမ္ဘီရကို တင်္နလာနေ့ နံနက်က ရုံးထုတ် စစ်ဆေးချိန်တွင် အရှင်ဂမ္ဘီရမှာ နေထိုင်မကောင်း ဖြစ်နေခြင်း ဖြစ်သည်။

"အစာ အဆိပ်သင့်သလို ဖြစ်နေတယ်။ မနက်က အန်ထားတာ ၃ ခါ ရှိသွားပြီ တကာ၊ အနံ့အသက်တွေ ဆိုးနေတော့ အားတော့ နာပါတယ် တကာ" ဟု သူ့အား မိန့်ကြောင်း ရှေ့နေက မဇ္ဈိမကို ပြောသည်။

အမှုကြားနာနေစဉ် အချိန်တွင် အရှင်ဂမ္ဘီရမှာ မောပန်းနွမ်းနယ်နေပြီး မှိန်းနေသည်။

"သူ့ ညီမတွေက ပါလာတဲ့ ပရုတ်ဆီတွေ ပေးရှုတာ၊ ခြေတွေ လက်တွေ လိမ်းပေး ဆုပ်နယ်ပေးနေတာပဲ တွေ့ခဲ့ရတယ်" ဟု ရှေ့နေက ပြောသည်။

"ဘယ်တုန်းက ဘာစားမိလို့ ဘယ်လို ဖြစ်ရတယ် ဆိုတာကို လုံးဝ မသိခဲ့ရပါဘူး။ အစားမှားပြီး ဖြစ်တာ ထင်တယ်လို့ပဲ သူက မိန့်တယ်"

အတင်းအကြပ် ရဟန်းဝတ် ချွတ်ချခြင်း ခံထားရပြီး လက်ထိပ်ခတ် ခံထားရသော အရှင်ဂမ္ဘီရကို စွဲတင်ထားသည့် ပုဒ်မများမှာ လဝက ဥပဒေ တရားမဝင် နယ်စပ်ဖြတ်ကျော်မှု ၁၃၊၁၊ မတရားအသင်းနှင့် ဆက်သွယ်မှု ၁၇ (၁)၊ အသင်းအဖွဲ့ ပုဒ်မ ၆၊ နိုင်ငံတော်ကို ဆူပူမှုကို လှုံ့ဆော်မှု ၅ဝ၅(ခ)၊ ဘာသာတရားကို ညိုးနွမ်းစေမှု ၂၉၅ (က)၊ ဥပဒေနှင့် မညီညွတ်သဖြင့် လူစုခွဲရာ၌ မလိုက်နာမှု ၁၄၅၊ ၁၄၇၊ ပုံနှိပ်အက်ဥပဒေ ၁၇/၂ဝ နှင့် အီလက်ထရောနစ် ဥပဒေ ၃၃ (က)/၃၈ တို့ ဖြစ်သည်။

ရွှေဝါရောင် တော်လှန်ရေးတွင် ပါဝင်ဦးဆောင်ခဲ့သူ အရှင်ဂမ္ဘီရသည် မြန်မာနိုင်ငံလုံးဆိုင်ရာ ရဟန်းပျိုများသမဂ္ဂ (အိန္ဒိယ) မှ ချီးမြှင့်သော ဆရာတော် ဦးရေဝတ အမှတ်တရ ငြိမ်းချမ်းရေးဆုနှင့် လန်ဒန်အခြေစိုက် Index on Censorship အဖွဲ့ကြီးက ချီးမြှင့်သော "လွတ်လပ်စွာ ထုတ်ဖော် ပြောဆိုခွင့်ဆု ၂ဝဝ၈" တို့ကို ရရှိထားသူ ဖြစ်သည်။

ထိုနေ့တနေ့ထဲတွင် ၈၈ မျိုးဆက်ကျောင်းသား ခေါင်းဆောင် ကိုမင်းကိုနိုင်အပါအ၀င် ၂၁ ဦးကိုလည်း ရုံးထုတ်ခဲ့သေးသည်။ ကိုမင်းကိုနိုင် အပါအ၀င် ၂၁ ဦးတို့မှာ ကျန်းမာရေး အခြေအနေ ကောင်းမွန်နေပြီး အမှုကြားနာရာသို့ မိသားစုဝင်များလည်း ၀င်ရောက် နားထောင်ခွင့်များ ရခဲ့သည်ဟု ရှေ့နေက ပြောသည်။

Read More...

Summary only...

RFA news

ဦးဂမ္ဘီရကို အင်းစိန်ထောင် သီးသန့်တရားရုံးမှာ စစ်ဆေး
RFA 2008-09-18
ပတ္တနိကုဇ္ဇနကံဆောင်ခဲ့တဲ့ ရွှေဝါရောင်တော်လှန်ရေး တနှစ်ပြည့်တဲ့အချိန်မှာ ပြီးခဲတဲ့နှစ်က သံဃာ့တပ်ပေါင်းစု ဦးဆောင်ဆရာတော် ဦးဂမ္ဘီရကို စက်တင်ဘာ ၁၈ရက် ဒီကနေ့ ရုံးထုတ်စစ်ဆေးပါတယ်။

စွဲချက်ပေါင်း ၁၆ ချက်နဲ့ အမှုဖွင့် စွဲဆိုထားပြီး၊ အဲဒီအထဲက ၃ မှုကို ဒီကနေ့ စစ်ဆေးတာပါ။ ပထမ တမှုဖြစ်တဲ့ ပုဒ်မ ၂၉၅ က သာသနာကို ညှိုးနွမ်းအောင် လုပ်မှုနဲ့စစ်ဆေးတာလို့ သိရပါတယ်။
အဲဒီလို ဦးဂမ္ဘီရကို စွပ်စွဲထားတာနဲ့ ပတ်သက်ပြီး၊ သံဃာ့တပ်ပေါင်းစု ဦးဆောင်ဆရာတော် ဦးသြဘာသက အခုလို အမိန့်ရှိပါတယ်။
ဦးသြဘာသ။ ။ 'ဦးဇင်း တိုတိုနဲ့ လိုရင်းကို ပြောရမယ်ဆိုရင်တော့ လုံးဝ မယူဆပါဘူး။ ဘာဖြစ်လို့လဲဆိုတော့ ဒီ သာသနာ ညှိုးနွမ်းမှုဆိုတဲ့ ပုဒ်မက ဒီနအဖ စစ်အစိုးရ လက်ထက်မှသာလျှင် သူတို့ကနေပြီးတော့ အကျယ်တဝင့် ဒီပုဒ်မကြီးကို လုပ်ဆောင်နေတာ ဖြစ်ပါတယ်။ အဲဒီတော့ ဦးဂမ္ဘီရတို့၊ ဦးဇင်းတို့ ဆိုတာက သာသနာတော်ကို ပျက်စီးရာ ပျက်စီးကြောင်း ကြံနေတာ မဟုတ်ပါဘူး။'
'ဦးဇင်းတို့ ဒီသာသနာတော်မှာ ထမ်းဆောင်နေတဲ့ ကာလပတ်လုံး ဒီမြန်မာပြည်သူတွေ ခံစားနေရတဲ့ ဒုက္ခကိစ္စ အဝဝကို ဦးဇင်းတို့က မေတ္တာကို ရှေ့ထားပြီးတော့ ပြည်သူလူထုတွေ ကိုယ်စား ဦးဇင်းတို့ကနေပြီးတော့ ဒီနအဖ စစ်အစိုးရကို တောင်းဆိုပေးတာ ဖြစ်ပါတယ်။'
ဦးဂမ္ဘီရကို ဒီကနေ့ စစ်ဆေးတဲ့ အခြားအမှု ၂ ခုကတော့၊ ပုဒ်မ ၅ဝ၅ - ခ ဆူပူအောင် လှုံ့ဆော်မှုနဲ့ လျှပ်စစ်ပစ္စည်း တရားမဝင်ပိုင်ဆိုင်မှုစတဲ့ အမှုတွေအတွက် စစ်ဆေးခဲ့ကြောင်း သိရှိရပါတယ်။
ဦးဂမ္ဘီရရဲ့ အမှုကို ကြည့်မြင်တိုင်တရားရုံးက ကိုင်တွယ်စစ်ဆေးတာ ဖြစ်ပေမဲ့၊ အများပြည်သူ ရှေ့မှောက်မှာ စစ်ဆေးတာမဟုဘ်ပဲ၊ အင်းစိန်ထောင် အတွင်းက သီးသန့် တရားရုံးမှာ စစ်ဆေးခဲ့ပါတယ်။

Read More...

Summary only...

ဦးဆောင်သံဃာ အရှင်ဂမ္ဘီရအမှု စတင်စစ်ဆေး

RFA 2008-08-27

ရန်ကုန်အင်းစိန်ထောင် သီးသန့်တရားရုံးမှာ ၂ဝဝ၇ ရွှေဝါရောင်တော်လှန်ရေး ဦးဆောင် သံဃာ အရှင်ဂမ္ဘီရ အပါအဝင် ရဟန်း၅ပါးနဲ့ လူ ၆ယောက် စုစုပေါင်း ဆယ့်တစ်ဦးကို သြဂုတ်လ ၂၇ရက် ဒီနေ့ ရုံးထုတ်ပြီး အမှုကြားနာပါတယ်။


အရှင်ဂမ္ဘီရကို အမှု ဆယ့်တစ်မှုနဲ့ စွဲဆိုထားပြီး ရှေ့နေကြီး ဦးအောင်သိန်း၊ ဦးခင်မောင်ရှိန်၊ လူငယ်ရှေ့နေအဖွဲ့က ဦးဖိုးဖြူစတဲ့ ရှေ့နေတွေက စွဲဆိုခံရတဲ့ ပုဒ်မအလိုက် အမှုခွဲပြီး ခုခံချေပ လျှောက်လဲကြမှာ ဖြစ်ပါတယ်။

ဒီနေ့မှာ ဒေါပုံမြို့နယ်တရားသူကြီးက တရားခွင်မှာ အမှုလာရောက်ကြားနာပြီး တရားလိုကို စတင် စစ်ဆေးဖို့ ရုံးချိန်းပေးတယ်လို့ သိရပါတယ်။

တရားခွင်မှာ အရှင်ဂမ္ဘီရက သင်္ကန်းရုံခွင့် ရရှိရေးနဲ့ ပတ်သက်ပြီး မိန့်ကြားတယ်လို့ ရှေ့နေဦးဖိုးဖြူက ပြောပါတယ်။

ရှေ့နေဦးဖိုးဖြူ။ ။ 'စတင်အဖမ်းခံရတဲ့နေ့က စပြီး ဒီနေ့ထိ သံဃာတွေဟာ သင်္ကန်းတွေ ဝတ်ခွင့်မရှိဘူး ဖြစ်နေတယ်။ ဒါကြောင့်မို့ ဥပဒေကြောင်းအရ ဆောင်ရွက်လို့ ရစရာရှိရင် ဆောင်ရွက်ပါလို့ ညွှန်ကြားတယ်။ ဒါကြောင့်မို့ အကျဉ်းထောင်လက်စွဲမှာရှိတဲ့ ပြဌာန်းချက်နဲ့ အညီ ကျွန်တော်တို့လျှောက်ထားပါတယ်။ အဲဒီလို လျှောက်ထားချက်နဲ့ ပတ်သက်ပြီး ၉လပိုင်း ၃ရက်နေ့မှာ ဒါကို ကျယ်ပြန့် လျှောက်လဲချက် ကြားနာမယ်ဆိုပြီးတော့ ဆက်လက်ပြီးတော့ ရုံးချိန်းပေးပါတယ်။'

သံဃာတွေဟာ အကျဉ်းထောင်ထဲမှာ သင်္ကန်းဝတ်ခွင့် ရှိတယ်လို့လည်း အကျဉ်းထောင်လက်စွဲက ဖော်ပြချက်တွေကို ကိုးကားပြီး ဦးဖိုးဖြူက ပြောပါတယ်။

ရှေ့နေဦးဖိုးဖြူ။ ။ 'ပြစ်ဒဏ်ကျပြီးတဲ့ ရဟန်းသံဃာ ဘုန်းကြီးတွေဟာ ပြစ်မှုထင်ရှားလို့ ပြစ်ဒဏ်ချထားမယ် ဆိုရင်တောင်မှပဲ သူတို့ကို ဧကသီ နှစ်ထည်၊ သင်းပိုင်သုံးထည် ပေးရမယ်၊ တခြားတခြားသော သံဃာ့ အသုံးအဆောင် ပစ္စည်းတွေ၊ ရဟန်း အသုံးအဆောင်ပစ္စည်းတွေ၊ ဘုရားသားတော်တွေ သုံးဆောင်တဲ့ပစ္စည်းတွေ ပေးရမယ်ဆိုတာမျိုးနဲ့ ပတ်သက်ပြီး ဥပဒေမှာ ညွှန်ပြချက်ရှိပါတယ်။ ဘုန်းကြီးအကျဉ်းသားတွေနဲ့ ပတ်သက်ပြီးတော့ သင်္ကန်းဝတ်ရုံခွင့် ရှိဖို့ဆိုပြီးတော့ အကျဉ်းထောင်လက်စွဲ စာပိုဒ် ၁ဝ၆၄၊ ၆၆၅၊ ၆၆၆ တို့မှာ ဒီအချက်တွေနဲ့ ပတ်သက်ပြီးတော့ အထင်အရှားပြဆိုထားပါတယ်။ ညွှန်ကြားထားပါတယ်။'

အရှင်ဂမ္ဘီရကို စွဲဆိုထားတဲ့ အမှုတွေထဲက ပုဒ်မ ၂၉၅ (က) သာသနာ ညှိုးနွမ်းစေမှုအတွက် လိုက်ပါဆောင်ရွက်တဲ့ ရှေ့နေ ဦးဖိုးဖြူက ပြောသွားတာပါ။

အရှင်ဂမ္ဘီရကို နေ့လည် ၁၂ နာရီလောက်မှာရုံးထုတ်တာဖြစ်ပြီး လုံခြုံရေးတွေလည်း တင်းတင်းကျပ်ကျပ်ချထားတယ်လို့ သိရပါတယ်။ တရားရုံးတွင်း ရုံးပြင် လုံခြုံရေးအင်အား ၄ဝ လောက် ချထားပြီး အနီရောင်လက်ပတ်တွေ ပတ်ထားသူတွေ လည်း ပါဝင်တယ်လို့ဆိုပါတယ်။

မိသားစုဝင်တွေကို တရားရုံးထဲ ဝင်ရောက်နားထောင်ခွင့် မပေးဘူးလို့ သိရပြီး၊ ရုံးချိန်အပြီးမှာမှ မိခင်ဖြစ်သူနဲ့ ခဏစကားပြောဆိုခွင့် ရတယ်လို့ သိရပါတယ်။ အရှင်ဂမ္ဘီရနဲ့အတူ အစ်ကိုဖြစ်သူ ပေါက်မြို့နယ် အမျိုးသား ဒီမိုကရေစီ အဖွဲ့ချုပ် အတွင်းရေးမှူး ကိုအောင်ကျော်ကျော်ကိုလည်း ရုံးထုတ်ပါတယ်။ အရှင်ဂမ္ဘီရဟာ ကျန်းမာရေး ကောင်းမွန်ပြီး စိတ်ဓာတ်ကြံ့ခိုင်နေတယ်လို့ သိရပါတယ်။

တရားရုံးမှာ ရှေ့နေ ဦးဖိုးဖြူက သံဃာတော်တွေနဲ့ ပတ်သက်ပြီး ဥပဒေအရ သင်္ကန်းဝတ်ဆင်ခွင့်နဲ့ ပတ်သက်လို့ လျှောက်လဲခဲ့ပြီးနောက် သံဃာတော် ငါးပါးစလုံးက သာဓု အနုမောဓနာ သုံးကြိမ်တိုင်တိုင် ခေါ်ခဲ့တယ်လို့လည်း သိရပါတယ်။

Read More...

Summary only...

အရှင်ဂမ္ဘီရကို ဒုတိယအကြိမ် ရုံးထုတ်

irrawaddy / အေးလဲ့ သြဂုတ် ၂၁၊ ၂၀၀၈

မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့၏ ဦးဆောင်ဆရာတော် တပါးဖြစ်သည့် အရှင်ဂမ္ဘီရကို အင်းစိန်ထောင် အတွင်းရှိ အနောက်ပိုင်း ခရိုင်တရားရုံးတွင် ယမန်နေ့က ဒုတိယအကြိမ် ရုံးထုတ်ခဲ့ကြောင်း ၎င်း၏ ရှေ့နေက ပြောသည်။

အာဏာပိုင်များက စွဲဆိုထားသော အီလက်ထရွန်းနစ် ဆက်သွယ်ရေးဆိုင်ရာ အမှုနှင့်ပတ်သက်ပြီး ရုံးထုတ်ခြင်းဖြစ်သည်ဟု အရှင်ဂမ္ဘီရနှင့် ၄၅ မိနစ်ခန့် တွေ့ဆုံခွင့်ရခဲ့သည့် ရှေ့နေကြီး ဦးအောင်သိန်း က ပြောဆိုသည်။

“ဒီခရိုင်တရားရုံးအနေနဲ့ အီလက်ထရွန်းနစ် ဆက်သွယ်ရေးဆိုင်ရာ ပုဒ်မ ၃၃ (က) / ၃၈ နဲ့ပတ်သက် ပြီး တင်တယ်၊ ကျန် အမှုကတော့ မြို့နယ်တရားရုံးအလိုက် တင်ဖို့များတယ်”ဟု ဦးအောင်သိန်းက ပြောသည်။
အရှင်ဂမ္ဘီရအား တရားမဝင်အဖွဲ့အစည်းနှင့်ဆက်သွယ်မှု၊ အီလက်ထရွန်းနစ် ဥပဒေ၊ လူထုကို အထိတ် တလန့်ဖြစ်စေမှု၊ ဘာသာသာသနာ ညှိုးနွမ်းစေသည့် ပုဒ်မ ၂၉၅ (က)၊ အရေးပေါ် စီမံချက်အက်ဥပဒေ ၅ (ည)၊ အသင်းအဖွဲ့ ပုဒ်မ (၆)၊ လဝက ဥပဒေ ၁၃/၁၊ နိုင်ငံတော် ငြိမ်ဝပ်ပိပြားမှုကို ထိခိုက်ပျက်ပြားစေမှု၊ လူ ၅ ဦး ထက်ပိုစုစည်းမှု၊ တရားမ၀င် ပုံနှိပ် ထုတ်ဝေမှု ၁၇/၂၀ စသည့် ပုဒ်မများဖြင့် စွဲဆိုထားကြောင်းလည်း ၎င်းက ပြောသည်။

အရှင်ဂမ္ဘီရ၏ အစ်မဖြစ်သူ မခင်သူဌေးကလည်း “ဦးပဉ္ဖင်းက သူ့ကို အီလက်ထရွန်းနစ် အမှုနဲ့ ပတ်သက်ပြီး ဘာကြောင့်စွဲတာ လည်းဆိုတာကို တရားသူကြီးကိုမေးတော့ တရားသူကြီးက ဒီအမှုနဲ့ပတ်သက်ပြီး စက်တင်ဘာ ၃ ရက်နေ့မှပြောခွင့်ရှိပါတယ် ဆိုပြီး ပြန်ချိန်းတယ်၊ သူတို့ဘက်က ဒီအမှုနဲ့ပတ်သက်ပြီး သက်သေ ၁၁ ယောက်လည်း တင်ထားတယ်” ဟု ပြောသည်။

အရှင်ဂမ္ဘီရအား ၂ ကြိမ်ရုံးထုတ်ခြင်းနှင့် ပတ်သက်ပြီး မိသားစုထံ အကြောင်းကြားမှု မရှိကြောင်း၊ မိမိဘာသာ သိရှိ၍ တရား ရုံးသို့ လာရောက်ခြင်း ဖြစ်ကြောင်းလည်း ၎င်းက ဆိုသည်။

“ဦးပဉ္ဖင်းကို လူဝတ်နဲ့လက်ထိပ်ခတ်ထားတာ တွေ့ရတယ်၊ ကျန်းမာရေးက ဒေါင်ဒေါင်မြည်ပဲ၊ စိတ်ဓာတ်ကလည်း လန်းလန်း ဆန်းဆန်းပဲ”ဟု မခင်သူဌေးက ဆက်ပြောသည်။

ယင်းသို့ သံဃာများကို လူဝတ်လဲ၍ ရာဇ၀တ်ရုံးတင်မှုနှင့် ပတ်သက်ပြီး ဘာသာတရားနှင့် ကိုက်ညီခြင်း မရှိကြောင်းကို တရားရုံးသို့ တင်ပြရန် အရှင်ဂမ္ဘီရက ဦးအောင်သိန်းသို့ မိန့်ကြားကြောင်း သိရသည်။
“သူ့ကို သင်္ကန်း ချွတ်တာဟာ ဥပဇ္ဈာယ် ဆရာတော် (ဒါမှမဟုတ်) သံဃနယက ဆရာတော်တွေရှေ့မှာ ချွတ်တာမဟုတ်ဘူး၊ သူ တရားရုံးကို မရောက်ခင် ဘုန်းကြီးတရားရုံးအနေနဲ့ (ဒါမှမဟုတ်) ဘုန်းကြီး ဝိနည်းအနေနဲ့ အပြစ်ရှိတယ် မရှိဘူးဆိုတာ သုံးသပ်ပြီးမှ သင်္ကန်းချွတ်ရမယ်၊ အခုတော့ ဒီအတိုင်းဆွဲချွတ်ပြီး ရာဇဝတ်မှုရုံးမှာ သူ့ကို တရားစွဲတယ်ဆိုတာ ဘာသာတရား နဲ့ ကိုက်ညီချင်းမရှိဘူး၊ ဒါနဲ့ပတ်သက်ပြီး တင်ပြခိုင်းပါတယ်” ဟု ၎င်းက ပြောပြသည်။

ယခုလ ၃ ရက်နေ့မှ ၇ ရက် အထိ မြန်မာနိုင်ငံသို့ ရောက်ရှိလာသော ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ အိုဟေး ကင်တာနာ အင်းစိန် အကျဉ်းထောင်သို့ လာရောက်စဉ် ၎င်းနှင့် မိနစ်၂၀ ခန့် တွေ့ခွင့်ရချိန်၌ ၂၀၀၇ ခု စက်တင်ဘာ လအတွင်း ဖမ်းဆီးထားသော သံဃာတော်များကို လူဝတ်လဲခြင်းနှင့် ရုံးမထုတ်သည့် ကိစ္စများကို အရှင်ဂမ္ဘီရက ပြောဆို ခဲ့ကြောင်းလည်း သိရသည်။

အရှင်ဂမ္ဘီရအား မစ္စတာ ကင်တာနာ ပြန်သွားပြီးနောက်ပိုင်းမှစ၍ ရုံးထုတ်ရာတွင် ၂ ကြိမ်ရှိပြီ ဖြစ်သည်။

ပြီးခဲ့သည့် ၁၈ ရက်နေ့က အရှင်ဂမ္ဘီရကို ပထမဆုံးအကြိမ်ရုံးထုတ်ရာတွင် မဂ္ဂင်ဆရာတော်ဦးအိန္ဒက၊ ဦးကေသလ(မန္တလေး)၊ ဦးသုမန (စာရေးဆရာ မင်းဆက်) အရှင်ဂမ္ဘီရ၏ အစ်ကိုဖြစ်သူ ကိုအောင်ကျော်ကျော်နှင့် အမျိုးသားဒီမိုကရေစီအဖွဲ့ချုပ် ၀င်များဖြစ်သော ကိုရွှေမောင်း(မန္တလေး)၊ ကိုဝဏ္ဏအောင် (မန္တလေး)၊ ကိုသန်းနိုင် (တောင်တွင်းကြီး)၊ ကိုကျော်ကျော်နိုင် စသည် တို့ကိုလည်း ရုံးအတူ ထုတ်ခဲ့သည်။အရှင်ဂမ္ဘီရကို လွန်ခဲ့သည့်နှစ် စက်တင်ဘာ ရွှေဝါရောင် တော်လှန်ရေးနှင့် ပတ်သက်ပြီး ၂၀၀၇ ခု နိုဝင်ဘာလ ၄ ရက်နေ့ ၌ မန္တလေးတိုင်း စဥ့်ကိုင်မြို့တွင် စစ်အာဏာပိုင်များက ဖမ်းဆီးခဲ့ခြင်းဖြစ်သည်။

Read More...

Summary only...

အရှင်ဂမ္ဘီရနှင့် အခြား ၁ဝ ဦးကို ရုံးတင် တရားစွဲ

နန်းခမ်းကယောက်၊ ဒီဗွီဘီ
၁၉-ဝ၈-ဝ၈

စက်တင်ဘာ သံဃာ့ဆန္ဒပြမှုနဲ့ပတ်သက်ပြီး အင်းစိန်ထောင်မှာ ဖမ်းဆီးထားတဲ့ မြန်မာနိုင်ငံလုံးဆိုင်ရာ သံဃာ့တပ်ပေါင်းစုခေါင်းဆောင် အရှင်ဂမ္ဘီရ အပါအဝင် ၁၁ ဦးကို အင်းစိန်ထောင် အထူးတရားရုံးမှာ ဒီနေ့ ရုံးထုတ်တရားစွဲကြောင်း မိသားစုဝင်တဦးက ပြောပါတယ်။

ပထမဆုံးအကြိမ် ရုံးထုတ်တရားစွဲဆိုတာဖြစ်ပြီး အရှင်ဂမ္ဘီရကို

တရားမဝင် နယ်စပ်ဖြတ်ကျော်မှု ပုဒ်မ ၁၃/၁၊

မတရားသင်း ကြေညာထားတဲ့ အဖွဲ့အစည်းတွေနဲ့ ဆက်သွယ်မှု ပုဒ်မ ၁၇/၁၊

အရေးပေါ် စီမံချက်အက်ဥပဒေ ပုဒ်မ ၅(ည)၊

လျှပ်စစ်ဥပဒေ၊

ဆူပူအောင်လှုံ့ဆော်မှု၊

ဗုဒ္ဓဘာသာ ညှိုးနွမ်းစေမှု၊

လူထုကိုအထိတ်တလန့်ဖြစ်စေမှု၊

စာနယ်ဇင်းဆိုင်ရာအမှု

စတဲ့အမှု ၁ဝ မှုနဲ့ တရားစွဲထားတယ်လို့ သိရ ကြောင်း အရှင်ဂမ္ဘီရရဲ့ အစ်မတော် မခင်သူဌေးက ပြောပါတယ်။

ရုံးထုတ်မယ့်အကြောင်း မိသားစုကို အာဏာပိုင်တွေက အသိမပေးကြောင်း၊ ရုံးထုတ်မယ့်ကိစ္စ ကြားလာတဲ့မိတ်ဆွေက ပြန်ပြောမှ သိရကြောင်း မခင်သူဌေးက ပြောပါတယ်။

“အဲဒါနဲ့ အတင်းလိုက်တာ။ အဲဒီကျမှ သိရတာ။ ကြိုပြီးပြောတာလည်း မဟုတ်ဘူး။”

အထူးရဲတွေကတားဆီးလို့ တရားရုံးကို မိသားစုဝင်တွေ ဝင်ရောက်ခွင့်မရဘဲ ရုံးထုတ်ပြီးမှ ဧည့် ချိန်ကျမှ အရှင်ဂမ္ဘီရကို တွေ့ခွင့်ရတာလို့ မခင်သူဌေးက ပြောပါတယ်။

အရှင်ဂမ္ဘီရနဲ့အတူ ရုံးထုတ်တရားစွဲခံရသူ ၁ဝ ဦးကတော့

အရှင်ဂမ္ဘီရရဲ့ အစ်ကိုတော် ကိုအောင်ကျော်ကျော်၊

မဂ္ဂင်ဆရာတော်၊

ဦးဣန္ဒြိယ ခေါ် ဦးဇင်းဂျောင်းဂျောင်း၊

ကိုသန်းနိုင်(တောင်တွင်းကြီး)၊

ကိုကျော်ကျော်နိုင်(မြစ်ခြေ)၊

မန္တလေးမြို့က ဦးကေလာသ၊

စာရေးဆရာမင်းဆက်(ဦးသုမန)၊

ဦးရွှေမောင်၊

ကိုဝဏ္ဏအောင် (မန္တလေး)နဲ့

တခြားတဦးတို့ဖြစ်ပါတယ်။

အရှင်ဂမ္ဘီရကို လာမယ့် ၂ဝ၊ ၂၇၊ ၂၈ ရက်နဲ့ စက်တင်ဘာ ၁ ရက်တို့မှာ ရုံးထပ်ချိန်းတယ်လို့ မခင်သူဌေးက ပြောပါတယ်။ ကျန်ပုဂ္ဂိုလ်များကို အများဆုံး ၅ မှုစီ တရားစွဲထားပြီး လာမယ့် ၂၇ ရက်မှာ ရုံးချိန်းထားပါ တယ်။

ရုံးထုတ်ရာမှာ အရှင်ဂမ္ဘီရကို လူဝတ်နဲ့ လက်ထိပ်ခတ်ခံနေရတာ တွေ့ရတဲ့အတွက် စိတ်မ ကောင်းဘူးလို့ အစ်မတော် မခင်သူဌေးက ပြောပါတယ်။

“ဦးဇင်းကတော့ ပြုံးပြုံးရွှင်ရွှင်ပဲ၊ မျှော်လင့်ပြီးသားပါတဲ့။”

အရှင်ဂမ္ဘီရရဲ့အမှု ဆက်လက်ဆောင်ရွက်ရေး ရှေ့နေတွေနဲ့တွေ့ဖို့ စီစဉ်နေတယ်လို့လည်း ပြောပါတယ်။ ၂ဝဝ၇ စက်တင်ဘာ ရွှေဝါရောင်တော်လှန်ရေးကာလမှာ ထင်ရှားတဲ့ သံဃာ့ခေါင်းဆောင်တပါးဖြစ်တဲ့ အရှင်ဂမ္ဘီရကို အာဏာပိုင်များက နိုဝင်ဘာ ၄ ရက် မန္တလေးတိုင်း စဥ့်ကိုင်မြို့နယ်မှာ ဖမ်းဆီး ပါတယ်။

Read More...

Summary only...

ဆရာတော် ဦိးဂမ္ဘီရကို ပြီးခဲ့တဲ့ မတ်လကတည်းက ရုံးထုတ်စစ်ဆေးခြင်းမရှိ

RFA 2008-06-15
စက်တင်ဘာသံဃာ့ လှုပ်ရှားမှု ဦိးဆောင်ဆရာတော် အရှင် ဂမ္ဘီရကို ဖမ်းဆီးထိမ်းသိမ်းပြီး နောက်ပိုင်း၊ ပြီးခဲ့တဲ့ မတ်လကတည်းက ရုံးထုတ်စစ်ဆေးခြင်း မရှိသလို၊ ရမန်ယူတာလည်း မရှိဘူးလို့ အင်းစိန်ထောင် သတင်းရပ်ကွက်က ပြောပါတယ်။

အရှင်ဂမ္ဘီရဟာ အင်းစိန်ထောင် တိုက် ၁၊ အခန်း ၁ မှာ ချုပ်နှောင်ခံထား ရပါတယ်။ လောလောဆယ်မှာ ကျန်းမာရေး အခြေအနေ ကောင်းမွန်နေပေမယ့်၊ ပြီးခဲ့တဲ့ မေလ ၂ ရက်နေ့ မုန်တိုင်း တိုက်ခတ်စဉ်၊ အင်းစိန်ထောင်အတွင်း အကျဉ်းသားတွေကို သေနတ်နဲ့ ပစ်သတ်တာတွေ၊ မတရား ရိုက်နှက်တာတွေကို ကြားသိရပြီး စိတ်အတော် ထိခိုက်နေခဲ့ပေမယ့် အခုအခါမှာ ပုံမှန်ပြန်လည်ရှိနေပြီး၊ တရားအားထုတ်တာတွေလည်း ပြုလုပ်နေ နိုင်တယ်လို့ သိရပါတယ်။
အရှင်ဂမ္ဘီရကို ပြီးခဲ့တဲ့ ၂ဝဝ၇ ခုနှစ် နိုဝင်ဘာလ ၄ ရက်နေ့မှာ၊ မန္တလေးတိုင်း စဥ့်ကိုင် မြို့နယ်အတွင်းမှာ စစ်အစိုးရ အာဏာပိုင်တွေက ဖမ်းဆီးခဲ့တာဖြစ်ပါတယ်။
လာမယ့် ဇွန်လ ၁၉ ရက်ဟာ အရှင်ဂမ္ဘီရရဲ့ မွေးနေ့ဖြစ်ပြီး၊ သက်တော် ၂၉ နှစ်ပြည့်မှာ ဖြစ်ပါတယ်။

Read More...

Summary only...

U Gambira of Saffron Revolution in Burma

(from Burma Digest )

In BURMA DIGEST poll for Person of the Year 2007 (Burma), we got hundreds of direct votings on the website, and many more thousands of votes sent via email. U Gambira, and his fellow monks, who led Burma’s Saffron Revolution in 2007 got highest number of votes; and accordingly, named here as “The Person of the Year 2007 in Burma”.
U Gambira, the 29-year old leader of the All-Burma Monks’ Alliance that spearheaded nationwide protests in Burma in September, became a fugitive following the deadly Sept. 26-27 crackdown on protesters in Burma. He made important announcements to the world outside Burma about the alliance’s aims and in a climate of fear and arrests of pro-democracy activists, became one of the new leaders of Burma’s freedom movement.

U Gambira led the life of a monk until summer 2007, dedicating his life to religious study and working compassionately for the benefit of all people. Following the SPDC/USDA/SAS attacks on monks in Pakkoku, U Gambira became involved with what we now call the ‘Saffron Revolution’. His actions and those of his fellow monks brought the world’s attention to the protests in Burma, and gave enormous impetus to the pro-democracy movement inside Burma and with the activist movements around the world. The SPDC saw him and the rest of the protest organisers (and participatants) as their enemy; He was targeted by the SPDC and went into hiding, his family taken hostage until he gave himself up.

U Gambira now languishes in a grim prison cell, and like other protesters beaten and tortured by sadistic SPDC minions. He is reported to be incarcerated at Insein prison and it seems likely that he will be charged with treason and given what amounts to a life sentence behind bars. It was these risks that U Gambira took on himself just a few months ago; he knew the risk, but acted on his conscience and his belief – a belief that non-violent protest and the power of prayer against guns and tanks will eventually win the freedom that the people of Burma so desperately need.

U Gambira acted not for personal gain, or to better himself, or out of any wish for political power; he acted out of compassion and humility and a great love for his fellow man, in a manner true to the fundamental calling of the Sangha. He very deservedly receives our nomination as ‘Person of the Year 2007 in Burma.’

The Alliance of All Burmese Buddhist Monks/ All Burma Sangha Coalition
Describing themselves as The Alliance of All Burmese Buddhist Monks, the author of a widely distributed leaflet gave the military government until September 17 to issue an apology for its brutal suppression of demonstrating monks in Pakkoku by police, soldiers and pro-government paramilitary thugs. When the junta failed to apologize, the alliance urged all Buddhist monks in the country to hold a “patam nikkujjana kamma”—a boycott of alms from members of the military regime and its supporters. The call prompted tens of thousands of monks and civilians around Burma to stage the largest protest marches against the military government in nearly 20 years, calling for better living conditions for the people and national reconciliation.

When the protests began, no one knew the identity of the leaders of the monks’ alliance. However, the Burmese people heard from some of the leaders of the underground network when they gave telephone interviews to overseas radio stations. U Gambira, U Obhasa, U Khemeinda and U Zakada are now household names. All went into hiding when the crackdown began.

Unfortunately, in early November U Gambira was arrested at his hiding place in Kyaukse in central Burma. His brother and father were taken hostage in October in an exchange for U Gambira turning himself in. However, his brother and father have yet to be freed. The 29-year-old leading monk has been charged with treason by the Burmese junta, according to his family. The punishment for treason is a life sentence or death.

++++++++++++++++++++++++

RESOURCES
Cry, Beloved Burma by - U Gambira and Ashin Nayaka, 2007 Nov, 19
Burmese Monks’ Leader Speaks From Hiding , 2007 October 18
Arrests continue despite Pinheiro’s visit , 2007 November 13
Faces of 2007: Pro-Democracy advocates
Burma’s Saffron Revolution leader, Revered Monk, Sayadaw (abbot) U Gambira
ဖြစ်ပါတယ်။

Read More...

Summary only...

အရှင်ဂမ္ဘီရအား လွတ်လပ်စွာ ပြောဆိုခွင့်ဆုချီးမြှင့်

RFA 2008-04-23

(photo; http://www.ko-htike.blogspot.com/ )

စက်တင်ဘာ ရွှေဝါရောင်တော်လှန်ရေးကို ဦးဆောင်ခဲ့တဲ့ မြန်မာနိုင်ငံလုံးဆိုင်ရာ သံဃာ့တပ်ပေါင်းစုကြီးရဲ့ ဦးဆောင် သံဃာတပါးဖြစ်တဲ့ အရှင်ဂမ္ဘီရကို ဗြိတိန်နိုင်ငံမှာ အခြေစိုက်တဲ့ Index on Censorship မဂ္ဂဇင်းအဖွဲ့ကြီးကနေ လွတ်လပ်စွာ ထုတ်ဖော် ပြောဆိုခွင့်ဆုကို ဧပြီ ၂၂ရက် အင်္ဂါနေ့က ချီးမြှင့်ခဲ့ပါတယ်။ ဒီဆုကို လန်ဒန်မြို့က သာသနာ့ရံသီ ကျောင်းတိုက်က ဆရာတော် ဦးဥတ္တရက လက်ခံရယူခဲ့ပါတယ်။ ဒီဆုဟာ မြန်မာစစ်အစိုးရ အုပ်ချုပ်မှုအောက်မှာ လွတ်လွတ်လပ်လပ် ကိုယ့်ဆန္ဒကို ထုတ်ဖော် ပြောဆိုခွင့်ရဖို့အတွက် အနစ်နာခံ တိုက်ပွဲဝင်နေသူတွေကို နိုင်ငံတကာကနေ ဂုဏ်ပြု ချီးမြှင့်လိုက်တာပါ၊၊

အထူးသဖြင့် ပြည်သူတွေ စားဝတ်နေရေး ကျပ်တည်းနေတာကို ဖြေရှင်းပေးဖို့ စစ်အစိုးရကို တောင်းဆိုတဲ့အနေနဲ့ မြန်မာသံဃာတော်တွေဟာ ဘုန်းကြီးကျောင်းတွေကနေ လမ်းမတွေ ပေါ်ထွက်ပြီး ငြိမ်းငြိမ်းချမ်းချမ်း ဆန္ဒပြခဲ့ကြတာကို ကမ္ဘာ့ပြည်သူတွေ တအံတသြ ဖြစ်ခဲ့ကြပါတယ်။

အခုလို သံဃာတော်တွေကို ဆုချီးမြှင့်တဲ့အတွက် အားတက်ခဲ့ရပြီးတော့ မြန်မာပြည် ဒီမိုကရေစီရေးအတွက် ဆက်လက် ဆောင်ရွက်သွားမယ်လို့ ဆုကို ကိုယ်စားလက်ခံယူခဲ့တဲ့ လန်ဒန်မြို့ သာသနာ့ရံသီ ဝိဟာရ ကျောင်းထိုင်ဆရာတော် ဦးဥတ္တရက အခုလို မိန်ကြားပါတယ်။

ဦးဥတ္တရ။ ။ 'မြန်မာပြည်မှာ ရှိနေတဲ့ သံဃာတော်တွေ ငြိမ်းချမ်းစွာ မေတ္တာပို့ ဆုတောင်းကြတဲ့ ဒီလုပ်ငန်းတခုကလေးတင်တောင်မှ ကမ္ဘာ့ ပြည်သူပြည်သားတွေက အားလုံး
သနားကြင်နာပြီး
လူသားချင်း စာနာတဲ့အတွက်ကြောင့် အားပေးကြသေးတယ်ဆိုလို့ရှိရင် လူသားအားလုံးအတွက် အထူးသဖြင့် မြန်မာနိုင်ငံမှာ ဆင်းရဲဒုက္ခရောက်နေကြတဲ့ ပုဂ္ဂိုလ်တွေ၊ ဒီသံဃာတော်တွေကနေ ဦးဆောင်ပြီး ဒီပုဂ္ဂိုလ်တွေအတွက်ကို ရဲရဲဝံ့ဝံ့နဲ့ မြန်မာပြည်မှာ ဒီမိုကရေစီနဲ့ လူ့အခွင့်အရေးရအောင် ကြိုးပမ်းခဲ့ကြတာဟာ ကမ္ဘာ့ပြည်သူပြည်သားတွေကပါ ဒီလို အားပေးနေပါကလားဆိုတာကို ဘုန်းကြီးတို့ စိတ်ထဲမှာ အဲဒီလို ခံစားမိပြီးတော့ ဘုန်းကြီးတို့ရဲ့ လုပ်ငန်းဟာ ဒို့လှုပ်ရှားနေတဲ့ ဒီမိုကရေစီနဲ့ လူ့အခွင့်အရေး တိုက်ပွဲဟာ မုချ အောင်ရမယ်ဆိုတာကိုတော့ စိတ်ထဲမှာ ထက်ထက်သန်သန်နဲ့ တကယ့်ကို ခိုင်ခိုင်မာမာ ယုံကြည်ပါတယ်။'


Index on Censhoship မဂ္ဂဇင်းအဖွဲ့ကြီးကနေ နိုင်ငံတကာမှာ လွတ်လပ်စွာ ထုတ်ဖော်ပြောဆိုခွင့်အတွက် တိုက်ပွဲဝင်နေသူတွေကို နှစ်စဉ်ချီးမြှင့်တာဖြစ်ပါတယ်။

Read More...

Summary only...

ဦးဂမ္ဘီရနှင့် မြန်မာသံဃာတော်များ လွတ်လပ်စွာ ထုတ်ဖော်ပြောဆိုခွင့်ဆု ချီးမြှင့်ခံရ

ဧရာဝတီ ဧပြီ ၂၂၊ ၂၀၀၈

မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့ကြီး၏ ဦးဆောင်ဆရာတော်တပါးဖြစ်သည့် အရှင်ဂမ္ဘီရနှင့် မြန်မာသံဃာတော် များအား အင်္ဂလန်နိုင်ငံအခြေစိုက် Index on Censorship မဂ္ဂဇင်းက လွတ်လပ်စွာ ထုတ်ဖော်ပြောဆိုခွင့်ဆုကို ချီးမြှင့်လိုက် ကြောင်း သိရသည်။

ယမန်နှစ်က မြန်မာနိုင်ငံတွင်ပေါ်ပေါက်ခဲ့သော သံဃာတော်များဦးဆောင်သည့် ရွှေဝါရောင် တော်လှန်ရေးသည် လူ့အခွင့်အရေးအဖွဲ့များ အာရုံစိုက်စရာဖြစ်စေခဲ့သလို ဆရာတော် ဦးဂမ္ဘီရ သည်လည်း ၎င်းလှုပ်ရှားမှုတွင် အဓိကကျသည့် အခန်းကဏ္ဍတွင်ပါဝင်ခဲ့သည့် ပုဂ္ဂိုလ်ဖြစ်သော ကြောင့် ဆုရွေးချယ်ရေးအဖွဲ့က ရွေးချယ်ခဲ့ခြင်း ဖြစ်သည်ဟု ယမန်နေ့ညနေက လန်ဒန်တွင်ပြုလုပ် သည့် ဆုပေးပွဲ၌ု Index on Censorship မဂ္ဂဇင်း၏ တာဝန်ခံကပြောဆိုကြောင်း ဘီဘီစီ မြန်မာပိုင်း အစီအစဉ်က ထုတ်လွှင့်ခဲ့သည်။
အဆိုပါဆုကို လန်ဒန်မြို့ရှိ ဆရာတော် ဦးဥတ္တရနှင့် ဘလော့ဂါ ကိုထိုက်တို့က လက်ခံရယူခဲ့ကြောင်းလည်း သိရသည်။

ဆရာတော် ဦးဂမ္ဘီရသည် ရန်ကုန်တိုင်း ရဟန်းပျိုအဖွဲ့၏ ဦးဆောင်ဆရာတော်တပါးလည်းဖြစ်ပြီး လွန်ခဲ့သည့်နှစ် နိုဝင်ဘာလ အတွင်းက အာဏာပိုင်တို့၏ ဖမ်းဆီးခြင်းကို ခံခဲ့ရသည်။

အရှင်ဂမ္ဘီရအား စစ်အစိုးရက အင်းစိန်အကျဉ်းထောင်တွင် ဖမ်းဆီချုပ်နှောင်ထားသည်။ အဖမ်းခံနေရသည့် ကာလအတွင်း ၌ပင် ဦးဂမ္ဘီရသည် မေတ္တာပို့ဆုတောင်းခြင်းကို ဆက်လက်ပြုလုပ်ခဲ့သည်။ အနာဂတ် မျိုးဆက်သစ်များ စစ်ကျွန်ဘ၀သို့ မရောက်ရလေအောင် စစ်အစိုးရ၏ အခြေခံဥပဒေအား မထောက်ခံကြရန် ထောင်ဝင်စာတွေ့ခွင့်ရသည့် မိသားစုဝင်များမှ တဆင့် ပြည်သူလူထုကို ပန်ကြားခဲ့သည်။

အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ပါတီက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၊ ၈၈ မျိုးဆက် ကျောင်းသားခေါင်းဆောင်များအပါအ၀င် နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့် ဥပဒေအရ တားဆီးခြင်း၊ ထိန်းသိမ်းခြင်းခံထားရသူများနှင့် ပြစ်ဒဏ်ချမှတ်ခံထားရခြင်းမရှိဘဲ ဖမ်းဆီးခြင်း၊ ချုပ်နှောင်ခြင်းခံနေရသူများသည် ဆန္ဒခံယူပွဲဥပဒေအရ မဲပေးခွင့် ရှိသူများဖြစ်သည်ဟု ကြေညာချက် ထုတ်ပြန်လိုက်သည်။

၎င်းကြေညာချက်တွင် “ဤပုဂ္ဂိုလ်များသည် မဲစာရင်းတွင် ၎င်းတို့၏အမည် ပါဝင်ရန်လည်းကောင်း၊ ဆန္ဒမဲပေးရန်လည်း ကောင်း၊ ဥပဒေပြဌာန်းချက်များအရ အာဏာပိုင်တို့၏တာဝန်ဖြစ်ကြောင်း ကြေညာလိုက်သည်” ဟု ဖော်ပြထားသည်။

စစ်အစိုးရက သာသနာ့ဝန်ထမ်းများ၊ စိတ်ပေါ့သွပ်နေသည်ဟု သက်ဆိုင်ရာဥပဒေကပြဌာန်းထားသည့်အတိုင်း သတ်မှတ် ခြင်းခံရသူများ၊ ပြစ်မှုတခုခုကြောင့် တရားရုံး၏အမိန့်စီရင်ချက်အရ ထောင်ဒဏ်ကျခံနေရသူများ၊ ပြည်ပသို့တရားမ၀င် ရောက်ရှိနေသူများနှင့် နိုင်ငံခြားသားများအား မဲပေးခွင့်မရှိကြောင်း ဥပဒေပြဌာန်းထားသည်။

Read More...

Summary only...

U Gambira's remark on Junta's constitution

အရှင်ဂမ္ဘီရက စစ်အစိုးရ၏ ဖွဲ့စည်းပုံကို ကန့်ကွက်
ဝ၈-ဝ၄-ဝ၈၊ အေးနိုင် DVB

မြန်မာနိုင်ငံလုံးဆိုင်ရာသံဃာ့တပ်ပေါင်းစု ခေါင်းဆောင် အရှင်ဂမ္ဘီရက နအဖရဲ့ ဖွဲ့စည်းပုံ အခြေခံဥပဒေ ကို ကန့်ကွက်ကြောင်း ထောင်အာဏာပိုင်တွေကို မိန့်ကြားလိုက်တယ်လို့ အစ်မတော် မခင်သူဌေးက ပြောပါတယ်။

အင်းစိန်ထောင်အာဏာပိုင်တွေက အရှင်ဂမ္ဘီရကို ဖွဲ့စည်းပုံအခြေခံဥပဒေနဲ့ပတ်သက်လို့ ဆွေး နွေးလိုကြောင်း လွန်ခဲ့တဲ့ ၁ဝ ရက်ခန့်က ချဉ်းကပ်ခဲ့ရာမှာ အခုလိုဖြေကြားလိုက်တာလို့ အရှင်ဂမ္ဘီရနဲ့ ထောင်ဝင်စာတွေ့ခဲ့တဲ့ မခင်သူဌေးက ပြောပါတယ်။

မတ် ၃၁ ရက် ယမန်ထပ်ယူရမယ့်ရက်မှာ မယူတဲ့အတွက် ပြောဆိုရာမှာ အဲဒီလိုပြောလိုက် တာလို့ ဆိုပါတယ်။

“ဒီ Referendum နဲ့ပတ်သက်ပြီးတော့လေ ဦးဇင်းတို့ကို အတင်းဆွေးနွေးခိုင်းတယ် တဲ့။ ဆွေး နွေးခွင့်တောင်းတယ်ပေါ့။ ဦးဇင်းကို ဆွေးနွေးခွင့်တောင်းတယ်။ ‘မင်းတို့ချမှတ်ထားတဲ့ အခြေခံဥပဒေတွေကို ငါက မထောက်ခံဘူးကွ။ အဲဒီတော့ ဆွေးနွေးစရာအကြောင်းမရှိဘူး’လို့ ပြောလိုက်တယ် တဲ့။ “သူတို့က ဒါဆိုရင်လည်း ပြည်သူ့ဆန္ဒခံယူပွဲနဲ့ ပတ်သက်ပြီးတော့ Yes or No တခုခုပေးပါ တဲ့။ မဟုတ်ပါဘူး တခုခုတော့ ပြောကိုပြောရမယ်ဆိုတော့ ဒါဆိုရင်လည်း No ပေါ့ကွလို့ ပြောလိုက် တယ်တဲ့။ ဦးဇင်းက ငါက Yes ဆိုရင်လည်းမင်းတို့က ထောက်ခံမှာ No ဆိုရင်လည်း မင်းတို့ Constitution ကို ထောက်ခံသလိုဖြစ်နေမှာမို့လို့ Yes လည်းမပြောနိုင်ဘူး No လည်း မပြောနိုင်ဘူး လို့ ပြောတယ်။ ”

အာဏာပိုင်တွေက အရှင်ဂမ္ဘီရကို ပုဒ်မ ၅(ည) အရေးပေါ်စီမံချက်အက်ဥပဒေပုဒ်မနဲ့ တရားစွဲ ထားပေမယ့် ပြီးခဲ့တဲ့ သီတင်းပတ်က ရမန်မယူဘဲ စစ်ကြောရေးပြန်ဝင်နေတယ်လို့ အရှင်ဂမ္ဘီရက မိန့် တယ်လို့ ဆိုပါတယ်။ ထောင်တွင်းမှာ အတင်းအကျပ် လူဝတ်လဲလိုက်တဲ့ သံဃာတော်တွေကို အာဏာပိုင်တွေက မှတ်ပုံတင်လုပ်ပေးတာကိုလည်း အရှင်ဂမ္ဘီရက ပယ်ချခဲ့ပြီး ကျန်သံဃာတွေအပေါ် အတင်းအကျပ် လုပ်ရင် အိုင်အယ်လ်အိုထံ တိုင်ကြားဖို့ ပြင်ဆင်နေတယ်လို့လည်း ပြောပါတယ်။

“ဘုန်းကြီးတွေကို လူမှတ်ပုံတင်လုပ်ခိုင်းတယ်တဲ့၊ အထဲမှာလေ။ ဦးဇင်းကလည်း သူ့မှာ သာသနာဝင် မှတ်တမ်း ရှိတယ်လို့ ပြောလိုက်တယ် တဲ့။ လုပ်စရာမလိုဘူးလို့ ပြောလိုက်တယ် တဲ့။ ဦးဇင်းက စိတ်ပူလို့တဲ့ သီးသန့်ဘက်က ဘုန်းကြီးတွေကို သွားပြီးတော့ ပြောပေးပါဦး တဲ့။ လူကြုံနဲ့ မှာပေးပါဦး တဲ့။ အရင်တပတ် တနင်္လာကတည်းက မှာခိုင်းတာ။ အတင်းအကျပ် လုပ်ခိုင်းသလားပေါ့။ အတင်းအကျပ် လုပ်ခိုင်းတယ် ဆိုရင်တော့ ဒါ အိုင်အယ်လ်အိုကနေ တိုင်ပေးဖို့ပေါ့။”

ထောင်တွင်း မေတ္တာပို့သ ဆုတောင်းဝတ်ပြုမှုကိုတော့ ပုံမှန် ဆက်လုပ်နေကြတယ် လို့လည်း မခင်သူဌေးက ပြောပါတယ်။ အရှင်ဂမ္ဘီရ အပါအဝင် နိုင်ငံရေးအကျဉ်းသားတွေကို လွန်ခဲ့တဲ့ လလယ်ပိုင်းကစလို့ ထောင်ဝင်စာ လွတ်လွတ်လပ်လပ် တွေ့ခွင့်မပေးဘဲ တဦးနဲ့တဦး မှန်ကာထားပြီး အစောင့်အရှောက်တွေအောက်မှာ တယ်လီဖုန်းနဲ့သာ စကားပြောခွင့်ပေးတယ်လို့ မခင်သူဌေးက ပြောပါတယ်။

အရှင်ဂမ္ဘီရဟာ မနှစ်က စက်တင်ဘာ သံဃာဆန္ဒပြပွဲမှာ ထင်ရှားတဲ့ သံဃာခေါင်းဆောင်တပါး ဖြစ်ပါတယ်။ ဆန္ဒပြပွဲနောက်ပိုင်း တိမ်းရှောင်နေရာက မန္တလေးတိုင်း စဥ့်ကိုင်မြို့မှာ အဖမ်းခံရပြီး အင်းစိန်ထောင်မှာ ချုပ်နှောင်ခံရကာ တရားစွဲခံနေရတာဖြစ်ပါတယ်။

Read More...

Summary only...

အရှင်ဂမ္ဘီရဦးဆောင်၍ ထောင်တွင်း မေတ္တာပို့လှုပ်ရှားမှု စတင်

၂၄-ဝ၃-ဝ၈၊ အေးနိုင် DVB

အင်းစိန်အကျဉ်းထောင်တွင်း မေတ္တာသုတ်ရွတ်ဆိုတဲ့ လှုပ်ရှားမှုကို လွန်ခဲ့တဲ့သီတင်းပတ်တွေမှာ စတင် လုပ်ဆောင်နေရာမှာ တစတစ ကျယ်ပြန့်လာတယ်လို့ အင်းစိန်ထောင်မှာ သံဃာ့တပ်ပေါင်းစု ခေါင်းဆောင် အရှင်ဂမ္ဘီရကို ထောင်ဝင်စာတွေ့ပြီးပြန်လာတဲ့ အစ်မတော် မခင်သူဌေးက ပြောပါတယ်။ သီးသန့်ထောင်မှာရော ထောင်မကြီးဘက်မှာပါ မိန်းကလေးတွေအပါအဝင် အကျဉ်းကျတွေက အကုန်လုံး မေတ္တာပို့၊ မေတ္တာသုတ်တွေ ရွတ်နေကြတယ်လို့ မခင်သူဌေးက ပြောပါတယ်။

“မေတ္တာသုတ်နဲ့ မလုံလောက်ဘူးဆိုရင် ပရိတ်ကြီး ဆယ့်တသုတ်ပါ ရွတ်တော့လို့ ပြောခဲ့တယ်။ အဲဒီဥစ္စာကို ဦးဇင်းက ထောင်တွင်းတိုက်ပွဲတခု အနေနဲ့ ဦးဆောင်ပြီး ရွတ်ခိုင်းတာမို့လို့ ဒီဘက်ကို ရွှေ့ပစ်တာ တဲ့။ အခုထောင်မကြီးဘက်မှာလည်း ကောင်မလေးတွေကအစ ရွတ်နေကြပြီတဲ့။”

ဒီမေတ္တာသုတ်ရွတ်ဆိုပွဲကို ဦးဆောင်တဲ့ အရှင်ဂမ္ဘီရကို အခုလ ၁၄ ရက် ညနေမှာ အာဏာပိုင် တွေက သီးသန့်ထောင်ကနေ အင်းစိန်ထောင်မကြီးဘက် ရွှေ့လိုက်ပါတယ်။

အဲသလိုရွှေ့တဲ့အခါ ထောင်ဝင်ထမ်းတဦးက အရှင်ဂမ္ဘီရကို မေတ္တာပို့ပွဲကို ဦးဆောင်လို့ဆိုပြီး ဆဲတယ်လို့ကြားသိရကြောင်း မခင်သူဌေးက ပြောပါတယ်။

“ဒီနေ့တောင်မှ သူများပြောမှ ဦးဂမ္ဘီရ အစ်မကိုတွေ့လို့ရှိရင် သေချာပြောပေးပါဆိုလို့ ထောင် ဝန်ထမ်းတယောက်က ကောင်မလေးဘက်ကိုရွေ့တဲ့နေရာ ဦးဇင်းကို ဆဲတယ်လို့ ပြောတယ်။ ဆဲတာက ဒီ မေတ္တာပို့ဆုတောင်းပွဲတွေလုပ်လို့ တဲ့။ ဦးဆောင်လို့ ပြောတာပေါ့။

ဦးဇင်းက ဘာမှမပြောဘူး။ ဒီနေ့ မေးတဲ့အခါကျတော့ ‘အဲဒါထားလိုက်ပါတော့ဗျ’လို့ အဲလို ပဲပြောတယ်။
မေတ္တာသုတ်ရွတ်တာတွေကြောင့် တဲ့။ မေတ္တာသုတ်တွေ မရွတ်ရဘူး။ မြန်မာလူမျိုး ဗုဒ္ဓဘုရားသားတော်တပါး မေတ္တာသုတ်ရွက်တာ အပြစ်လား။ ဒါကိုဆဲတယ်။ တိုက်ပိတ်တယ်တဲ့။ တော်တော်ဆိုးတဲ့နိုင်ငံ ဖြစ်နေပြီ။ မိသားစုနဲ့တော့ တွေ့တော့ တွေ့ရတာပေါ့။ ကျန်တဲ့ အချင်းချင်းတွေနဲ့ မတွေ့ရဘူး။ တပါးတည်းပဲထားတာ။ ”

အရှင်ဂမ္ဘီရကို အလုံမြို့နယ်တရားရုံးက ရမန်ယူခဲ့ပါတယ်။ လွန်ခဲ့တဲ့သီတင်းပတ်မှာတော့ လှိုင်မြို့နယ်တရားရုံးက ရမန်ယူပြီး ဒီနေ့မှာလည်း အရင်သီတင်းပတ်တွေတုန်းကလိုပဲ မစစ်ဆေးဖြစ်ဘဲ ရန်ကင်းမြို့နယ်တရားရုံးက ရမန်ယူလိုက်ပြီး အခုလ ၃၁ ရက်ကို ရုံးချိန်းသတ်မှတ်တယ်လို့ မခင်သူဌေးက ပြောပါတယ်။

အရှင်ဂမ္ဘီရဟာ လွန်ခဲ့တဲ့ စက်တင်ဘာ သံဃာ့အရေးတော်ပုံကာလမှာ ထင်ရှားတဲ့သံဃာတော်တပါးဖြစ်ပြီး နိုဝင်ဘာ ၄ ရက်မှာ မန္တလေးတိုင်း စဥ့်ကိုင်မြို့နယ်မှာ ဖမ်းဆီးခံရပါတယ်။

Read More...

Summary only...

ထောင်ထဲမှာ ထပ်ပြီးထောင်ကျနေရကြောင်း အရှင်ဂမ္ဘီရမိန့်ကြား

RFA 2008.03.21

အာဏာပိုင်တွေ ဖမ်းဆီးထားတဲ့ ရွှေဝါရောင် တော်လှန်ရေးမှာ ဦးဆောင်ဆရာတော်ဖြစ်တဲ့ အရှင်ဂမ္ဘီရဟာ ပြီးခဲ့တဲ့ မတ်လ ၁၄ရက်နေ့ကစပြီး အင်းစိန်ထောင်မှာ တိုက်ပိတ်ခံနေရတာ၊ ခုဆို သီတင်း တပတ်ရှိသွားပြီ ဖြစ်ပါတယ်။

ထောင်သတင်းရပ်ကွက်က စုံစမ်းသိရတာကတော့ ထောင်တွင်း မှာ မေတ္တာပို့ ဆုတောင်းတာကြောင့် တိုက်ပိတ်ခံရတာဖြစ်တယ်လို့ သိရ ပါတယ်။ ဒီကိစ္စနဲ့ ပတ်သက်ပြီး အရှင်ဂမ္ဘီရက မိမိဟာ ထောင်ထဲမှာတင် ထောင်ထပ်ပြီး ချခံနေရတာဖြစ်တယ်လို့ မိန့်ကြားခဲ့ကြောင်း ထောင်ဝင်စာ သွားတွေ့ခဲ့တဲ့ ညီမဖြစ်သူ မခင်ဌေးသူက ပြောပြပါတယ်။

အရှင်ဂမ္ဘီရနဲ့ အတူ အဖမ်းခံနေရတဲ့ သံဃာတော်တွေ ဟာ ထောင်ထဲမှာ စုပေါင်းပြီး မေတ္တာပို့ အမျှအတန်းဝေတာမျိုး တွေကို ပြုလုပ်နေတာဖြစ်တယ်လို့ ဆိုပါတယ်။

အခုလို တိုက်ပိတ်ခံနေရတာကြောင့် ဆွမ်းကပ်မဲ့သူမရှိဖြစ်နေတယ်လို့ အရှင်ဂမ္ဘီရက မိန့်ကြား ကြောင်း ညီမဖြစ်သူ ကပြောပါတယ်။ အရှင်ဂမ္ဘီရနဲ့ တကွ အဖမ်းခံနေရတဲ့ သံဃာတော်တွေ အားလုံး လူဝတ်လဲတာခံထားရပေမဲ့ မိမိကိုယ်မိမိ ရဟန်းအဖြစ်ခံယူထားဆဲ ဖြစ်သလို သပိတ်ကံဆောင် နေဆဲလဲဖြစ်တယ်လို့ သိရပါတယ်။

အခုချိန်ထိ အရှင်ဂမ္ဘီရကို ရမန်နှစ်ကြိမ်ယူပြီး ဖြစ်ပေမဲ့ ခုချိန်ထိ ရုံးထုတ်ခြင်းမရှိသေးဘူးလို့ ညီမဖြစ်သူကပြောပါတယ်။ ဒါ့အပြင် ရှေ့နေဖြစ်သူ ဦးညီညီလှိုင်က အမှုသည်ကို တွေ့ဆုံခွင့် တောင်းခံတာ သုံးလေးကြိမ်ရှိပြီဖြစ်ပေမဲ့ တွေ့ခွင့်မရသေးဘူးလို့ စုံစမ်းသိရှိရပါတယ်။

Read More...

Summary only...

U Gambira held in solitary confinement (DVB news in Eng

Mar 18, 2008 (DVB)– All-Burmese Monks Alliance leader U Gambira has been put in solitary confinement in Insein prison, where he is currently being held, according to family members.
U Gambira’s sister Ma Khin Thu Htay, who visited him on Monday in Insein prison, said the 27-year-old monk had been put into solitary confinement in a cell inside the prison's main ward on 14 March for unknown reasons.

"During my visit to him yesterday, he told me he was moved into cell (4) of the main prison's ward (1) by himself on 14 March at around 5.30pm," she said.

"He said he had no idea why they had put him in solitary confinement."
U Gambira was arrested by government authorities in Magwe division's Sintgaing township on 4 November 2007 for his role in leading public protests in September.

He was later sent to Insein prison in the former capital Rangoon where he was charged with violations under section 17/1 of the Unlawful Associations Act, section 13/1 of the Burma Immigration (Emergency Provisions) Act for illegal movement across borders, and article 5(j) of the Emergency Provisions Act.

Khin Thu Htay said it is likely that the charges under sections 13/1 and 17/1 will be dropped as Alone township court, where these charges are being heard, has not extended U Gambira’s remand.

She added that Hlaing township court, which is handling the hearing for his alleged violation of article 5(j), cancelled his court hearing on Monday.

Khin Thu Htay said that her brother and other monks in Insein prison were continuing to respect the boycott against government officials.

"U Gambira said all the monks detained in Insein prison are still chanting metta, the main activity of the monk protesters during the events of September, and still practicing their boycott of communicating with government authorities," she said.

Monks at a number of monasteries in Burma have taken part in the boycott against the government, with some refusing alms donations from regime officials or passing them on to the poor, and others opting out of government-run monk exams.

The ABMA released a statement on 18 March urging Burmese monks to boycott the government-run Pahtamabyan Dhamma Sriya exams for monks, and not to forget the junta’s brutal treatment of monks during the crackdown on public demonstrations last year.

Reporting by Aye Nai

Read More...

Summary only...

သံဃာ့တပ်ပေါင်းစုခေါင်းဆောင် အရှင်ဂမ္ဘီရ တိုက်ပိတ်ခံနေရ

အေးနိုင် DVB၊ ၁၈-ဝ၃-ဝ၈
အင်းစိန်ထောင်အာဏာပိုင်တွေက မြန်မာနိုင်ငံလုံးဆိုင်ရာသံဃာ့တပ်ပေါင်းစုခေါင်းဆောင် အရှင်ဂမ္ဘီရ ကို အင်းစ်ိန်သီးသန့်ထောင်ကနေ အခုလ ၁၄ ရက်ညနေမှာ ထောင်မကြီးဘက်ကိုရွှေ့ပြီး တိုက်ပိတ် ထားတယ်လို့ အရှင်ဂမ္ဘီရနဲ့ မနေ့ကတွေ့ပြီး ပြန်လာတဲ့ အစ်မတော် မခင်သူဌေးက ပြောပါတယ်။

“မနေ့က သွားတယ်ဗျ။ ထောင်မကြီးဘက်ကို ရောက်သွားပြီ။ ၁၄ ရက်နေ့ညနေ ငါးနာရီခွဲက ရွှေ့လိုက်တယ်တဲ့။ ပြီးတော့ တိုက်ပိတ်ထားတယ်။ ထောင်မကြီးဘက်မှာ အဆောင် (၁) အခန်းနံပါတ် (၄)။

ဦးဇင်း ‘တပါးတည်းပဲနေရတာလား၊ ဘယ်သူတွေနဲ့အတူတူရှိတာလဲ’ ဆိုတော့ ‘တပါးတည်းပဲ။ တပါးတည်းခေါ်လာတာ။ ထောင်ထဲမှာ ထောင်ထပ်ကျတာပေါ့ဗျာ’တဲ့။

ဒါဆို ‘တိုက်ပိတ်ထားတာ လား’ဆိုတော့ ‘ဟုတ်တယ်၊ ပြောလို့ရတယ်’တဲ့။ လေးဘက်လေးတန် နံရံတွေပဲရှိတယ်ပြောတာကိုး။”

ဘာအကြောင်းကြောင့် တိုက်ပိတ်တယ်ဆိုတာကို အရှင်ဂမ္ဘီရကိုယ်တိုင် မသိရဘူးလို့ သူက ဆက်ပြောပါတယ်။ အရှင်ဂမ္ဘီရအပေါ် တရားစွဲထားတဲ့အမှု ၃ ခုအနက် အလုံမြို့နယ်တရားရုံးက စွဲဆိုထားတဲ့ ၁၃/၁ နဲ့ ၁၇ /၁ က ရမန်မယူတော့တဲ့အတွက် ပျက်ပြယ်တဲ့သဘောလို့ ယူဆရမလိုဖြစ်နေတယ်လို့ မခင်သူဌေးက ပြောပါတယ်။

လှိုင်မြို့နယ်တရားရုံးကစွဲဆိုတဲ့ အရေးပေါ်စီမံချက်အက်ဥပဒေ ပုဒ်မ ၅(ည) ကတော့ အတည် ဖြစ်ပြီး လှိုင်မြို့နယ်တရားရုံးမှာ မနေ့က ရုံးချိန်းသတ်မှတ်ပေမယ့် မထုတ်ဖြစ်ဘူးလို့ မခင်သူဌေးက ပြော ပါတယ်။ ယခင်က အရှင်ဂမ္ဘီရကို ထောင်ဝင်စာတွေ‹စဉ် အနီးကပ် စကားပြောခွင့်ရပေမယ့် မနေ‹က သွားတွေ့ရာမှာတော့ မှန်ကာထားတဲ့အတွက် ဖုန်းနဲ့ပဲစကားပြောခွင့်ရတယ်လို့ မခင်သူဌေးက ပြောပါ တယ်။ အရှင်ဂမ္ဘီရရဲ့မှာကြားချက်ကို မခင်သူဌေးက ပြောပြပါတယ်။

“ဦးဇင်းက မှာလိုက်သေးတယ်။ သူတို့အထဲက ‘သံဃာတော်တွေအားလုံးက မေတ္တာပို့သဆဲ ပဲ၊ ကံဆောင်ဆဲပဲ။ အားလုံးက တက်ကြွနိုးကြား လတ်ဆတ်နေကြဆဲပါပဲ။ အပြင်ကလူတွေပဲ ဆက်လုပ် ကြ’ ဖို့ ပြောလိုက်တယ်။”

အရှင်ဂမ္ဘီရဟာ မနှစ်ကစက်တင်ဘာ သံဃာ့အရေးတော်ပုံကာလမှာ ထင်ရှားတဲ့ သံဃာ့ခေါင်းဆောင်တပါး ဖြစ်ပြီး မနှစ်က နိုဝင်ဘာ ၄ ရက်မှာ မန္တလေးတိုင်း စဥ့်ကိုင်မြို့နယ်မှာ ဖမ်းဆီးခံရပါတယ်။

Read More...

Summary only...

message from priosn ( dvb news

ဆန္ဒခံယူပွဲကို ကန့်ကွက်ရန် အရှင်ဂမ္ဘီရ တိုက်တွန်း (ဒီဗွီဘီသတင်း)
Click here (ဒီနေရာကို နှိပ်လိုက်ပါ။)

Read More...

Summary only...

message from prison

လူထုကိုယ်တိုင်ဆက်လက်တိုက်ပွဲဝင်ရန် အရှင်ဂမ္ဘီရ မိန့်ကြား
yoma 3 ဗထူး။ မတ် ၁၀၊ ၂၀၀၈

အင်းစိန်ထောင်တွင်း အကျဉ်းကျနေသော သံဃာတပ်ပေါင်းစု ခေါင်းဆောင် အရှင်ဂမ္ဘီရက စစ်အစိုးရပြုလုပ်မည့် ဆန္ဒခံယူပွဲအား လူထုကိုယ်တိုင် ဆက်လက်တိုက်ပွဲဝင်ရန် ယနေ့ မိန့်ကြားလိုက်သည်။
ယနေ့နံနက် (၁၁)နာရီခန့် အင်းစိန်ထောင်တွင်း ထောင်ဝင်စာသွားတွေ့ ခဲ့သူ မိသားစုဝင်တဦးအား အရှင်ဂမ္ဘီရက ယခုကဲ့သို့ မိန့်မှာလိုက်ခြင်း ဖြစ်သည်။

ထောင်တွင်းရှိ နိုင်ငံရေးအကျဉ်းသားများအားလုံး စစ်အစိုးရပြုလုပ်မည့် ဆန္ဒခံယူပွဲသတင်းကို ကြားသိနေကြပြီး အရှင်ဂမ္ဘီရက ပြည်သူလူထုအား မှာကြားလိုက်ခြင်းနှင့်ပတ်သက်၍ ထောင်ဝင် စာသွားတွေ့သည့် အမတော်စပ်သူ မခင်သူထွေးက “အခုလုပ်မဲ့ဆန္ဒခံယူပွဲကို သိပါတယ်။ အဲဒီ အတွက်လည်း မှာလိုက်တယ်၊ လူထုအနေနဲ့ ဒီလိုအတိုင်းပဲ ဆက်နေချင်ရင်တော့ ဒီအတိုင်းနေ ပေါ့၊ ပိုကောင်းတဲ့အနေထားကို ရချင်တယ်ဆိုရင်တော့ ဒီတိုင်းမနေနဲ့ပေါ့နော်၊ လူထုကိုယ်တိုင် သတ္တိရှိစွာနဲ့ ပြောင်းလဲရမယ်။ မထောက်ခံနဲ့လို့ ပြောလိုက်တာပါ” ဟု ဆိုသည်။

အရှင်ဂမ္ဘီရ၏ ကျန်းမာရေးအခြေအနေမှာ ကောင်းမွန်နေပြီး အာဏာပိုင်များက ထပ်မံခေါ်ယူ စစ်ဆေးခြင်းများမရှိကြောင်း ပြောဆိုပြီး ယခင်အဆောင် (၂) မှ အဆောင် (၁) အခန်း (၃)သို့ ပြောင်းရွှေ့ထားပြီး ၎င်းနှင့်အတူ ကိုမင်းမင်းစိုးနှင့် အခြားသူများရှိနေသည်ဟု ၎င်းက ဆက်လက်ပြောဆိုသည်။
အရှင်ဂမ္ဘီရအား စစ်အစိုးရက ပုဒ်မ ၁၃(၁)၊ ၁၇(၁) ဖြင့် အလုံမြို့နယ်တရားရုံးမှလည်းကောင်း၊ ပုဒ်မ ၅(ည)ဖြင့် လှိုင်မြို့နယ်တရားရုံးတို့မှ တရားစွဲဆိုထားခြင်းဖြစ်ပြီး ပြင်ပရုံးသို့ ယနေ့ အချိန် အထိ မထုတ်သေးပဲ ထောင်တွင်း၌ပင် ရမန်ဆက်လက်ယူထားကာ လာမည့် (၁၇) ရက်နေ့တွင် ထပ်မံချိန်းဆိုထားသည်ဟု ဆိုသည်။
ထောင်တွင်းရှိသံဃာတော်များ အခြေအနေနှင့်ပတ်သက်၍ သူမက “အထဲမှာရှိနေတဲ့ သံဃာတော်တွေက ဆက်ပြီး မေတ္တာပို့နေတုန်းပါပဲ၊ လူဝတ်လဲထားပေမဲ့ အကုန်လုံး ကံဆောင် ထားဆဲပါပဲလို့ ပြောတယ်” ဟုဆိုသည်။

ယနေ့ ထောင်ဝင်စာသွားတွေ့ချိန်တွင် အာဏာပိုင်များဘက်မှ ယခင်ကကဲ့သို့ စောင့်ကြည့် မှတ်သားမှုများမရှိပဲ (၁၀) မိနစ်ခန့် အချိန်ပိုလွတ်လပ်စွာပြောဆိုခဲ့ရသည်ဟု ၎င်းက ဆက်လက် ပြောဆိုသည်။
“လူထုအနေနဲ့ သတ္တိရှိရှိရင်ဆိုင်ရမယ်၊ တဦးချင်းစီက အမှားကြီးကိုလက်ခံလာတော့မှ အမှားကြီး ဖြစ်သွားတာပေါ့၊ ဒီလိုတိုင်း မနေချင်ဘူးဆိုရင် ပြုပြင်ပြောင်းလဲသွားရမယ်” ဟု အရှင်ဂမ္ဘီရက ဆက်လက်မိန့်ကြားခဲ့သည်။

(http://www.yoma3.org/news/2008/march/Gan_Bi_Ya.html)

Read More...

Summary only...

poet monk in Mdy prison

မန္တလေးထောင်ထဲရောက်နေတဲ့ သံဃာတစ်ပါးဖွဲ့ခဲ့တဲ့ကဗျာ လို့ ဆိုတယ်။ သွားကြည့်ကြပါဦး။
http://bigbbrown.blogspot.com/2007/12/silent-leader-poet-min-set.html

Read More...

Summary only...

သာသနာညစ်နွမ်းစေမှုဖြင့် ဖမ်းဆီးခံထားရသည့် သက်ကြီးသံဃာများနှင့် သီလရှင်များ ထောင်တွင်း ကျန်းမာရေးဆိုးရွား

19 January 2008ဦးသားညွန်ဦး VOICE OF AMERICA

ပြီးခဲ့တဲ့ စက်တင်ဘာလ ဗုဒ္ဓဘာသာ သံဃာတွေ ဦးဆောင်ပြီး ဆန္ဒပြခဲ့ကြတာကို စစ်အစိုးရကနေ အကြမ်းဖက် နှိမ်နင်းပြီးတဲ့နောက် ဘုန်းကြီးကျောင်းတွေ အတော်များများကို လုံခြုံရေး အာဏာပိုင်တွေက ၀င်ရောက်စီးနင်းပြီး သံဃာတော်တွေ တော်တော်များများလည်း အဖမ်းခံ ခဲ့ရပါတယ်။
ဒီလို ဖမ်းတဲ့ ဆီးတဲ့အထဲ မြောက်ဥက္ကလာပ ဘုန်းကြီးကျောင်းတစ်ခုက သက်ကြီးရွယ်အို သံဃာတော်တွေ၊ သီလရှင်တွေလည်း အဖမ်းခံခဲ့ရပြီး သူတို့ကို သာသနာ ညစ်နွမ်းမှုဆိုတဲ့ ပုဒ်မတွေနဲ့ တရားစွဲဆို ထားတယ်လို့ သိရပါတယ်။ ဒါပေမယ့် သံဃာတော်တွေကတော့ သူတို့ကို မတရား စွပ်စွဲ ခံရထားရတယ်လို့ ဆိုပြီး ထောင်ထဲမှာ လူဝတ်လဲခံရပေမယ့် ရဟန်းသိက္ခာ မချထားဘူးလို့လည်း သိရပါတယ်။
ဒီသံဃာတွေ၊ သီလရှင်တွေဟာ နဂိုကတည်းက ဆင်းရဲနွမ်းပါးတဲ့အပြင် အသက်အရွယ် ကြီးတာကြောင့် အခုထောင်ထဲမှာ ကျန်းမာရေး ချို့တဲ့မှုတွေ ဖြစ်နေတယ်လို့ သူတို့ရဲ့ အမှုကို လိုက်ပေးနေတဲ့ ရန်ကုန်မြို့က ရှေ့နေ ဦးဖိုးဖြူက ပြောပါတယ်။ ဒါနဲ့ပတ်သက်လို့ ဦးသားညွန်ဦးက ရှေ့နေ ဦးဖိုးဖြူကို မေးမြန်းတော့ ရှေ့နေဦးဖိုးဖြူက အခုလို ရှင်းပြပါတယ်။

“ရဟန်းတော် ၇ ပါး၊ သီလရှင် စုစုပေါင်း ၇ ပါးပါတယ်၊

ဦးအာနန္ဒ သက်တော် ၆၁ နှစ်၊ ၀ါတော် ၄၀၊ နောက်တစ်ခါ
ဦးဝိမာလ သက်တော် ၆၆ နှစ်၊ နောက်တစ်ပါးက
ဦးပညာနန္ဒ၊ နောက်တစ်ပါးကျတော့
ဦးကုသလ၊ သက်တော် ၆၃ နှစ်၊
ဦးနာရ၀ရ၊ သက်တော် ၆၉ နှစ်၊
ဦးဝိသုတိ၊ သက်တော် ၅၃ နှစ်၊
ဦးပညာသာမိ၊ သက်တော် ၅၃ နှစ်၊

အဲဒါက ရဟန်းတော်တွေပါခင်ဗျ။ နောက်ပြီးကျတော့

ဒေါ်ပညာသိင်္ဂီ သက်တော် ၅၄ နှစ်၊
ဒေါ်စိတ္တတိ သက်တော် ၃၂ နှစ်၊
ဒေါ်ထေရီ သက်တော် ၇၀၊
ဒေါ်ဝဏ္ဏ သက်တော် ၆၇ နှစ်၊
ဒေါ်ပုဏ္ဏမီ သက်တော် ၈၀၊ နောက်ပြီးတော့
ဒေါ်သိင်္ဂီ သက်တော် ၆၄ နှစ်၊
ဒေါ်သီလနန္ဒီ သက်တော် ၄၈ နှစ်၊

အဲဒီထဲကမှ ဦးအာနန္ဒနဲ့ ဦးနာရ၀ရတို့က လေဖြတ်ပြီးတော့ ရုံးပေါ်ကို အမှု လာရင်ဆိုင်နေရတယ် ခင်ဗျ။ သက်တော် ၇၀ ဖြစ်တဲ့ ဒေါ်ထေရီနဲ့ သက်တော် ၈၀ ရှိတဲ့ ဒေါ်ပုဏ္ဏမီတို့ကလည်း တော်တော် ကျန်းမာရေး အခြေအနေ ဆိုးနေတယ်ခင်ဗျ။ ရုံးတော်ကို ဖျားဖျားကြီးနဲ့ပဲ လာတက်နေရတယ်။ ရုံးချိန်း ချိန်းလိုက်တာ ၁၀ ကြိမ်မှာမှ လောလောဆယ်ထိ သက်သေ တစ်ယောက်ပဲ စစ်ရသေးတယ်ခင်ဗျ။ နောက်ပြီးတော့ နာမကျန်းဖြစ်နေတဲ့၊ လေဖြတ်နေတဲ့ အနေအထားမျိုးနဲ့ ဆေးဝါးတွေလည်း မရရှိဘဲနဲ့ ရုံးတက်နေရတယ်လို့ ကျနော် သိရပါတယ်။ အဲဒီအမှုကို ကျနော် မနေ့ကပဲ ဒီအမှုကို ကျနော် လက်ခံလိုက်တယ်ခင်ဗျ။”

အခု ဒီဘုန်းကြီးတွေ၊ သီလရှင်တွေကို သာသနာညိုးနွမ်းမှုနဲ့ တရားစွဲထားတယ် ဆိုတော့ သူတို့ကရော ဘာတွေများ လုပ်ခဲ့လို့လဲခင်ဗျ။ -

“စွပ်စွဲချက်တွေတော့ ရှိပါတယ်၊ ကျောင်းတိုက်ကို အခကြေးငွေ ယူပြီးတော့ လက်ခံတယ်၊ နောက် ရဟန်း ရက်ချုပ် အတုတွေ ကိုင်ဆောင်ထားတယ်။ နောက် ကိုယ်ရင်ကြီးများကို ရဟန်းအဖြစ် အယောင်ဆောင်ထားတယ်လို့ သူတို့က အဲလို စွပ်စွဲထားပါတယ်ခင်ဗျ၊ နောက်ပြီးတော့ ဆင်ဆာမဲ့ ဗီဒီယိုတွေ၊ ညစ်ညမ်းဗွီဒီယိုတွေလည်း သိမ်းဆည်းထားတာကို တွေ့ရတယ်ခင်ဗျ။ ကိုယ်တော်ကြီးတွေကို မေးတဲ့အခါကျတော့ သူတို့ကျောင်းအနေနဲ့ ဒါမျိုးတွေ မရှိပါဘူး၊ သူတို့တွေ ဒါမျိုးတွေလုပ်တဲ့ သူတွေ မဟုတ်ပါဘူး၊ သက်တော်ဝါတော်တွေလည်း အလွန်ကြီးနေပါပြီ။ ဒါကြောင့်မိုလို့ ဒါမျိုးတွေလည်း မကြည့်ပါဘူး၊ ကြည့်ရအောင် ဘာစက်မှလည်း မရှိပါဘူးလို့ ပြောတယ်။ ကျနော်ကလည်း ကျောင်းတိုက်ကို သွားကြည့်တယ်ခင်ဗျ။ ကျောင်းတိုက်က သစ္စာသရဖူ ကျောင်းတိုက်၊ အာသာဝတီ ကျောင်းဝင်းထဲမှာ ရှိတယ်၊ မြောက်ဥက္ကလာ။ ကျောင်းက တော်တော် ဆင်းရဲပါတယ်ခင်ဗျ။ အဲလိုမျိုး အပေါ်စက်တွေ၊ အောက်စက်တွေ အဲလိုမျိုးကြည့်လို့ရတဲ့ ကျောင်းမျိုးလည်း မဟုတ်ဘူးခင်ဗျ။”

ဟုတ်ကဲ့၊ ဘုန်းကြီးတွေကျတော့ ဒီပြစ်မှုနဲ့ပေါ့၊ သီလရှင်တွေကျတော့ ဘာပြစ်မှုနဲ့ စွဲချက် တင်ထားပါသလဲ။ -

“ဟုတ်ကဲ့၊ သီလရှင်တွေကိုလည်း ဒီပြစ်မှုထဲမှာပဲ တတွဲတည်းပဲ စွဲဆိုထားတယ် ခင်ဗျ၊ သီလရှင်တွေနဲ့ ပတ်သက်ပြီးတော့ သီးခြား ဘာမှ သက်သေခံ ပစ္စည်း အနေနဲ့ သိမ်းဆည်းထားတာတော့ မရှိပါဘူး ခင်ဗျာ။”
ဟုတ်ကဲ့၊ သူတို့ကို ဘယ်အချိန်တုန်းက စပြီးတော့ ဖမ်းတာလဲခင်ဗျ။ -

“သူတို့ကို ၂၈ ရက်နေ့ ၉ လပိုင်းက စဖမ်းတယ်လို့ သိရပါတယ်။”

အဲဒီတော့ ကျနော်တို့ ဒီ စက်တင်ဘာ လှုပ်ရှားမှုတွေ ဖြစ်နေတဲ့ကာလပေါ့။

“ဟုတ်တယ်၊ ဟုတ်တယ်၊ အဲဒီအထဲမှာပဲ၊ ဒီကျောင်းတိုက်ကို မသင်္ကာလို့ ဆိုပြီး ၀င်ဖမ်းတဲ့ အခါကျတော့ တကယ့် ရဟန်းပျိုတွေ၊ တက်ကြွစွာ လှုပ်ရှားနေတဲ့ ရဟန်းပျိုတွေ မဟုတ်ဘဲနဲ့ ဒီလောက် သက်တော်တွေ ကြီးနေတဲ့ ရဟန်းတော်ကြီးတွေပဲ ရှိတယ်။ ဘယ်သူတွေမှလည်း ရှိတာမဟုတ်ဘူးခင်ဗျ။”

ဒီဘုန်းကြီးတွေက ပြီးခဲ့တဲ့စက်တင်ဘာ ရဟန်းသံဃာတွေ ဆန္ဒပြတုန်းက ပါဝင်ခဲ့ဖူးလား။ -

“ကိုယ်တော်တို့ ဘာတွေ လုပ်ခဲ့လဲဆိုပြီး မေးတဲ့အခါကျတော့ အပြင်ထွက်ဖို့ နေနေသာသာ လောလောဆယ် ကိုယ့်ကိုကိုယ်တောင် တုန်ချိနေလို့ ကျန်းမာရေးကိုတောင် တော်တော် ဂရုစိုက်နေရတဲ့ အနေအထားပါတဲ့။”
ဒီအစိုးရဖက်က တရားစွဲရလောက်အောင် ဘုန်းကြီးတွေကို ဖမ်းမိတဲ့အခါမှာ သက်သေ၊ သက်ကာယတွေရော ရှိထားလား။ -

“အဲ - လောလောဆယ် ရှာဖွေပုံစံနဲ့ပတ်သက်ပြီးတော့ ကျနော် ကြည့်မိရသလောက်တော့ ရက်ချုပ်အတုလို့ စွဲထားတဲ့ စာရွက်တစ်ရွက် ပါတယ်။ ဆင်ဆာမဲ့ ဗွီဒီယို ဆိုတဲ့ အခွေတွေ တွေ့ရတယ်။ ဒါပေမယ့်လို့ အမှုစစ်ကြည့်တဲ့ အခါကျတော့မှ ဒါတွေက သူတို့ဆီက သိမ်းဆည်းမိတာ၊ သူတို့ ကိုယ်တိုင် အပ်ပေးတာတွေ ဟုတ်မဟုတ် ဆိုတာ ကျနော်တို့ တွေ့ရှိရမှာခင်ဗျ။ အမှု မစစ်ရသေးတော့ ကြိုတော့ မပြောနိုင်ပါဘူးခင်ဗျ။”
အခု သူတို့ကို ဘယ်မှာထားလဲခင်ဗျ။ -

“ဟုတ်ကဲ့၊ အင်းစိန်မှာ ထားတယ်လို့ သိရပါတယ်ခင်ဗျ။ မနေ့က ရုံးချိန်းရက်ကပဲ ခေါ်သွားပါတယ်။”

သူတို့ရဲ့ သက်ဆိုင်ရာ မိသားစုတွေ၊ ဆွေမျိုးတွေကရော တွေ့ခွင့်ရသလား။ -

“မိသားစုဝင်တွေကတော့ မလာနိုင်ပါဘူးခင်ဗျာ၊ ဆွမ်းလေး တခါတရံ လာပို့တဲ့ ရပ်ကွက်ထဲက ဒကာ၊ ဒကာမတွေ နည်းနည်းပါးပါး လောက်ပဲ လာနိုင်ကြတယ်။ တော်တော်လေး ဆင်းရဲတဲ့ ကျောင်းမျိုးပါ ခင်ဗျ။ ရုံးတက်တာတောင် ၁၀ ကြိမ်၊ ၁၁ ကြိမ် ရှိနေပြီ၊ အခုကျမှပဲ ဒါကို သိရတယ်ခင်ဗျ။ ကျနော်တို့ကလည်း အချိန် မှီဖြစ်အောင်ကို ပါဝါတင် ကြိုးစားပြီးတော့ သူတို့အမှုအတွက် ရင်ဆိုင်ပေးမယ် ဆိုပြီးတော့ မနေ့ကမှ ပါဝါတင်ဖြစ်တယ်ခင်ဗျ။”

ဟုတ်ကဲ့၊ ဦးဖိုးဖြူရေ အခုလို ရှင်းပြပေးတာ ကျေးဇူး အများကြီးတင်ပါတယ်နော်။

Read More...

Summary only...

photos of U Gambira

အရှင်ဂမ္ဘီရ(ယပ်တောင်နှင့်)

အရှင်ဂမ္ဘီရနှင့်ရဟန်းဒကာမိသားစု

အရှင်ဂမ္ဘီရ(၀ဲဘက်မတ်တက်ရပ်လျှက်)

Read More...

Summary only...

U Gambia's biography

the following is U Gambia's biography in Burmese. JPEG file is also available.

English version is also available.

ဦးဇင်းရဲ့ အတ္ထုပ္ပတ္တိကို မဇ္ဈိမ စာမျက်နှာမှာတွေ့ရတယ်။ ဘလော့ဂ်တစ်ခုက ယူထားတယ်လို့ ဆိုထားတာမို့ အဲဒီဘလော့ဂ်ကိုရောက်အောင်သွားပြီး ကူးပေးလိုက်ပါတယ်။

http://vimutti.blogspot.com/
Thursday, January 17, 2008
အရှင်ဂမ္ဘီရ

ဘွဲ့အမည်။ ။ ဦးစန္ဒောဘာသ
လူအမည်။ ။ ညီညီလွင်

ဦးဂမ္ဘီရကို ၁၉၇၉ ခုနှစ်၊ ဇွန်လ ၁၉ ရက်၊ အင်္ဂါနေ့၌ အဖ
ဦးမင်းလွင်၊ အမိဒေါ်ရေးတို့မှ မကွေးတိုင်း၊ ပေါက်မြို့နယ်၊
ကိုင်းလယ်ကျေးရွာတွင်မွေးဖွားခဲ့သည်။

မိသားစုနောက်ခံပုံရိပ်တစေ့တစောင်း

ဖခင်ဖြစ်သူမှာ စစ်မှုထမ်းဟောင်းတဦးဖြစ်ပြီး ၁၀နှစ်ကျော်ကြာ တာဝန်ထမ်းဆောင်ခဲ့ဖူးသည်။
မဟုတ်မခံစိတ်ရှိပြီး အများအတွက် အနစ်နာခံလိုစိတ်များရှိ၍ ထိုစိတ်ဓါတ်ကြောင့်ပင် အထက်
လူကြီးများနှင့် မတည့်ဖြစ်ကာ တပ်မှထွက်ခဲ့ရသည်။ တပ်မှထွက်ပြီးနောက် ဒေါ်ရေးနှင့်
အိမ်ထောင်ပြုကာ လက်ဖက်ခြောက်၊ ကျားရိုး၊ ကျားရေ၊ ကျောက်မျက်ရတနာကုန်သည်
အဖြစ် အသက်မွေးခဲ့သည်။

မိခင်ဖြစ်သူဒေါ်ရေးမှာ ကျောင်းဆရာမ ဟောင်းတဦးဖြစ်ခဲ့ပြီး တာဝန်ကျရာ ပေါက်မြို့နယ်၊
သပွတ်စုကျေးရွာ၊ ကိုင်းလယ်ကျေးရွာတို့တွင် ၁၃ နှစ်ကြာတာဝန်ထမ်းခဲ့သည်။
သူမသည်လည်း ၀ါသနာကြောင့်သာလျှင် ကျောင်းဆရာမအလုပ်ကို ၁၃နှစ်ကြာ
တာဝန်ထမ်းဆောင်နိုင်ခြင်းဖြစ်သည်။ အဘယ်ကြောင့်ဆိုသော် ထိုအချိန်က မဆလ
လူကြီးများနှင့် အထက်ဖားအောက်ဖိ ကျောင်းအုပ်ဆရာကြီးများ၏ ပညာပြမှုမှာ
သြချရလောက်သော ကြောင့်ဖြစ်ပေသည်။

သပွတ်စုကျေးရွာတွင် တာဝန်ထမ်းဆောင်စဉ်ကဆိုလျှင် အခြားဆရာမများကို ရွာတွင်
ဝန်ထမ်းအိမ်ရာများပေးခဲ့ သော်လည်း ဒေါ်ရေးကိုမူ ပေါက်မြို့မှနေ့ချင်းပြန်ကျောင်းတက်
စေခဲ့သည်။ ထိုအချိန်ကဒေါ်ရေးတွင်သားသမီးနှစ်ယောက် ရှိနေပြီဖြစ်ပြီး ဒုတိယသမီးမှာ ရက်ငါးဆယ်သာရှိသေးသည်။ မဆလကောင်စီလူကြီး ဦးမောင်မောင် ၏ တူမဖြစ်သူမှာ
ဒေါ်ရေး၏နေရာတွင် တာဝန်ထမ်းဆောင်လိုသည်ဆိုသောကြောင့် ဒေါ်ရေးမှာ ပေါက်မြို့နှင့်
(၈) မိုင်ဝေးသောကိုင်းးလယ်ရွာသို့ ပြောင်းရွှေ့ခြင်းခံရသည်။

ထိုအချိန်တွင် ဖခင်ဖြစ်သူ ဦးမင်းလွင်မှာ ဆန်စက်၊ ဆီစက်များ စတင်တည်ထောင်ကာ
စီးပွားရေးကို ကြိုးစားရှာ ဖွေခဲ့ရာ အတန်အသင့် စုမိဆောင်းမိဖြစ်လာခဲ့သည်။ ကလေးငယ်
နှစ်ဦးတာဝန်၊ ဆီစက်၊ ဆန်စက်များတာဝန်၊ ထမင်းဟင်းလျာများချက်ခြင်းတာဝန်များကို တစ်ဦးတည်းယူခဲ့ရသည်။ မိခင်ဖြစ်သူဒေါ်ရေးကတော့ အလုပ်ထွက် ရန်ခေါင်းမာနေဆဲ၊ ကျောင်းအုပ်ဆရာကြီး၏ပညာပြမှုများကို နေ့စဉ်ခါးစည်းခံနေရမြဲဖြစ်သည်။

ဤသို့ဖြင့် ကိုင်းလယ်ရွာသို့ရောက်ပြီး ၁၁-နှစ်အကြာ အလုပ်မှထွက်ခဲ့ရသည်။ ဦးမင်းလွင်
သည်လည်း မဆလ လူကြီးများ၏စစ်မေးမှုများကို မကြာခဏခံခဲ့ရသည်။ အကြောင်းပြချက်မှာ
“ဘာကြောင့် ဒီလောက်ချမ်းသာသ လဲ“ ဟူ၍ဖြစ်သည်။ မကြာခဏလည်း ဖမ်းဆီးရန် ထောင်ချောက်ဆင်ခြင်းခံရသည်။ မဆလလူကြီးမင်းများ မုန်းတီးရသည့်အကြောင်းအရင်းမှာ
ဦးမင်းလွင်သည် တနယ်သားဖြစ်ပြီး စီးပွားတက်လာခြင်းနှင့် သူ၏မဟုတ်မခံ စိတ်ရှိ ခြင်းကြောင့် သာဖြစ်ပေသည်။ ထိုသို့သော အခြေအနေအရပ်ရပ်ကြောင့် ၁၉၈၃-ခုနှစ်တွင် ပေါက်မြို့သို့
ပြောင်းရွှေ့ခဲ့သည်။

၁၉၈၈ခုနှစ် အရေးအခင်းဖြစ်သောအခါ ပေါက်မြို့နယ် သပိတ်ခေါင်းဆောင်၊ NLD အဖွဲ့ဝင်ဖြစ်ပြီး
တသီးပုဂ္ဂလ အမတ်အဖြစ် ရပ်ရွာလူထု၏ ရွေးချယ်တင်မြှောက်ခြင်းခံရသူဖြစ်သည်။ ထိုအရေးအခင်း
တွင် ဦးဂမ္ဘီရ၏ ဖခင်မှာ နှိပ်စက်ခံပြည်သူလူထု၏ စိတ်ဓါတ်အုံကြွမှု၊ လက်စားချေလိုမှု၊ လက်တုံ့ပြန်
လိုမှုများကို အကြမ်းမဖက်စေဘဲ ငြိမ်း ချမ်းရေးအသွင်ဖြင့် ထိန်းသိမ်းခဲ့သောသူဖြစ်ပါသည်။

အကယ်ဆိုလျှင် ၎င်း မဆလများအပေါ် လက်တုံ့ပြန်လျှင်ရနိုင်သော်လည်း ရန်ကိုရန်ချင်းမတုံ့နှင်းခဲ့ပေ။
ရှစ်လေး လုံးကာလအတွင်းက ဆီစက်တလုံးမှလွဲ၍ ရှိသမျှစည်းစိမ်ဥစ္စာများ အားလုံးကုန်ဆုံးသွားခဲ့သည်။ ပြည်သူလူထုအ တွက် အသုံးပြုခဲ့ခြင်းဖြစ်သည်။ အိမ်၌လည်း အငယ်ဆုံးကလေးမှလွဲလျှင် အားလုံးကျောင်းသားများဖြစ်ကြသည်။ အငယ်ဆုံးကလေးမှာ (၄) နှစ်အရွယ်ဖြစ်သည်။ အရေးအခင်း
ပြီးချိန်တွင် ဖခင်ဖြစ်သူနှင့် အကိုကြီးတို့မှာ ထောင် (၁နှစ်ခွဲ) နှင့်(၃) နှစ်စီကျခံခဲ့ရသည်။ မိခင်ဖြစ်သူမှာ ဖခင်နှင့်အကိုကြီးတို့၏ အမှုကိစ္စများကို လိုက်လံဆောင်ရွက် နေရသောကြောင့် အိမ်မှုကိစ္စများကို မရှောင်မလွှဲသာပခုံးပြောင်းတာဝန်ထမ်းဆောင်ရန်လိုအပ်လာသဖြင့် ဒုတိ ယသမီးဖြစ်သူ မခင်သူဌေးမှာ
(၁၀) တန်းနှင့်ကျောင်းထွက်လိုက်ရပြီး မောင်ညီမလေးများအားလုံး (၁၀)တန်း အောင်မြင်ပြီးမှ တဖန် (၁၀) တန်းပြန်ဖြေခဲ့ရသည်။ ဂုဏ်ထူး ၁ ခုနှင့်နှစ်ချင်းပေါက်အောင်မြင်ခဲ့သည်။

ငယ်စဉ်ဘ၀
၁၉၈၃ခုနှစ် ထိုကာလက ဦးဂမ္ဘီရမှာ အသက်လေးနှစ်ရှိပြီဖြစ်သည်။ မွေးချင်း (၇)ယောက်ရှိပြီး ဦးဂမ္ဘီရမှာ (၅) ယောက်မြောက်ဖြစ်သည်။ အသက် (၅) နှစ်အရွယ်တွင် ပေါက်မြို့၊အောင်တံခွန်ရပ်၊ အမှတ်(၄)မူလတန်း ကျောင်းတွင် စတင်ကျောင်းနေခဲ့သည်။ သူငယ်တန်းမှ လေးတန်းအထိ၊အတန်းစဉ်ပထမရကာ ကျောင်းအုပ် ဆရာမကြီး၏ ချစ်ခင်မှုကိုအထူးခံရသူဖြစ်သည်။

ကလေးစစ်သားဖြစ်ရသေး

၁၉၈၈ခုနှစ်မှစ၍ ဦးဂမ္ဘီရ၏စိတ်တွင် မိသားစုများ တကွဲတပြားစီဖြစ်ရခြင်း၊ စီးပွားရေး
ကျဆင်းမှုများကိုခံစားရ ခြင်းနှင့်အတူ နိုင်ငံရေးစိတ်များလည်း အမြစ်တွယ်ခဲ့ဟန်ရှိပါသည်။
ကျောင်းများ (၂) နှစ်ခန့် ပိတ်လိုက်ခြင်း ကြောင့်လည်းကောင်း၊ အုပ်ထိန်းသူမိဘများ၏
အုပ်ချုပ်မှုကင်းလွတ် သွားခြင်းကြောင့် လည်းကောင်း၊ အသက် ငယ်ငယ်နှင့်ပေခဲ့၊ တေခဲ့
သေးသည်။ မိသားစုအုပ်ချုပ်မှုပုံစံမှာလည်း ဖခင်မှာ စစ်မှုထမ်းဟောင်းတဦးဖြစ်ခြင်းကြောင့် စည်းကမ်းတင်းကျပ်ကာ စစ်တပ်ပုံစံအုပ်ချုပ်ခဲ့သည်။ လူငယ်ဘ၀တွင် ကြောက်ရွံ့ရသောပုံစံနှင့်
ရှင်သန်ရလျှင် ထွက်ပေါက်ရှာကြစမြဲဖြစ်သည်နှင့်အညီ မိဘ၏ တင်းကျပ်မှုအောက်တွင်
အသက်ငယ်ငယ်နှင့် ပေတေလေလွင့်ခဲ့သည်။ ထိုအခါ မိဘများက ပို၍တင်းကျပ်၊ တဖန်
လူငယ်က ထွက်ပေါက်ရှာမှားသည့်အခါ နောက်ဆုံး ငရဲတွင်းရောက်ခဲ့ရသည်။ ဤသို့ဖြင့်
အသက်၁၂ နှစ်အရွယ် ၅ တန်းကျောင်းသားဘ၀တွင် ကလေး စစ်သားဖြစ်ခဲ့ရသည်။

သာသာနာ့ဘောင်ရောက်ပြီ

အိမ်မှရုတ်တရက် ပျောက်သွားသော သားဖြစ်သူ၏ သတင်းကို မိဘများက အပူတပြင်း လိုက်လံ
စုံစမ်းခဲ့သည်။ ရန်ကုန်ရှိ စစ်ဌာနတစ်ခုတွင်ဟု စုံစမ်းသိရှိရသောအခါ လိုက်လံကယ်ထုတ်ခဲ့သည်။ ထိုကိစ္စနှင့်ပတ်သက်၍ အာဏာပိုင်များက ပေါက်မြို့သို့လာရောက်စုံစမ်းခဲ့သည်။ သားဖြစ်သူကို
တွေ့သွားလျှင် အဖမ်းခံရမည်၊ အသက် မပြည့်ဘဲ စစ်မှုထမ်းရမည်၊ ထောင်ဒဏ်ကျခံရမည်စိုး
သောကြောင့် ပေါက်မြို့လေသာတောင်ကျောင်းတိုက် ဆရာတော်ကို ဥပဇ္ဇယ်ပြုကာ သာမဏေ
အဖြစ် စတင်ရောက်ရှိခဲ့သည်။ ထို့နောက် ရန်ကုန်ရှိအင်းစိန်ရွာမကျောင်းတိုက်သို့ ပို့ဆောင် ပေးခဲ့ သည်။သာသနာ့ဘောင်တွင် ပျော်ပိုက်ကာ စာဝါများလိုက်ခဲ့သည်။ မူလတန်း၊ အငယ်တန်း၊ အလတ်
တန်း၊ အကြီးတန်း၊ စာမေးပွဲများနှင့် နိကာယ်လေးကျမ်းကို ထူးချွန်စွာ အောင်မြင်ခဲ့ပြီးဖြစ်သည်။

နေထိုင်ခဲ့သော ကျောင်းများကတော့ အစုံအနှံ့ပင်ဖြစ်သည်။ အင်းစိန်ရွာမ၊ ထောက်ကြံ့တောရ၊
သဒ္ဓမ္မ၀ံသ အလုံ ကျောင်းတိုက်၊ ပခုက္ကူအရှေ့တိုက်၊ အလယ်တိုက်၊ မန္တလေးမစိုးရိမ်ကျောင်း
တိုက်တို့ဖြစ်သည်။ အသက် ၂၀ အရွယ်တွင် လှည်းကူးမြို့မှ ရဟန်းဒကာ ဦးသိန်းဦးတို့ ဇနီး
မောင်နှံနှင့်အတူ၊ မိသားစုတို့က ရဟန်းခံပေးခဲ့ခြင်း ဖြစ်ပါသည်။ စာဝါလိုက်နေစဉ်အတွင်း
ကရင်ပြည်နယ် မြိုင်ကြီးငူတွင် ၅ နှစ်ကြာမျှ ဗုဒ္ဓဘာသာပြန့်ပွားရေး အတွက် သာသနာပြုခဲ့ပါသည်။

ပင်ကိုယ်စိတ်နေစိတ်ရင်း
မိမိ၏ တိုင်းပြည်နှင့်လူမျိုးအပေါ် အထူးချစ်ခင်သူ၊ အမှန်တရားကို မြတ်နိုးပြီး လွတ်လပ်မှုကိုခုံမင်သူ၊ ဖိနှိပ်စိုးမိုး အနိုင်ကျင့်မှုများကို စက်ဆုပ်သူဖြစ်သည်။ စာပေကိုမြတ်နိုးသော အရှင်ဂမ္ဘီရသည် ဘာသာရေးဆိုင်ရာစာအုပ် များ၊ အင်္ဂလိပ်စာနှင့်ဆိုင်သောစာအုပ်များ၊ ကွန်ပြူတာနည်းပညာနှင့်ဆိုင်သောစာအုပ်များကို အမြဲဝယ်ယူဖတ်ရှု စုဆောင်းခဲ့သည်။ မြန်မာနိုင်ငံအရပ်ရပ်ရှိ စာကြည့်တိုက်များသို့ စာအုပ်များလှူဒါန်းခဲ့သည်။ သူနေထိုင်ရာ ပေါက်မြို့တွင် စာကြည့်တိုက်တခုကို ထူထောင်၍ စာအုပ်များလှူဒါန်းခဲ့သည်။ ဇီဝိတဒါနသွေးလှူခြင်းအမှုကို လည်း နှစ်စဉ်နှစ်တိုင်းလိုပင် ပြုလုပ်မြဲဖြစ်သည်။

ရည်မှန်းချက်မှာ------

ထောက်ကြံ့တောရ၌ နေစဉ်အတွင်း ကျောင်းထိုင်ဘုန်းကြီး၏ ချစ်ခင်မှုကို အထူးခံရသူဖြစ်သည်။ စာချဘုန်းကြီးအဖြစ် တာဝန်ပေးအပ်ခြင်းခံရသည်။ ရခိုင်ပြည်နယ် ဘုန်းကြီးကျောင်းတကျောင်း
မှလည်း ကျောင်း ထိုင်ဘုန်းကြီးအဖြစ် ပင့်ဖိတ်ခြင်းခံရသည်။ သို့သော်ဓမ္မာစရိယတန်းပြီးလျှင် သာသနာပြုတက္ကသိုလ်တက်ရန် ရည်ရွယ်ချက်ရှိခဲ့သောကြောင့် ကျောင်းမထိုင်ခဲ့ပေ။ သာသနာ ပြုတက္ကသိုလ်မှဘွဲ့ရပြီးလျှင် အိန္ဒိယနိုင်ငံတွင် ပညာသင်ကြားပြီးလျှင် နိုင်ငံတကာသာသနာပြု ဓမ္မကထိကအဖြစ် ရှင်သန်သွားရန် ရည်ရွယ်ထားသည်။ အချိန် ရလျှင်လည်း အင်္ဂလိပ်စာနှင့် ကွန်ပြူ တာပညာတို့ကို လေ့လာလိုက်စားခဲ့သည်။ နိုင်ငံရေးသိပ္ပံ၊ ရသစာပေ၊ ကဗျာ၊ ဂီတ တို့ကိုလည်း လေ့လာ လိုက်စားခဲ့သည်။ ဘာသာရေးဆောင်းပါး၊ ၀တ္ထု၊ ကဗျာတို့လည်းရေးသားခဲ့ သည်။

လမ်းကြောင်းပြောင်းပြီ
ဓမ္မာစရိယတန်း စာဝါလိုက်နေစဉ်အတွင်း ၂၀၀၅ ခုနှစ်တွင် ပြည်သူလူထု၏ စားဝတ်နေရေး၊ ပညာရေး၊ဘာသာ ရေးနိမ့်ကျနေမှုများကို အထူးသိမြင်ကာ လျစ်လျူမရှုရက်တော့ဘဲ သံဃာထုအတွင်း စည်းရုံးမှုများကို စတင်ခဲ့ သည်။ ဒီပဲယင်းအရေးအခင်းကာလက နှစ်ကြီးထောင်ကျအကျဉ်းသားများကို သင်္ကန်းစည်းပေးကာ ဒေါ်အောင် ဆန်းစုကြည်နှင့် ကျောင်းသားများအား အာဏာပိုင်များက အသတ်ခိုင်းမှုအပေါ် အထူးစိတ်နာခဲ့သည်။ စစ်အစိုးရ အာဏာပိုင်များ၏ ဘာသာတရားကင်းမဲ့မှု၊ သာသနာတော်ကြီးအား အသရေညှိုးနွမ်းအောင်ပြုလုပ်မှု၊ ဘုန်းကြီး အယောင်ဆောင်ကာနာမည်ဖျက်မှု၊ စစ်အုပ်စုအာဏာတည်မြဲရေး တခုတည်းကိုသာ ကြည့်မှုတို့ကြောင့် မိမိ၏ ရည်ရွယ်ချက်များအပျက်ခံကာ စာဝါမလိုက်နိုင်တော့ဘဲ ဤစက်တင်ဘာအရေးအခင်းကို ဦးဆောင်ပါဝင် လှုပ် ရှားခဲ့ရပါတော့သည်။

သူ၏ မအိပ်မနေလှုပ်ရှားမှုများကတော့ အံ့မခန်းပင်ဖြစ်သည်။ ထို့ကြောင့်လည်း တနိုင်ငံလုံးရှိ သံဃာတော် အရှင်သူမြတ်အားလုံးလိုလိုနှင့် ပေါင်းစည်းလက်တွဲနိုင်ခဲ့သည်။ ထို့ကြောင့်ပင်၂၀၀၇ ခုနှစ် စက်တင်ဘာ အရေးတော်ပုံကြီးမှာ အောင်မြင်စွာပေါ်ပေါက်လာခဲ့ရသည်။

သို့သော် အာဏာရှင်ဗိုလ်ချုပ်ကြီးများအနေဖြင့် သံဃာတော်အရှင်သူမြတ်များ၊ ပြည်သူများ၊ ကျောင်းသား လူငယ်များအပေါ် ဤကဲ့သို့ ရက်ရက်စက်စက် ချေမှုန်းသတ်ဖြတ်ပစ်မည်ကိုတော့ သူ-လုံးဝမျှော်လင့်မထားမိခဲ့။ ဤမျှ ရိုင်းစိုင်းယုတ်မာလိမ့်မည်ဟု မထင်ခဲ့ခြင်းကြောင့်လည်း လမ်းပေါ်ထွက်ခဲ့ခြင်းဖြစ်ကြောင်း ၎င်းက နောက် ပိုင်းတွင် ဖွင့်ဟမြွက်ကြားခဲ့သည်။

ဤအဖြစ်ဆိုးကြီးကို ပြန်လည်းစဉ်းစားမိတိုင်း စိတ်ဖိစီးမှုများခံစားရကာ ကျန်းမာရေးထိခိုက်လာခဲ့သည်။ သို့သော်လည်း ကျန်းမာရေးချို့ငဲ့နေသည့်အကြားကပင် ရှောင်တိမ်းပုန်းအောင်းရင်းနှင့် အရေးတော်ပုံ အရှိန် အဟုန်ကျမသွားရေး ဆက်လက်ထိန်းသိမ်းသယ်ပိုးနေခဲ့ရသည်။ မိတ်ဆွေအသိုင်းအ၀ိုင်းများမှ သူ လွတ်မြောက်ရေးအတွက် ပြည်ပသို့ထွက်ခွာသွားရန်တိုက်တွန်းပြောဆိုခဲ့သော်လည်း "တိုက်ပွဲ မအောင်မြင် မချင်း ပြည်ပသို့ ထွက်ခွာမသွားကြေး" ဆိုသည့် တိုက်ပွဲဝင်ရဲဘော်များအကြား ထားရှိခဲ့သည့်ကတိသစ္စာကို သစ္စာရှိရှိ ခိုင်ကျည်စွာ စောင့်ထိန်းခဲ့ သည်။

အဖမ်းခံရပြီ
ယခုအချိန်တွင်မူ အာဏာပိုင်များ၏ ပိုက်စိပ်တိုက် ရှာဖွေဖမ်းဆီးမှုအောက်၌ အဖမ်းခံလိုက်ရပေပြီ။ နိုဝင်ဘာ ၄ ရက်နေ့၌ ၎င်းပုန်းအောင်နေထိုင်သည့် စဥ့်ကိုင်နယ်ထဲတွင် အဖမ်းခံလိုက်ရပြီး၊ ရန်ကုန်၊ အင်းစိန်အကျဉ်း ထောင်၊ အဆောင် (၂)၊ အခန်း (၂၃) ၌ တဦးတည်း အထီးကျန်စံပယ်နေရသည်။

ထောင်ကျသော်လည်း
ဒီဇင်ဘာ ၅ ရက်နေ့တွင် မိသားစုအနေဖြင့် ပထမအကြိမ် ထောင်ဝင်စာတွေ့ဆုံခွင့်ရခဲ့သည်။ မိသားစု၏ စီးပွား ရေးအခြေအနေ ယိမ်းယိုင်နေခြင်းနှင့်အတူ ခရီးလည်းဝေးကွာသည့်အတွက် ထောင်ဝင်စာ ပုံမှန်တွေ့ဆုံနိုင်ရန် အတွက်ပင် ရုန်းကန်နေကြရသည်။ အရှင်ဂမ္ဘီရသည် ထောင်တွင်းအထီးကျန်မှုကို တရားတော်များမှတ်ရင်း နှင့်ပင် ပယ်ဖျောက်ရင်း ပြင်ပတွင် ကျန်နေရစ်သည့် ရဟန်းရှင်လူပြည်သူများ၏ နောက်ထပ်တကြိမ် တိုက်ပွဲခေါ် သံကို နားစွင့်နေမည်မှာ မလွဲဧကန်ပင်။

ဦးဂမ္ဘီရပြောနေကြစကားတခွန်းရှိပါသည်။

“ကျုပ်တို့ဘုန်းကြီးတွေဆိုတာက လူတွေလို ဇနီးမယား၊ စည်းစိမ် ဥစ္စာ တွယ်တာစရာတွေ ဘာမှရှိတာမဟုတ် ဘူး၊ ကျုပ်တို့လူဖြစ်လာရတာကိုက သာသနာပြုဖို့အတွက်ဗျ၊ လူတွေအတွက်ဗျ၊ သာသနာပြုနိုင်ဖို့ဆိုတာက လည်း လူတွေရဲ့ဘ၀ စားဝတ်နေရေး၊ လူမှုရေး၊ မင်းဆိုးမင်းညစ်တွေဘေးက ပြေလည်ကင်းလွတ်နေမှဗျ၊ ဘာ သံယောဇဉ်မှမရှိတဲ့ ကျုပ်တို့က လူတွေရဲ့အခက်အခဲတွေကို ပြေလည်အောင်ဖြေရှင်းပေးရမယ်။ ဒီအလုပ်တွေ ကို လုပ်ကတည်းက ဘ၀တွေ၊ အသက်တွေ ရင်းထားရတာ၊ အဖမ်းခံရမှာနဲ့သေမှာ နှစ်မျိုးပဲရှိတယ်“

Read More...

Summary only...